جاراسىمدىلىقتى قورعايتىن «تىنىش پۋنكت»، بۇقاراعا قىزمەت وتەيتىن «مەيىربان پۋنكت»
حالىققا قولايلى ساقشى پۋنكتى اۆتونوميالى رايونىمىزدىڭ قوعامدىق جونگە سالۋ قابىلەتىن جوعارىلاتتى
2018.11.15 15:04 كەلۋ قاينارى : شينجياڭ گازەتى
ءتىلشىمىز لي ياڭ 11 - ايدىڭ 12 - كۇنى ۇرىمجىدەن حابارلايدى. «تازالىق بولمەسىنە كىرىپ شىققانىمشا، بالام جوعالىپ كەتتى، ساقشى جولداس، كومەكتەسسەڭىز بولا ما؟»، - دەدى 11 - ايدىڭ 6 - كۇنى ساعات 11دە ءۇرىمجى وڭتۇستىك ۆوكزالىندا ەرلى - زايىپتى جولاۋشى لۋ يۋانفىڭ 5 جاستاعى ۇلىنىڭ ءىز - توزسىز جوعالعاندىعىن بايقاعاندا. تىقىرشىق اتقان ولار ءۇرىمجى قالالىق قوعام حاۋىپسىزدىگى مەكەمەسى سايباق رايوندىق قوعام حاۋىپسىزدىگى بولىمشە مەكەمەسى وڭتۇستىك ۆوكزال حالىققا قولايلى ساقشى پۋنكتىنىڭ حالىق ساقشىلارىنان كومەك سۇرادى.
بالانىڭ نەگىزگى جاعدايىن تاپتىشتەي ۇعىسقاننان كەيىن، ساقشى پۋنكتىنىڭ ورىنباسار باستىعى ايجان قاھار حالىق ساقشىلارىن جولاۋشىلاردىڭ اراسىنان ىزدەۋگە ۇيىمداستىرا ءجۇرىپ، باقىلاۋ كامەرالارىنداعى بەينەجازبالاردى قاراپ جولاۋشىلاردى ىزدەۋگە جۇمىلدىردى.
10 مينۋتتان سوڭ، حالىق ساقشىلارىنىڭ قۇلشىنۋىندا بالا تابىلدى. ءاسىلى، بالاقاي كۇتۋ بولمەسىندە ويىنعا بەرىلىپ، ورىندىقتىڭ استىنا كىرىپ، اكە - شەشەسىمەن جاسىرىنباق ويناعان ەكەن. لو يۋانفىڭ اسەرلەنىپ: ءبىر ءتاۋىرى ساقشى جولداستار بار ەكەن، سىزدەر ءبىزدىڭ جان اشىرلارىمسىزدار، - دەدى.
مۇنداي ىستەردى ايجان قاھار ۇنەمى ءبىر جايلى ەتەدى. مۇنىمەن قويماي، حالىققا قولايلى وسى ساقشى پۋنكتىنىڭ حالىق ساقشىلارى ءار كۇنى جوعالعان كوپتەگەن چەموداننىڭ، ازاماتتىق كۋالىكتىڭ يەسىن تاۋىپ بەرەدى، جولاۋشىلارعا بەلەتتى قالاي تەكسەرتىپ، ۆوكزالعا قالاي كىرۋدى تانىستىرادى، سونداي - اق جول سۇراعان، ادام ىزدەگەن جولاۋشىلاردىڭ كەزەك كۇتتىرمەيتىن ماسەلەلەرىن شەشىپ بەرەدى.
پارتيا 19 - قۇرىلتايىندا قوعامدىق جونگە سالۋدىڭ بىرگە قۇرىپ، بىرگە جونگە سالىپ، ورتاق يگىلىكتەنەتىن جاعدايىن قالىپتاستىرۋ، قوعامدىق جونگە سالۋ ءتۇزىم قۇرىلىسىن كۇشەيتىپ، قوعامدىق جونگە سالۋدىڭ قوعامدانۋ، زاڭمەن جونگە سالىنۋ، زەردەلىلەنۋ، ماماندانۋ دەڭگەيىن جوعارىلاتۋ ورتاعا قويىلعان بۇگىنگى كۇنى، بۇكىل رايونىمىزدىڭ جەر - جەرىنەن تارالعان حالىققا قولايلى ساقشى پۋنكتتەرىندە اماندىقتى باسقارۋ بويىنشا شارلاۋ - مەڭگەرۋ، مالىمدەۋدى قابىلداۋ، ساقشى جىبەرىپ ءبىر جاقتى ەتۋ، بۇقاراعا قىزمەت وتەۋ، زاڭ - ءتۇزىم ۇگىتى قاتارلى فۋنكتسيالار ءبىر تۇلعالانعان، ول حالىق بۇقاراسىنا «جولاۋشىلاۋ حاۋىپسىزدىگىن قامتاماسىز ەتۋ، شۇعىل جاعدايدا كومەك سۇراۋدا باعدار بولۋ» سىندى ساقشى ىستەرى بويىنشا قىزمەت كورسەتۋ ماقساتىن تەرەڭ سەزىندىردى، حالىققا قولايلى ساقشى پۋنكتى جاراسىمدىلىقتى قورعاعان «تىنىش پۋنكتكە»، بۇقاراعا قىزمەت وتەيتىن «مەيىربان پۋنكتكە» اينالعان.
11 - ايدىڭ 12 - كۇنى ساعات 16دا ۇرىمجىدە قاپالاقتاپ قار جاۋدى. «قالا تۇرعىندارىنىڭ قول شاتىر الا تۇرۋىن قارسى الامىز!». ءۇرىمجى قالاسى سايباق رايوندىق قوعام حاۋىپسىزدىگى بولىمشە مەكەمەسىنىڭ شاڭماۋچىڭداعى حالىققا قولايلى ساقشى پۋنكتىندە ورىنباسار پۋنكت باستىعى چى ليڭيۇي ەسىك الدىنداعى اق ءتۇستى حابارلاندىرۋ تاقتاسىنا مەيىرگە تولى وسى ءسوزدى جازىپ قويدى. كوپ وتپەي قالا تۇرعىندارى قول شاتىر الا تۇرۋعا كەلدى.
بۇل حالىققا قولايلى ساقشى پۋنكتىنىڭ بۇقاراعا قىزمەت كورسەتۋ شاراسىنىڭ ءبىرى. ءبىز ساقشى پۋنكتىندە جەل بەرگىش، تىستەۋىك، كولىك سۇيرەۋ ارقانى سياقتىلاردىڭ ءبارى بار ەكەنىن؛ سۋ قايناتقىش، دوڭگەلەكتى ورىندىق قاتارلى جابدىقتاردىڭ قاي - قاشان دا دايىن تۇرعانىن؛ كىتاپ وقۋ بۇرىشىندا ءتۇرلى كىتاپتاردىڭ ءتىزىلىپ، بۇقارانى رۋحاني ازىقپەن قامداعانىن؛ گازەت - جۋرنال تاقتاسىندا زاڭ - ءتۇزىم ۇگىت ماتەريالدارى سياقتىلاردىڭ، سونداي - اق بۇكىل شينجياڭنىڭ قاتىناس ساياحات كارتاسى بار ەكەنىن كوردىك.
حالىققا قولايلى ساقشى پۋنكتىندە جىلىنىپ وتىرعان قالا تۇرعىنى ليۋ يۇيمين بىلاي دەدى: «حالىققا قولايلى ساقشى پۋنكتى <حالىقشىل تەرەزە>، وسى پۋنكت بولعاندىقتان، ساقشىلاردىڭ جانىمىزدا ەكەنىن، قاشاندا الاڭسىز ەكەنىمىزدى، جۇرەكتى جىلىتاتىن قىزمەت وتەۋدىڭ قاسىمىزدان تابىلاتىنىن سەزىنەمىز».
حالىققا قولايلى ساقشى پۋنكتىنىڭ يقۋاتى ۇزبەي كەڭەيۋدە، ۇعىسۋعا قاراعاندا، ءۇرىمجى قالاسىنداعى ءىشىنارا حالىققا قولايلى ساقشى پۋنكتتەرى قاتىناس قاعيداسىنا قايشىلىق جاساۋ ارەكەتتەرىن دە ءبىر جايلى ەتەدى. شوفەرلەردىڭ ەلەكتروندىق ساقشى تاباندا ءتۇسىرىپ العان قاتىناس قاعيداسىنا قايشى ارەكەتتەرىن ءبىر جاقتى ەتۋىنە بولادى، شوفەرلەردىڭ ينفورماتسياسىن تەكسەرۋ، ەستەلىككە الىنعان مازمۇنداردى وزگەرتۋ، سونداي - اق شوفەرلەردى تەكسەرۋ سياقتى قاتىستى جۇمىستاردى بىتىرەدى ەكەن.
حالىققا قولايلى ساقشى پۋنكتى شينجياڭنىڭ قوعام ورنىقتىلىعىن قورعاۋداعى، بۇقارانىڭ ىرىس - قۇتىن مولايتۋداعى ماڭىزدى تاسىلىنە اينالدى. وسىنى تۇتقا ەتىپ، رايونىمىزدىڭ قوعام اماندىعىن جونگە سالۋ قابىلەتى مەن دەڭگەيى بارىنشا جوعارىلادى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم كۇشەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
