وبلىسقا توتە قاراستى ورىنداردىڭ 2017 – جىلعى سۋ يگىلىگى نەگىزدىك قۇرىلعىلار قۇرىلىسى نىساندارىندا شوعىرلى جۇمىس باستالدى
سۋ يگىلىگىنە ساياتىن 22 نىسانعا جالپى 3 ميلليارد 500 ميلليون يۋان قارجى قوسىلادى
2017.05.22 14:27
وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلىنىڭ: « وبلىسقا توتە قاراستى ورىنداردىڭ 2017 – جىلعى سۋ يگىلىگى نەگىزدىك قۇرىلعىلار قۇرىلىسى نىساندارىندا شوعىرلى جۇمىس باستالدى!» دەپ جاريالاۋىمەن وبلىسقا توتە قاراستى ورىنداردىڭ 2017 – جىلعى سۋ يگىلىگى نەگىزدىك قۇرىلعىلار قۇرىلىسى نىساندارىندا شوعىرلى جۇمىس باستاۋ سالتى قۇلجا اۋدانىندا وتكىزىلدى. وسى جولى جۇمىس باستاعان سۋ يگىلىگىنە ساياتىن 22 نىسانعا جالپى 3 ميلليارد 500 ميلليون يۋان قارجى قوسىلماقشى، بيىل ءبىر ميلليارد يۋان قارجى قوسۋ جوسپارلاندى.
وبلىستىڭ ورىنباسار باستىعى مەي يۇي جانە وبلىسقا توتە قاراستى قاتىستى تاراۋلاردىڭ، قۇلجا اۋدانىنىڭ باسشىلارى جۇمىس باستاۋ سالتىنا قاتىناستى.
اۆتونوميالى وبلىس مەملەكەتتىڭ «ءبىر بەلدەۋ، ءبىر جول» ستراتەگيالىق ورايىن مىقتى يگەرىپ، تىڭ دامۋ كوزقاراسىن ىشكەرىلەي دايەكتىلەندىرىپ، قامداۋ جاعىنداعى قۇرىلىمدىق رەفورمانى بار كۇشپەن ىلگەرىلەتىپ، سۋ يگىلىگى نەگىزدىك قۇرىلعىلار قۇرىلىسىنا 2 ميلليارد 900 ميلليون يۋان قارجى قوسىپ، %100 ارتتىرۋدى جوسپارلادى. وسى جولعى شوعىرلى جۇمىس باستايتىن قۇرىلىستاردا سۋ قويماسى، اۋىل – قىستاقتىڭ تازا اۋىز سۋى، تاسقىننان، قۋاڭشىلىقتان ساقتانۋ، سۋدى جوعارى ونىمدىلىكپەن ۇنەمدەۋ سياقتى 22 نىسان قامتىلعان.
جۇمىس باستاۋ سالتىندا قۇرماش سىرجان ۇلى بىلاي دەدى: نىسانداردا قۇرىلىس جۇمىسىنىڭ باستالۋى ىلەنىڭ سۋ يگىلىگىندەگى نەگىزدىك قۇرىلعىلار قۇرىلىسى جۇيەسىن اناعۇرلىم كەمەلدەندىرىپ، سۋ يگىلىگى جاعىنداعى قيىنشىلىقتاردى ءونىمدى تۇردە شەشىپ، ءار ۇلت بۇقاراسىنىڭ ءوندىرىس، تۇرمىس شارت – جاعدايىن زور دارەجەدە جاقسارتىپ، ىنتىماقتى، جاراسىمدى، گۇلدەنگەن، باي، مادەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك ىلە قۇرۋدى پارمەندى تۇردە جەبەپ، ىلەنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالايدى.
قۇرماش سىرجان ۇلى بىلاي دەپ اتاپ كورسەتتى: بيىل وبلىسقا توتە قاراستى ورىنداردىڭ سۋ يگىلىگى نەگىزدىك قۇرىلعىلار قۇرىلىسىنىڭ مىندەتى اۋىر، قۇرىلىس جۇرگىزۋ ۋاقىتى تىعىز. اۋدان – قالالار، تاراۋلار باس نىسانانى تىعىز توڭىرەكتەپ، باتىل جاۋاپكەرلىك ارقالاپ، قىزمەتتى جاۋاپكەرلىكپەن ىستەپ، يدەيانى، ارەكەتتى، اياق الىستى بىرلىككە كەلتىرىپ، ينجەنەريانىڭ ءساتتى اتقارىلۋىن بار كۇشپەن ىلگەرىلەتىپ، قۇرىلىستىڭ ۋاعىندا اياقتاۋىنا كەپىلدىك ەتۋ كەرەك. قۇرىلىس ىسىنە قاتىناسقان ءارقايسى ورىندار باتىلدىقپەن سايىس جاريالاۋ، باتىلدىقپەن جاڭالىق اشۋ سىندى «ۇستالىق» رۋحتى ساۋلەلەندىرىپ، ساپا بارىنەن جوعارى تۇرادى دەيتىن يدەيانى بەرىك ورناتىپ، جوعارى ولشەم، جوعارى ساپا، جوعارى ونىمدىلىك ارقىلى بۇقارانى رازى ەتەتىن، حالىق تۇرمىسىنا تيىمدىلىك جاسايتىن ينجەنەريانى ورىنداپ، ىلەنىڭ سۋ يگىلىگى قۇرىلىسى ىستەرىنىڭ تىڭ داستانىن بىرگە جازۋىن ءۇمىت ەتەمىن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
