شينجياڭدا تۇراتىن مەملەكەتتىك ساياسي كەڭەس مۇشەلەرى تۇراقتى كوميتەتتىڭ قىزمەتىنەن باياندامانى جانە ۇسىنىس جوبا قىزمەتىنىڭ احۋالى تۋرالى باياندامانى گرۋپپالارعا ءبولىنىپ قارادى
دەن قويا مىندەت اتقارىپ، جاۋاپكەرشىلىكتى وتەپ، جاپپاي دوڭگەلەك داۋلەتتى قوعام ورناتۋعا اقىل - پاراسات جانە كۇش - قۋات ارنايىق
2019.03.06 15:54 كەلۋ قاينارى : شينجياڭ گازەتى
ءتىلشىمىز جاۋ جىيۇن 3 - ايدىڭ 4 - كۇنى بەيجيڭنەن حابارلايدى. 3 - ايدىڭ 4 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسىپ جاتقان شينجياڭدا تۇراتىن مەملەكەتتىك ساياسي كەڭەس مۇشەلەرى ءارقايسى سالالىق گرۋپپالاردا مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتىنىڭ احۋالى تۋرالى باياندامانى قارادى. مۇشەلەر مىنانى ءبىلدىردى: ەكى باياندامادا دا شي جينپيڭنىڭ جاڭا ءداۋىر جۇڭگوشا سوتسياليزم يدەياسى باستان - اياق ساباقتاستىرىلعان، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى دايەكتىلەندىرىلگەن، وتكەن ءبىر جىلداعى قىزمەتتەردى شىنايى قورىتىندىلاعان، الداعى قىزمەتتەر جونىندە ۇسىنىستار قويىلعان، جاڭا جاعداي، جاڭا تالاپتار بەينەلەنگەن، جاڭا بەينە، جاڭا ىسكەرلىك ايگىلەنگەن.
مۇشە نۇرلان ءابىلماجىن ۇلى بىلاي دەدى: تۇراقتى كوميتەتتىڭ قىزمەتىنەن بايانداما شىندىققا جۇگىنىپ، ناقتى ىستەر تىندىرعان، جاڭالىققا باي، جاڭا ءداۋىردى تياناق ەتكەن، جاڭا ورىندى يگەرگەن، جاڭا بورىش ارقالاعان تاماشا بايانداما. 2018 - جىل − پارتيا 19 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى ءارى 13 - كەزەكتى مەملەكەتتىك ساياسي كەڭەس قىزمەتىنىڭ باستالعان جىلى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 13 - كەزەكتى مەملەكەتتىك ساياسي كەڭەس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپتان جازباي، سىندارلى اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالىپ، ءتۇرلى قىزمەتتە تىڭ ىلگەرىلەۋشىلىككە قول جەتكىزۋدى جەبەپ، جاڭا داۋىردەگى حالىق ساياسي كەڭەسىنىڭ جاڭا بەينەسىن، تىڭ تىنىسىن ايگىلەدى. ءبىز باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، فۋنكتسيانى دەن قويا اتقارىپ، سىندارلى اقىل - كەڭەس بەرۋ جانە ورتاق تانىم ۇيىستىرۋ سىندى قوس باعىتتا كۇش سالۋ قىزمەتىنىڭ ساپاسىن بارىنشا جوعارىلاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، شينجياڭ قىزمەتىنىڭ باس نىساناسىن جۇزەگە اسىرۋعا اناعۇرلىم زور ۇلەس قوسۋىمىز كەرەك.
مۇشە ءمۇتاللىپ قاسىم بىلاي دەدى: تۇراقتى كوميتەتتىڭ قىزمەتىنەن باياندامانىڭ دەڭگەيى جوعارى، جاڭا دامۋ ۇستانىمى تياناقتاندىرىلعان؛ ءمانى دۇرىس، ساياسي كەڭەستىڭ جاڭا جاۋاپكەرشىلىگى ايگىلەنگەن؛ مازمۇنى ناقتى، ساياسي كەڭەس تۇراقتى كوميتەتىنىڭ وتكەن ءبىر جىلداعى قىزمەتى جاندى، ەگجەي - تەگجەيلى قورىتىندىلانعان، سونىمەن بىرگە، جاڭا ءبىر جىلدا مىندەت وتەۋگە تاماشا باعدارلاما ازىرلەپ بەردى.
مۇشە مىڭ چيڭساي بىلاي دەدى: باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن مۇقيات تياناقتاندىرىپ، جاڭا داۋىردەگى حالىق ساياسي كەڭەسىنىڭ جاڭا بەتالىسىن، جاڭا بورىشىن مىقتاپ يگەرىپ، ساياسي دەڭگەيدى اناعۇرلىم جوعارىلاتىپ، جاۋاپكەرشىلىك ارقالاۋدى كۇشەيتىپ، دامۋ سەنىمىن بەكەمدەپ، دەن قويا مىندەت اتقارىپ، جاۋاپكەرشىلىكتى وتەپ، جاپپاي دوڭگەلەك داۋلەتتى قوعام ورناۋعا اقىل - پاراسات جانە كۇش - قۋات ارنايمىن.
مۇشە ۋ گاڭ بىلاي دەدى: تۇراقتى كوميتەتتىڭ قىزمەتىنەن بايانداما ساياسي بەتالىستى مىقتاپ يگەرىپ، ءار جاقتاعى كۇشتەردى ۇيىستىرۋعا باسا ءمان بەرىپ، جالپى قىزمەتتى ىلگەرىلەتۋگە كۇش سالعان. باياندامادا ساياسي كەڭەس قىزمەتى ”نەلەر ىستەلدى“، ”قانشالىق ىستەلدى“ دەگەنگە ءمان بەرۋدەن ”قانداي ونىمدىلىككە قول جەتتى“ دەگەنگە بۇرىلىس جاساۋ كەرەكتىگى اتاپ كورسەتىلدى، بۇل بارشا مۇشەلەرگە اناعۇرلىم جوعارى تالاپ قويدى. مەن ساياسي كەڭەس مۇشەسىنىڭ مىندەتىن، بورىشىن دەن قويا اتقارىپ، بەلسەنە اقىل قوسىپ، كەڭەس بەرىپ، جاپپاي دوڭگەلەڭ داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە اناعۇرلىم ءونىمدى تۇردە كۇش قوسامىن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
