ساياسي كەڭەس 11 - كەزەكتى كوميتەتى تۇراقتى كوميتەتىنىڭ 19 - ءماجىلىسى 13 - قىركۇيەكتە اشىلادى
2017.09.08 15:44 كەلۋ قاينارى : شينجياڭ گازەتى
اۆتونوميالى رايوندىق ساياسي كەڭەس ءتوراعالار ءماجىلىسىن اشتى
اۆتونوميالى رايوندىق ساياسي كەڭەس 6 - قىركۇيەك تۇستەن بۇرىن ءتوراعالاردىڭ 57 - رەتكى ءماجىلىسىن اشتى. ءماجىلىس ساياسي كەڭەس 11 - كەزەكتى كوميتەتى تۇراقتى كوميتەتىنىڭ 19 - ءماجىلىسىن 13 - قىركۇيەكتەن 14 - قىركۇيەككە دەيىن ۇرىمجىدە اشۋدى ۇيعاردى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى.
ءماجىلىس، ەڭ اۋەلى، اۆتونوميالى رايوننىڭ نەگىزگى باسشىلارىنىڭ قورشاعان ورتانى قورعاۋدى باقىلاۋ - تەكسەرۋ قىزمەتى جونىندەگى تاياۋدان بەرگى ماڭىزدى بەكىتپەلەرىنىڭ رۋحىن جەتكىزدى، ۇيرەندى؛ ساياسي كەڭەس 11 - كەزەكتى كوميتەتى تۇراقتى كوميتەتىنىڭ 19 - ءماجىلىسىنىڭ كەڭەستىك ءتارتىپ جوباسىن، كۇن ءتارتىبىن جانە سىرتتاي قاتىناسۋ كولەمى سياقتىلاردى قاراپ ماقۇلدادى. ءتوراعالار ءماجىلىسىنىڭ ۇسىنىسىنا ساي، بۇل جولعى تۇراقتى كوميتەت ءماجىلىسى «باس نىسانانى مىقتاپ ارقاۋ ەتىپ، قالا - قالاشىقتانۋ قۇرىلىسىن جەدەل العا ىلگەرىلەتۋ» نەگىزگى تاقىرىبى توڭىرەگىندە ۇكىمەت ءىسىن ارناۋلى كەڭەسەدى؛ كادرلار ىسىنە قاتىستى ىستەردى قاراپ ماقۇلدايدى؛ ارناۋلى تاقىرىپتىق لەكسيانى تىڭدايدى.
نۇرلان ءابىلماجىن ۇلى مىنالاردى اتاپ كورسەتتى: ورتالىقتىڭ قورشاعان ورتانى قورعاۋدى باقىلاۋ - تەكسەرۋىنىڭ كەلەلى ءمانىن جىعا تانىپ، اۆتونوميالى رايوندىق پارتكومنىڭ قىزمەت ورنالاستىرۋىنا ساي، وسكەلەڭ ساياسي سانالىلىقپەن، يدەيالىق سانالىلىقپەن جانە ارەكەت سانالىلىعىمەن، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ باقىلاۋ - تەكسەرۋ قىزمەتىنە بار كۇشپەن، تىڭعىلىقتى، ويداعىداي سايكەسۋ كەرەك. ساياسي كەڭەستىڭ ءارقايسى كوميتەتتەرى ماسەلەنى نىشان ەتۋدەن جازباي، وسى جولعى قورشاعان ورتانى قورعاۋدى باقىلاۋ - تەكسەرۋدى وراي ەتىپ، ەكولوگيالىق قورشاعان ورتانى قورعاۋ جانە قۇرىلىس جۇرگىزۋ جونىندەگى تەكسەرۋ - زەرتتەۋ، كوزدەن كەشىرۋ سەرپىنىن ارتتىرىپ، دەموكراتيالىق باقىلاۋدى كۇشەيتىپ، ۇكىمەت ءىسىن بەلسەنە كەڭەسىپ، سىندارلى اقىل - كەڭەستەر بەرىپ، اسپانى كوك، جەرى جاسىل، سۋى تۇنىق كورىكتى شينجياڭ قۇرۋعا بەلسەندى ۇلەس قوسۋى كەرەك.
نۇرلان ءابىلماجىن ۇلى مىنالاردى اتاپ كورسەتتى: ساياسي كەڭەس 11 - كەزەكتى كوميتەتى تۇراقتى كوميتەتىنىڭ 19 - ءماجىلىسىن ويداعىداي اشۋ − اۆتونوميالى رايوندىق پارتكومنىڭ باس نىسانانى ارقاۋ ەتە وتىرىپ اتقارعان ءبىرسىپىرا كەلەلى شارالارىن دايەكتىلەندىرۋ، تياناقتاندىرۋ، اۆتونوميالى رايونىمىزدىڭ جاڭاشا قالا - قالاشىقتاندىرۋ قۇرىلىسىن العا ىلگەرىلەتۋ، جاڭاشا قالا - قالاشىقتاندىرۋدىڭ قوعام ورنىقتىلىعى مەن باياندى تىنىشتىقتى جەبەۋدەگى باسىم رولىن ويداعىداي ساۋلەلەندىرۋ جونىنەن ماڭىزدى مانگە يە. بارلىق مۇشەلەر ات سالىسۋ، جاۋاپكەرشىلىكتى تياناقتاندىرۋ، دايىندىق قىزمەتتەرىن مۇقيات جاقسى ىستەۋ، ءارقايسى بۋىنداعى ۇلاستىرۋ مەن تياناقتاندىرۋدى تىڭعىلىقتى يگەرۋ، قىزمەتتى ىشكەرىلەي، ەگجەي - تەگجەيلى، اشالاي، ناقتى ىستەپ، ءماجىلىستىڭ تابىستى اشىلۋىنا شىنايى كەپىلدىك ەتۋ كەرەك.
نۇرلان ءابىلماجىن ۇلى بىلاي دەپ باسا دارىپتەدى: بۇدان بىلايعى ءبىر مەزگىلدەگى قىزمەتتەردى جاپپاي جوسپارلاپ، ءبىر تۇتاس ورنالاستىرا وتىرىپ مىقتى يگەرىپ، ساياسي كەڭەس اۆتونوميالى رايوندىق 12 - كەزەكتى كوميتەتىنىڭ ءبىرىنشى ماجىلىسىنە بايلانىستى دايىندىق قىزمەتتەردى جەدەل مىقتى يگەرىپ، پارتيا باسشىلىق گرۋپپاسىنىڭ 2018 - جىلعى قىزمەت ماڭىزدى تۇيىندەرى مەن كەڭەس جوبالارىن ەگجەي - تەگجەيلى جوسپارلاپ، قىزمەتكە دەگەن ىستىق ىقىلاستى، تاماشا رۋحاني بەت - بەينەنى، قاتاڭ، ناقتى قىزمەت ستيلىن باستان - اياق ساقتاپ، قىزمەتتەردى ءبىر - بىردەن العا ىلگەرىلەتىپ، ءبىر - ءبىر بۋىننان مىقتى يگەرىپ، ءبىر - بىردەن تياناقتاندىرىپ، بيىلعى قىزمەتتەردىڭ جوعارى ءونىمدى ورىندالۋىنا شىنايى كەپىلدىك ەتىپ، پارتيانىڭ 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعالارى ريزۋان ابەي، لي شياڭلين، ليۋ جىيۇڭ، ليۋ جيانشين، باداي، يۇي شيۋدۇڭ، كادىرقان ميراسقان ۇلى، باس حاتشى حان جۇن ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
