شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 5 - رەتكى ءماجىلىسىن باسقارىپ اشقاندا
رەفورما جاساۋدىڭ، ەسىك اشۋدىڭ ۇلى جەتىستىكتەرى مەن قىمباتتى تاجىريبەلەرىن تەرەڭدەي قورىتىندىلاپ، جاڭا داۋىردە رەفورما جاساۋدى، ەسىك اشۋدى ۇزدىكسىز العا ىلگەرىلەتە بەرۋدى باسا دارىپتەدى
ۋاڭ حۋنيڭ، حان جىڭ ماجىلىسكە قاتىناستى
2018.11.16 13:36 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 14 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11 - ايدىڭ 14 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 5 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: رەفورما جاساپ، ەسىك اشۋدىڭ 40 جىلدىعىن قۇتتىقتاعاندا، جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، رەفورما جاساپ، ەسىك اشۋدىڭ شۇعىلالى بارىسى مەن قىمباتتى تاجىريبەلەرىن تەرەڭ قورىتىندىلاپ، قالىڭ كادر - جۇرتشىلىقتى رەفورما جاساپ، ەسىك اشۋدىڭ ماڭىزدى ءمانى مەن ۇلى جەتىستىكتەرىن جەتە تانۋعا باستاپ، «ءتورت تانىمدى» نىعايتىپ، «ءتورت سەنىمدى» بەكەمدەپ، رەفورما جاساۋ، ەسىك اشۋ ۇلى تۋىن ۇزدىكسىز بيىك ۇستاپ، جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ باس نىساناسىن يگەرىپ، جاڭا داۋىردە رەفورما جاساپ، ەسىك اشۋدى ۇزدىكسىز العا ىلگەرىلەتە بەرۋ قاجەت.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى ۋاڭ حۋنيڭ، حان جىڭ ماجىلىسكە قاتىناستى.
ماجىلىستە «حاينان ولكەسىنىڭ جاڭالىق اشۋدى جەتەكشى ەتكەن دامۋ ستراتەگياسىن اتقارۋ جوباسى»، «حاينان ولكەسىنىڭ حالىقارالىق ساياحات تۇتىنۋى ورتالىعىن قۇرۋ جونىندەگى اتقارۋ جوباسى»، «حايناننىڭ رەفورما جاساۋدى، ەسىك اشۋدى جاپپاي تەرەڭدەتۋىن قولداۋعا قاتىستى قازىنا - سالىق ساياساتتارى جونىندەگى اتقارۋ جوباسى»، «حايناننىڭ رەفورما جاساۋدى، ەسىك اشۋدى جاپپاي تەرەڭدەتۋىن قولداۋ بويىنشا جالپىلىق قازىنالىق جاردەم قاراجات جونىندەگى باسقارۋ ءادىسى»، «حايناننىڭ ارالدان قايتقان ساياحاتشىلاردىڭ سالىقسىز زات ساتىپ الۋ ساياساتىن رەتتەۋ جونىندەگى قىزمەت جوباسى»، «بازار سۋبيەكتىلەرىن شەگىندىرۋ ءتۇزىمىن جەدەل كەمەلدەندىرۋ رەفورما جوباسى»، «ۇكىمەتتىك ساتىپ الۋ ءتۇزىمىن تەرەڭدەتۋ رەفورما جوباسى»، «مەملەكەتتىك كاسىپتىك اعارتۋ رەفورماسىن اتقارۋ جوباسى»، «اۋدان دارەجەلى توعىسپالى مەديالار ورتالىعى قۇرىلىسىن كۇشەيتۋ جونىندەگى پىكىر»، «رەفورمانى تەرەڭدەتىپ، دۇنيە جۇزىلىك ماڭداي الدى عىلىم - تەحنيكالىق مەرزىمدى باسىلىمدار جەتىلدىرۋ جونىندەگى پىكىر»، «نەگىزگى ساتىدا قاراۋ - تەكسەرۋ، قىزمەت كورسەتۋ، زاڭ اتقارۋ كۇشتەرىن بىرىكتىرۋ جونىندەگى اتقارۋ پىكىر»، «باسپا قىزمەتىن كۇشەيتۋ جانە جاقسارتۋ جونىندەگى پىكىر»، «ءدارى - دارمەكتەردى شوعىرلى ساتىپ الۋدى مەملەكەت ۇيىمداستىرۋدى تۇيىندە سىناق ەتۋ جوباسى»، «اكىمشىلىك زاڭ اتقارۋدى جاريا ۇستاۋ ءتۇزىمىن، زاڭ اتقارۋدىڭ جالپى بارىسىن ەستەلىككە الۋ ءتۇزىمىن، ماڭىزدى زاڭ اتقارۋ ۇيعارىمدارىن زاڭدىق تۇرعىدان قاراۋ - تەكسەرۋ ءتۇزىمىن جاپپاي جولعا قويۋ جونىندەگى جەتەكشى پىكىر» جانە «<اۋىل، ءمالى باسقارماسى ىسقىرىق شالۋ، تاراۋلار مالىمدەلۋ> − بەيجيڭ قالاسىنىڭ پارتيا قۇرىلىسى ارقىلى نەگىزگى ساتىلاردىڭ جونگە سالۋ ءتۇزىلىسى مەن مەحانيزمىندە جاڭالىق اشۋدى جەتەكتەۋ ىزدەنىسى» قارالدى جانە ماقۇلداندى.
ماجىلىستە مىنالار اتاپ كورسەتىلدى: پارتيا ورتالىق كوميتەتى ەلىمىزدىڭ رەفورما جاساۋ، ەسىك اشۋ ىستەرىنىڭ جانە سوتسياليستىك وسىزامانداندىرۋ قۇرىلىسىنىڭ جالپى جاعدايىن نازارعا الىپ، حاينانعا رەفورما جاساۋدى، ەسىك اشۋدى جاپپاي تەرەڭدەتۋ جاڭا بورىشىن جۇكتەپ، حايناننىڭ ارال بويىنشا ەركىن ساۋدا سىناق رايونىن قۇرىپ، بىرتىندەپ ىزدەنىس جاساپ، جۇڭگوشا ەركىن ساۋدا كەمەجايى قۇرىلىسىن بايىپتىلىقپەن ىلگەرىلەتۋىنە قولداۋ كورسەتەدى. پارتيا ورتالىق كوميتەتىنىڭ شەشىمدەرى مەن ورنالاستىرۋى بويىنشا، ساياسات جۇيەسىن كەمەلدەندىرىپ، ءتۇرلى اتقارۋ جوباسىن جاساۋ قىزمەتىن ويداعىداي ىستەپ، ءتورت تىرەك، سەگىز ارقاۋدى جەدەل ورناتۋ كەرەك. حايناننىڭ جاڭالىق اشۋدى جەتەكشى ەتكەن دامۋ ستراتەگياسىن اتقارۋى مەن حالىقارالىق ساياحات تۇتىنۋى ورتالىعىن قۇرۋىن قازىنا - سالىق جونىنەن قولداۋ تەبىنىن ارتتىرۋ، جالپىلىق قازىنالىق جاردەم قاراجاتتى باسقارۋدى كۇشەيتۋ، ارالدان قايتقان ساياحاتشىلاردىڭ سالىقسىز زات ساتىپ الۋى جونىندەگى ساياساتتاردى رەتتەۋ، ءبىر تۇتاس ىلگەرىلەتىپ، تياناقتاندىرۋدى ويداعىداي يگەرۋ كەرەك.
ماجىلىستە مىنالار باسا دارىپتەلدى: بازار سۋبيەكتىلەرىن شەگىندىرۋ ءتۇزىمىن كەمەلدەندىرۋ − قامداۋ جاعىنداعى قۇرىلىمدىق رەفورمانى ىلگەرىلەتىپ، جارامدىلار وزىپ، جارامسىزدار ەكشەلەتىن بازار مەحانيزمىن كەمەلدەندىرىپ، بازار سۋبيەكتىلەرىنىڭ باسەكەلىك ومىرشەڭدىك كۇشىنە دەم بەرىپ، ەكونوميكانىڭ جوعارى ساپالى دامۋىن ىلگەرىلەتۋدە ماڭىزدى مانگە يە. بازارلاندىرۋ، زاڭمەن جونگە سالۋ پرينسيبى بويىنشا، تەجەۋ مەن ىنتالاندىرۋعا بىردەي ءمان بەرۋگە تاباندى بولىپ، بازار سۋبيەكتىلەرىنىڭ دەربەس شارۋاشىلىق جۇرگىزۋ ۇقىعىنا قۇرمەت ەتىپ جانە ونى قامتاماسىزداندىرىپ، ءار جاقتىڭ ۇيلەسىمدى ۇقىق - مۇددەسىن ءونىمدى تۇردە قورعاپ، رەتتەۋ - تىزگىندەۋ، باقىلاۋ - باسقارۋ، قىزمەت كورسەتۋ تاسىلدەرىن جاڭالاپ، الەۋمەتتىك ساياساتتاردى ۇيلەسىمدى پايدالانۋ ارقىلى جەتەكشىلىك ەتىپ جانە قولداۋ كورسەتىپ، بازاردىڭ قايتا ۇيىمداسۋ، تازالانۋ ساپاسى مەن تيىمدىلىگىن جوعارىلاتۋ كەرەك.
ماجىلىستە مىنالار اتاپ كورسەتىلدى: ۇكىمەتتىك ساتىپ الۋ ءتۇزىمى رەفورماسىن تەرەڭدەتۋدە ماسەلەنى باعدار ەتۋگە تاباندى بولۋ، ساتىپ الۋشىلاردىڭ سۋبيەكتيۆتىك جاۋاپكەرشىلىگىن قاتايتىپ، شوعىرلى ساتىپ الۋ قۇرىلىمدارىنىڭ باسەكە مەحانيزمىن ورناتۋ، ۇكىمەتتىك ساتىپ الۋدى وكىلدىك جۇرگىزۋ جانە باعالاۋ مەحانيزمىن جاقسارتۋ، ساتىپ الۋدىڭ عىلمي دا ءونىمدى ايىرباس مەحانيزمىن اقاۋسىزداندىرۋ، ۇكىمەتتىك ساتىپ الۋ ساياساتتارىنىڭ فۋنكتسيالىق شارالارىن كۇشەيتۋ، ۇكىمەتتىك ساتىپ الۋدى باقىلاۋ - باسقارۋ مەحانيزمىن اقاۋسىزداندىرۋ، ساتىپ الۋ سۋبيەكتىلەرىنىڭ قىزمەت جاۋاپكەرشىلىگى ايقىن، ايىرباس ەرەجەلەرى عىلمي دا ءونىمدى، باقىلاۋ - باسقارۋ مەحانيزمى اقاۋسىز، ساياساتتىق فۋنكتسيالارى تولىق، زاڭدىق ءتۇزىمى كەمەلدى، تەحنيكالىق تىرەگى وزىق وسى زامانعى ۇكىمەتتىك ساتىپ الۋ ءتۇزىمىن جەدەل قالىپتاستىرۋ كەرەك.
ماجىلىستە مىنالار باسا دارىپتەلدى: كاسىپتىك اعارتۋدى اناعۇرلىم كورنەكتى ورىنعا قويىپ، عىلىم - تەحنيكانىڭ دامۋ اۋقىمى مەن بازار سۇرانىسىنا ۇشتاستىرىپ، كاسىپتىك اعارتۋ مەن باۋلۋ جۇيەسىن كەمەلدەندىرىپ، مەكتەپتەر مەن ماماندىقتاردىڭ قۇرىلىمىن ساپالىلاندىرىپ، ءبىلىم بەرۋ ءتۇزىلىسى رەفورماسى مەن ادام تاربيەلەۋ مەحانيزمى رەفورماسىن تەرەڭدەتىپ، قوعامنىڭ ءار سالاسىنداعىلاردى، اسىرەسە، كاسىپورىنداردى كاسىپتىك اعارتۋعا بەلسەندى قولداۋ كورسەتۋگە ىنتالاندىرىپ جانە قولداپ، جوعارى ساپالى ەڭبەكشىلەر مەن تەحنيكا - شەبەرلىك دارىندىلارىن كۇش سالا باۋلىپ، ەكونوميكالىق، قوعامدىق دامۋدى جەبەۋ مەن مەملەكەتتىڭ باسەكەلىك قابىلەتىن جوعارىلاتۋعا ساپالى دارىندىلار بايلىعى تىرەگىن ازىرلەۋ كەرەك.
ماجىلىستە مىنالار اتاپ كورسەتىلدى: اۋدان دارەجەلى توعىسپالى مەديالار ورتالىقتارىن قۇرۋ اۋدان دارەجەلى مەديالار بايلىعىن بىرىكتىرىپ، باستى يدەيالىق قوعامدىق پىكىردى بەكەمدەۋگە، زورايتۋعا پايدالى. قۇرىلىم، كادر، قازىنا، ەڭبەكاقى سياقتى جاقتارداعى رەفورمانى تەرەڭدەتىپ، مەديالاردىڭ ورنالاسۋىن رەتتەپ جانە ساپالىلاندىرىپ، توعىسپالى دامۋدى ىلگەرىلەتىپ، اۋدان دارەجەلى مەديالاردىڭ تاراتۋ قابىلەتىن، جەتەكتەۋ قابىلەتىن جانە ىقپال قۋاتىن ۇزدىكسىز جوعارىلاتۋ كەرەك. باسقارۋ مەن قۇرۋدى سايكەستىرۋگە، باسقارۋ مەن قۇرۋدى تەڭ جۇرگىزۋگە تاباندى بولىپ، دۇرىس ساياسي بەتالىستان، قوعامدىق پىكىر باعدارىنان، قۇن بەتالىسىنان جازباي، قوعامدىق جاۋاپكەرشىلىكتەن اۋىتقىماي، قوعامدىق تيىمدىلىكتى ماڭداي الدى ورىنعا قويۋ كەرەك.
ماجىلىستە مىنالار باسا دارىپتەلدى: عىلىم - تەحنيكالىق مەرزىمدى باسىلىمدار ادامزات وركەنيەتىن جالعاستىرىپ، عىلمي جاڭالىقتاردى جيناقتاپ، عىلىم - تەحنيكانىڭ دامۋىنا جەتەكشىلىك ەتىپ، مەملەكەتتىڭ عىلىم - تەحنيكالىق باسەكەلىك قابىلەتى مەن مادەنيەت جۇمساق كۇشىن تىكەلەي ايگىلەيدى. دۇنيە جۇزىلىك ماڭداي الدى عىلىم - تەحنيكالىق مەرزىمدى باسىلىمدار قۇرۋدى نىسانا ەتىپ، ءتۇيىندى تۇردە قۇرىلاتىن مەرزىمدى باسىلىمدار تىزىمدىگىن عىلىمعا سايكەس جاساپ، نەگىزدىك جانە ءداستۇرلى باسىمدىققا يە سالالارداعى مەرزىمدى باسىلىمداردى سارالاۋ، كۇشەيتۋ كەرەك.
ماجىلىستە مىنالار اتاپ كورسەتىلدى: نەگىزگى ساتىدا قاراۋ - تەكسەرۋ، قىزمەت كورسەتۋ، زاڭ اتقارۋ كۇشتەرىن بىرىكتىرۋدى ىلگەرىلەتۋدە پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، ءمالى باسقارماسىنىڭ، اۋىل - قالاشىقتىڭ قىزمەت ەرەكشەلىگى مەن حالىققا قولايلى قىزمەت كورسەتۋدىڭ قاجەتىنە ۇيلەسىپ، نەگىزگى ساتىدا قاراۋ - تەكسەرۋ، قىزمەت كورسەتۋ قۇرىلىمدارىن كەشەندى ورنالاستىرىپ، نەگىزگى ساتىنىڭ توركوزدەندىرىپ باسقارۋ جانە قولباسشىلىق ەتۋ تۇعىرلارىن بىرىكتىرىپ، بايلىقتىڭ، قىزمەت كورسەتۋدىڭ، باسقارۋدىڭ تومەنگە ءتۇسۋىن كۇش سالا ىلگەرىلەتىپ، نەگىزگى ساتىداعى ءتۇرلى قۇرىلىمداردىڭ، ۇيىمداردىڭ بۇقارانىڭ قاجەتىنە قىزمەت كورسەتۋ جانە ونى قامتاماسىز ەتۋدە اناعۇرلىم ۇلكەن ءىس تىندىرۋىنا مۇمكىندىك جاساۋ كەرەك.
ماجىلىستە مىنالار باسا دارىپتەلدى: باسپا قىزمەتىن كۇشەيتۋدە جانە جاقسارتۋدا جۇڭگوشا سوتسياليستىك مادەنيەتتى دامىتۋ جولىنا تاباندى بولىپ، حالىققا قىزمەت ەتۋگە، سوتسياليزمگە قىزمەت ەتۋگە تاباندى بولىپ، بارلىق گۇلدىڭ شەشەك اتۋىنا، جالپى جارىسا ءۇن قاتۋعا تاباندى بولىپ، مازمۇن قۇرىلىسىن كۇشەيتىپ، رەفورما جاساۋدى، جاڭالىق اشۋدى تەرەڭدەتىپ، باسپانى باسقارۋدى كەمەلدەندىرىپ، قوعامدىق ونىمدىلىكتى ماڭداي الدى ورىنعا قوياتىن، قوعامدىق ونىمدىلىك پەن ەكونوميكالىق ونىمدىلىك بىرلىككە كەلگەن باسپا ءتۇزىلىس - مەحانيزمىن كۇش سالا ورناتىپ، حالىق بۇقاراسى ءۇشىن اناعۇرلىم مول، اناعۇرلىم ساپالى باسپا ونىمدەرىن ۇسىنىپ، ساپالى قىزمەت وتەۋگە قۇلشىنۋ كەرەك.
ماجىلىستە مىنالار اتاپ كورسەتىلدى: ءدارى - دارمەكتەردى شوعىرلى ساتىپ الۋدى مەملەكەت ۇيىمداستىرۋدى تۇيىندە سىناق ەتۋدىڭ ماقساتى − ءدارى - دارمەكتەردى شوعىرلى ساتىپ الۋ مەحانيزمىندە جانە بازاردى جەتەكشى ەتكەن ءدارى - دارمەك باعاسىن بەلگىلەۋ مەحانيزمىندە ىزدەنىس جاساپ جانە ونى كەمەلدەندىرىپ، بۇقارانىڭ ءدارى - دارمەك اقىسى جۇگىن جەڭىلدەتىپ، ءدارى - دارمەك اينالىم ءتارتىبىن ارناعا ءتۇسىرىپ، بۇقارانىڭ ءدارى - دارمەك قولدانۋ حاۋىپسىزدىگىن جوعارىلاتۋ. مەملەكەت ۇيىمداستىرۋ، وداقتاسىپ ساتىپ الۋ، تۇعىر جۇمىس جۇرگىزۋ سىندى جالپىلىق وي جەلىسى بويىنشا، زاڭعا، ەرەجەگە ساي بولۋعا تاباندى بولىپ، بازار مەحانيزمى مەن ۇكىمەتتىڭ رولىن بىرلەستىرۋگە تاباندى بولىپ، ءدارى - دارمەكتىڭ ساپاسىنا جانە قامداۋدىڭ ورنىقتىلىعىنا كەپىلدىك ەتۋ كەرەك.
ماجىلىستە مىنالار باسا دارىپتەلدى: اكىمشىلىك زاڭ اتقارۋدىڭ جاريالىلىعىن، ولشەمدىلىگىن، زاڭدىلىعىن، ادىلدىگىن كۇش سالا ىلگەرىلەتىپ، زاڭ اتقارۋ ءتۇزىمىن ۇزدىكسىز كەمەلدەندىرىپ، زاڭ اتقارۋ ءتارتىبىن ارناعا ءتۇسىرىپ، زاڭ اتقارۋ تاسىلىندە جاڭالىق اشىپ، زاڭ اتقارۋدى باقىلاۋدى كۇشەيتىپ، زاڭ اتقارۋدىڭ قۋاتىن جاپپاي جوعارىلاتىپ، ۇقىق پەن جاۋاپكەرلىك بىرلىككە كەلگەن، قۇزىرلى، جوعارى ءونىمدى اكىمشىلىك زاڭ اتقارۋ جۇيەسىن قالىپتاستىرۋدى ىلگەرىلەتىپ، حالىق بۇقاراسىنىڭ زاڭدى ۇقىق - مۇددەسىن شىنايى قورعاۋ كەرەك.
ماجىلىستە مىنالار اتاپ كورسەتىلدى: قوعامدىق جونگە سالۋدىڭ ءتۇيىنىن نەگىزگى ساتىعا اۋدارۋدى ىلگەرىلەتىپ، نەگىزگى ساتى پارتيا ۇيىمىن نەگىزگى ساتىنى جونگە سالۋعا باسشىلىق ەتەتىن بەرىك جاۋىنگەر قورعان ەتىپ قۇرىپ شىعۋ − پارتيا 19 - قۇرىلتايىندا ورتاعا قويىلعان ماڭىزدى مىندەت. بەيجيڭ قالالىق پارتكوم «اۋىل، ءمالى باسقارماسى ىسقىرىق شالۋ، تاراۋلار مالىمدەلۋ» رەفورماسىن تۇتقا ەتىپ، پارتيا قۇرىلىسى ارقىلى نەگىزگى ساتىنىڭ جونگە سالۋ ءتۇزىلىس - مەحانيزمىندە جاڭالىق اشۋ جونىندە بەلسەنە ىزدەنىس جاساپ، نازاردى بۇقارانىڭ ماڭىنداعى ءىستى ويداعىداي ىستەۋگە شوعىرلاندىرىپ، «سوڭعى ءبىر شاقىرىمدى» ىركىلىسسىزدەندىرىپ جانە ونى تياناقتاندىرۋدى مىقتى ۇستاپ، ءونىمدى ءادىس قالىپتاستىردى. جەر - جەر نەگىزگى ساتىداعى پارتيانىڭ ۇيىمدىق قۇرىلىسىنا ايرىقشا ءمان بەرىپ، جاڭا داۋىردەگى بۇقارالىق لۋشياندى جاقسى جۇرگىزىپ، نەگىزگى ساتى ءبىرىنشى شەبىنە بارىپ ماسەلەنى شەشۋدى باعدار ەتىپ، بۇقارانىڭ جانىنداعى ماسەلەلەردى ويداعىداي شەشۋ كەرەك.
ماجىلىستە مىنالار باسا دارىپتەلدى: جەر - جەر، تاراۋلار رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ قىزمەتىن تىڭعىلىقتى، جاقسى ىستەپ، 40 جىلعى رەفورما جاساۋدى، ەسىك اشۋدى ەسكە الۋدى جانە قورىتىندىلاۋدى جاڭا داۋىردە رەفورمانى جاپپاي تەرەڭدەتۋدى ىلگەرىلەتۋمەن بىرلەستىرىپ، رەفورما جاساۋدىڭ، ەسىك اشۋدىڭ تاريحي تاجىريبەلەرىن قابىلداۋدى رەال قايشىلىقتاردى - ماسەلەلەردى شەشۋمەن بىرلەستىرىپ، رەفورما جاساۋدىڭ، ەسىك اشۋدىڭ ۇلى جەتىستىكتەرىن تولىق كورسەتۋدى حالىق بۇقاراسىنىڭ تابىس سەزىمىن كۇشەيتۋمەن بىرلەستىرىپ، رەفورما جاساۋدى، ەسىك اشۋدى تەرەڭدەتۋدى «قوس 100 جىلدىق» كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى ىلگەرىلەتۋمەن بىرلەستىرىپ، رەفورما جاساۋدى، ەسىك اشۋدى اناعۇرلىم مىعىم بەكىممەن، اناعۇرلىم ۇلكەن باتىلدىقپەن، اناعۇرلىم زور سەرپىنمەن تەرەڭدەتۋ كەرەك. 40 جىلعى رەفورما جاساۋدىڭ، ەسىك اشۋدىڭ جەتىستىكتەرى مەن تاجىريبەلەرىن تاريح، جالپى جاعداي، ستراتەگيا بيىگىنەن قورىتىندىلاۋعا ءمان بەرىپ، داۋىرلىك، يدەيالىق، امالياتتىق سيپاتتى كورنەكتىلەندىرۋ كەرەك. ماسەلەنى باعدار ەتۋگە تاباندى بولىپ، ءتىپتى دە جاقسى العا باسۋعا ءتيىمدى بولۋ ءۇشىن، ورتاقتىق، زاڭدىلىق سيپاتقا يە كەيبىر ماسەلەلەردى قورىتىندىلاۋعا جانە قايتا ويلانۋعا ءمان بەرۋ كەرەك.
ماجىلىستە مىنالار اتاپ كورسەتىلدى: پارتيا 18 - قۇرىلتايىنان بەرى، ءبىز جاڭا تاريحي باستامادا تۇرىپ رەفورمانى جاپپاي تەرەڭدەتۋدى ورنالاستىرىپ، ىلگەرىلەتىپ، كوپتەگەن كەلەلى تاريحي جەتىستىكتەرگە قول جەتكىزىپ قانا قالماستان، رەفورمانىڭ كوپتەگەن جاڭا تاجىريبەلەرىن دە جاراتتىق جانە توپتادىق. وسى كەزەڭدەگى رەفورما قىزمەتىن ويداعىداي قورىتىندىلاپ، جاڭا داۋىردەگى رەفورما جاساۋدىڭ، ەسىك اشۋدىڭ رۋحاني بەت - بەينەسىن ويداعىداي ايگىلەۋ كەرەك.
ماجىلىستە مىنالار باسا دارىپتەلدى: رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋدا ناقتى ارەكەت كورسەتۋ، رەفورمانى تياناقتاندىرۋدى مىقتى ۇستاۋعا اناعۇرلىم كوپ كۇش جۇمساۋ، ماڭىزدىسى، ماسەلەنى ءداپ باسىپ تابۋ، ماسەلەنى مىقتى ۇستاۋ، ماسەلەنى شەشۋ كەرەك. جالپى تۇلعالىق جاقتان رەفورمانىڭ ىلگەرىلەۋ، تياناقتانۋ جاعدايىنا نازار اۋدارۋمەن بىرگە، كىشكەنەسىنەن كىرىسۋگە، تۇيىنگە كۇش سالۋعا شەبەر بولىپ، ماسەلەنىڭ بىرەۋى بايقالسا بىرەۋىن شەشۋگە كەپىلدىك ەتۋ كەرەك. جەرگىلىكتى ورىندار تياناقتاندىرۋدى مىقتى يگەرۋدە پارتيا ورتالىق كوميتەتىنىڭ ستراتەگيالىق ويىن جالپى جاعداي بيىگىنەن يگەرىپ، جەرگىلىكتى ورىنداعى رەفورمالاردى مەملەكەتتىڭ رەفورما، دامۋ جالپى جاعدايىمەن اناعۇرلىم ويداعىداي توعىستىرىپ، پارتيا ورتالىق كوميتەتىنىڭ تالابىن ءدال يگەرىپ، ورىن تەپكەن كورنەكتى ماسەلەلەردى ءدال يگەرىپ، رەفورما شارالارىن ناقتىلاپ، رەفورمانىڭ قۋاتىن جوعارىلاتۋ، فورماشىلدىقتان، تورەشىلدىكتەن قاتاڭ ساقتانۋ كەرەك.
ماجىلىستە مىنالار اتاپ كورسەتىلدى: 40 جىلدىق اماليات مىنانى دالەلدەدى: ورتا قانشا كۇردەلى بولعان سايىن، ستراتەگيالىق تۇراقتىلىقتى سونشالىق بەرىك ساقتاۋ، جالپى جاعدايدى مىقتى يگەرۋ، باعداردى ءدال ايىرۋ، بەكەم تۇرۋ، حاۋىپ - قاتەردى ارقالاي الۋ كەرەك. ءبىز ستراتەگيالىق تۇجىرىمداۋدى كۇشەيتىپ، ستراتەگيالىق رەفورمانى جوسپارلاۋمەن قاتار، شايقاستىق رەفورمانى دا ىلگەرىلەتىپ، رەفورما ارقىلى ىشكى سۇرانىستىڭ كومەسكى كۇشىن ىسكە قوسىپ، ەكونوميكانىڭ ومىرشەڭدىگىن قاۋلاتىپ، ارتۋدىڭ قوزعاۋشى كۇشىن جەتىلدىرۋىمىز كەرەك. رەفورما جاساپ، ەسىك اشۋدىڭ تاماشا رايىن جاقسى قالىپتاستىرىپ، ۇنامدى جاعىنان ۇگىتتەۋ مەن قوعامدىق پىكىرگە جەتەكشىلىك ەتۋدى كۇشەيتىپ، كادرلار مەن بۇقارا كوڭىل ءبولىپ وتىرعان ەلەۋلى يدەيالىق، تانىمدىق ماسەلەلەرگە دەر كەزىندە جاۋاپ بەرىپ، دۇرىس پىكىردى تىڭداۋعا شەبەر بولىپ، بۇكىل قوعامنىڭ رەفورما جاساۋ سەنىمىن بەكەمدەۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
