5 - كەزەكتى شينجياڭ جاڭالىق اشۋ، شارۋاشىلىق قۇرۋ جارىسى اياقتالدى
2018.10.15 13:50 كەلۋ قاينارى : ءتاڭىرتاۋ تورابى
لياڭ ليحۋا، ياڭ شۋحان 10 - ايدىڭ 13 - كۇنى ۇرىمجىدەن حابارلايدى. 10 - ايدىڭ 12 - كۇنى تۇستەن كەيىن 7 - كەزەكتى جۇڭگو جاڭالىق اشۋ، شارۋاشىلىق قۇرۋ جارىسى (شينجياڭ جارىس رايونى) جانە 5 - كەزەكتى شينجياڭ جاڭالىق اشۋ، شارۋاشىلىق قۇرۋ جارىسىنىڭ جالپى شەشۋشى جارىسى ۇرىمجىدە وتكىزىلدى.
ۇعىسۋعا قاراعاندا، بۇل جولعى جارىسقا قاتىناسۋعا 515 كاسىپورىن تىزىمدەلگەن. جارىسقا قاتىناسۋشىلاردىڭ تولىمدىلىعىن ساراپتاپ، رايوندىق جارىستى، كاسىپ سالاسى بويىنشا جارىستى وزدىرعاننان كەيىن، سوڭىندا 10 كاسىپورىن بۇگىنگى جالپى شەشۋشى جارىسقا كىردى. 10 كاسىپورىننىڭ ىشىندە، العاش قۇرىلعان كاسىپورىندار گرۋپپاسىندا 4 كاسىپورىن، جەتىلۋ بارىسىنداعى كاسىپورىندار گرۋپپاسىندا 6 كاسىپورىن بار، نىساندار بيولوگيالىق ءدارى - دارمەك وندىرىسىندەگى وزىق جاساۋ كاسىبى، ينتەرنەت، ەلەكتروندى ينفورماتسيا، جاڭا ماتەريال، جاڭا ەنەرگيا جانە ەنەرگيا ۇنەمدەپ، ورتانى قورعاۋ سىندى 6 كاسىپ سالاسىنا سايادى. قيان - كەسكى جارىستان كەيىن، العاش قۇرىلعان كاسىپورىندار گرۋپپاسىنان ءبىر كاسىپورىن 1 - دارەجەلى سيلىققا، 3 كاسىپورىن 2 - دارەجەلى سيلىققا يە بولدى، جەتىلۋ بارىسىنداعى كاسىپورىندار گرۋپپاسىنداعى ءبىر كاسىپورىن 1 - دارەجەلى سيلىققا، 5 كاسىپورىن 2 - دارەجەلى سيلىققا يە بولدى. جارىس قيان - كەسكى ءجۇرىلىپ، تابىسپەن اياقتالدى.
«بۇل جولى جەتىلۋ بارىسىنداعى كاسىپورىندار گرۋپپاسى بويىنشا 1 - دارەجەلى سيلىققا يە بولعانىمدى ايرىقشا ماقتانىش سەزىنەمىن. بۇل سيلىق ءبىزدىڭ سەرىكتەستىكتىڭ زەرتتەپ اشۋ نىسانىن تۇراقتاندىرۋ بولىپ سانالادى، ءبىزدىڭ ءونىمىمىزدىڭ بازارداعى بولاشاعىنا دەگەن سەنىمىمىز ءتىپتى دە كۇشەيدى، سونىمەن بىرگە بۇل جولعى جارىس بىزگە قارجى قوسۋشى قۇرىلىمىمەن قوس باعىتتا تاڭدايتىن تۇعىر ازىرلەپ بەردى»، - دەدى حىڭشىڭ مەديتسينا عىلىم - تەحنيكا شەكتى جارنا سەرىكتەستىگىنىڭ باس ديرەكتورىنىڭ كومەكشىسى ۋاڭ حۇي.
اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رايحان يۇسۇپ بىلاي دەدى: رايونىمىز جاڭالىق اشۋ، شارۋاشىلىق قۇرۋ جارىسىن 2014 - جىلدان باستاپ ورىستەتكەننەن بەرى، جاڭالىق اشۋ، شارۋاشىلىق قۇرۋ دەڭگەيىن جوعارىلاتۋ، جاڭالىق اشۋ، شارۋاشىلىق قۇرۋ مادەنيەتىن ساۋلەلەندىرۋ، عىلىم - تەحنيكا مەن فينانستى ۇشتاستىرۋدى جەبەۋ جاعىندا بەلسەندى رول اتقاردى. مەن جارىسقا قاتىناسقان كاسىپورىنداردىڭ اشىق بولۋ، باتىل بولۋ، ءورىس اشۋ، توپ جارىپ، توپتان وزۋ سىندى جاڭالىق اشۋ رۋحىن جەتىلدىرىپ، جاڭالىق اشىپ دامۋ قابىلەتىن ۇزدىكسىز جوعارىلاتىپ، جاڭا داۋىردەگى جاڭالىق اشۋدىڭ، شارۋاشىلىق قۇرۋدىڭ ەگەيلەرى بولۋىن ءۇمىت ەتەمىن.
اۆتونوميالى رايوننىڭ ورىنباسار ءتوراعاسى ماڭلىك سەيىت جالپى شەشۋشى جارىستى كورۋگە كەلدى ءارى 1 - دارەجەلى سيلىققا يە بولعان كاسىپورىندارعا سيلىق تاراتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
