اۆتونوميالى رايوندىق 9 - كەزەكتى پارتكومنىڭ ون ءبىرىنشى جالپى ءماجىلىسى اشىلدى
2020.12.11 14:07 كەلۋ قاينارى : شينجياڭ گازەتى
«جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتى ون ءبىرىنشى جالپى ءماجىلىسىنىڭ قاۋلىسىن» قاراپ ماقۇلدادى
اۆتونوميالى رايوندىق پارتكوم تۇراقتى كوميتەتى ءماجىلىستى باسقاردى، چىن چۋانگو ءسوز سويلەدىگازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 12 - ايدىڭ 9 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ون ءبىرىنشى جالپى ءماجىلىسى 12 - ايدىڭ 8 - كۇنىنەن 9 - كۇنىنە دەيىن وتكىزىلدى.
جالپى ءماجىلىستى اۆتونوميالى رايوندىق پارتكوم تۇراقتى كوميتەتى باسقاردى.
جالپى ءماجىلىس پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەندى، دايەكتىلەندىردى، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى. اۆتونوميالى رايوندىق پارتكومنىڭ شۋجيى چىن چۋانگو «ۇسىنىس (تالقى نۇسقاسى)» جونىندە جالپى ماجىلىسكە تۇسىنىك جاسادى ءارى ءسوز سويلەدى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار قاتىناستى.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.
جالپى ءماجىلىس ءبىر اۋىزدان بىلاي دەپ قارادى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى − ەلىمىز جاڭا دامۋ كەزەڭىنە وتكەن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلدە تۇرعان ساتتە اشىلعان ءبىر رەتكى جالپى جاعداي سيپاتىن الاتىن، تاريحي ماڭىز الاتىن ءماجىلىس. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ستراتەگيالىق جانە جالپى جاعداي دەڭگەيىنەن جاڭا داۋىردەگى شينجياڭ قىزمەتىن جوسپارلاپ، ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ ءتۇيىندى قىزمەتتەرىن جاپپاي ورنالاستىردى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، ىشكەرىلەي ۇيرەنىپ، ۇگىتتەپ، ۇگىت - لەكسيا جاساپ، تاباندىلىقپەن، باتىل تۇردە دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭدا تياناقتانىپ تامىر تارتۋىنا شىنايى كەپىلدىك ەتۋ كەرەك.
جالپى ءماجىلىس بىلاي دەپ قارادى: ”13 - بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادر - بۇقاراسىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 18 - قۇرىلتايىنىڭ، 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن مۇقيات دايەكتىلەندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى ارقاۋ ەتىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، جوعارى ساپالى دامۋعا تاباندى بولىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزىپ، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشكەن تاماشا جاعداي جارىققا شىعىپ، باياندى تىنىشتىققا بەت الۋعا مىعىم نەگىز قالادى. ”13 - بەسجىلدىق“ جوباداعى نىسانا - مىندەتتەر ورىندالۋ الدىندا تۇر، جاپپاي دوڭگەلەك داۋلەتتى قوعام ورناتۋدىڭ جەڭىسى تاياپ تۇر، شينجياڭ قىزمەتى جاڭا تاريحي باستاماعا قادام قويدى.
جالپى ءماجىلىس ”14 - بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋىنىڭ جەتەكشى يدەياسى مەن نەگىزگى پرينسيبىن العا قويىپ، مىنالاردى باسا دارىپتەدى: جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جان - جاقتى دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن بۇلجىماي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساۋ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى قامتاماسىزدىق ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، وسىزاماندانعان ەكونوميكالىق جۇيەنى جەدەل قۇرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىمەن جەدەل توعىسىپ، ەكونوميكانىڭ نىق قاداممەن الىسقا جەتۋىن، قوعامنىڭ تىنىش، جاراسىمدىلىعىن جۇزەگە اسىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋ كەرەك. پارتيانىڭ جالپى بەتتىك باسشىلىعىنا تاباندى بولۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا تاباندى بولۋ، حالىقتى وزەك ەتۋگە تاباندى بولۋ، جاڭا دامۋ ۇستانىمىنا تاباندى بولۋ، رەفورمانى، ەسىك اشۋدى تەرەڭدەتۋگە تاباندى بولۋ، جۇيە كوزقاراسىنا تاباندى بولۋ، شينجياڭنىڭ ءىس جۇزىندىگىن نەگىزگە الۋعا تاباندى بولۋ كەرەك.
جالپى ءماجىلىس 2035 - جىلعا دەيىنگى شينجياڭنىڭ بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋ بولاشاقتىق نىساناسىن العا قويدى، ”14 - بەسجىلدىق“ مەزگىلىندەگى شينجياڭنىڭ ەكونوميكالىق، قوعامدىق دامۋىنىڭ باستى نىساناسىن ايقىندادى: ەكونوميكالىق دامۋدا تىڭ ناتيجەلەرگە قول جەتكىزۋ، رەفورما جاساۋ، ەسىك اشۋدا تىڭ قادام تاستاۋ، ۇلتتار ىنتىماعىنىڭ تىڭنان كۇشەيۋىن جۇزەگە اسىرۋ، قوعامنىڭ وركەنيەت دەڭگەيىنىڭ جاڭا ءوسۋىن جۇزەگە اسىرۋ، ەكولوگيالىق وركەنيەت قۇرىلىسىنىڭ جاڭا العا باسۋىن جۇزەگە اسىرۋ، حالىق تۇرمىسىنىڭ ىرىس - قۇتىن تىڭ دەڭگەيگە جەتكىزۋ، قوعام ورنىقتىلىعىندا جاڭا جاعداي اشۋ، قوعامدى جونگە سالۋ ونىمدىلىگىندە جاڭا وسۋگە قول جەتكىزۋ.
جالپى ءماجىلىس مىنالاردى باسا دارىپتەدى: شينجياڭنىڭ الداعى 5 جىلداعى ەكونوميكالىق، قوعامدىق دامۋ قىزمەتىن جاقسى ىستەۋ ءۇشىن، 10 جاقتاعى ءتۇيىندى قىزمەتتى كۇش سالا جاقسى ىستەۋ كەرەك. ءبىرىنشى، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، شينجياڭنىڭ ءوزىنىڭ وڭىرلىك ەسىك اشۋ ستراتەگياسىن مەملەكەتتىڭ باتىسقا ەسىك اشۋ جالپىلىق ورنالاستىرۋىنا ەنگىزىپ، ”ءبىر پورت“، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن ويداعىداي يگەرۋدى كورنەكتىلەندىرىپ، ەلىمىزدىڭ ىشكى قۇرلىقتىق ەسىك اشۋى مەن شەكارالىق ەسىك اشۋىنىڭ بيىگىن قۇلشىنا تۇلعالاۋ كەرەك. ەكىنشى، 1 -، 2 -، 3 - كاسىپ سالالارىنىڭ توعىسا دامۋىن ىلگەرىلەتىپ، ەكونوميكانى دامىتۋدىڭ كۇش سالۋ ءتۇيىنىن شىن مانىندە ناقتى ەكونوميكاعا قويىپ، عىلىم - تەحنيكادا جاڭالىق اشۋدى دامۋدىڭ ستراتەگيالىق تىرەگى ەتىپ، 1 - كاسىپ سالاسىنىڭ دەڭگەيىن كوتەرۋگە، 2 - كاسىپ سالاسىندا تۇيىندەردى يگەرۋگە، 3 - كاسىپ سالاسىن جاپپاي دامىتۋعا تاباندى بولىپ، 10 ءىرى كاسىپ سالاسىن ساپالىلاندىرىپ، كۇشەيتىپ، ەكونوميكانىڭ ساپاسىن، ونىمدىلىگىن جانە وزەكتى باسەكەلىك قۋاتىن ۇزدىكسىز جوعارىلاتىپ، وسى زامانعى كاسىپ سالاسى جۇيەسىن جەدەل قالىپتاستىرۋ كەرەك. ءۇشىنشى، نەگىزدىك قۇرىلعى قۇرىلىسىن بارىنشا كۇشەيتىپ، قاتىناس - تاسىمال، وسى زامانعى سۋ يگىلىگى، ەلەكتر قۋاتى، ينفورماتسيالاندىرۋ سىندى ”ءتورت ۇلكەن تىرەكتى جۇيەنى“ قۇرىپ، ەكونوميكانى دامىتۋداعى تىرەكتىك رولىن شىن مانىندە ساۋلەلەندىرۋ كەرەك. ءتورتىنشى، جاڭاشا قالا - قالاشىقتاندىرۋدى بەلسەنە ىلگەرىلەتىپ، عىلمي تۇردە جوبالاپ، قۇرىلىس جۇرگىزىپ، ءۇرىمجى قالا شەڭبەرىن جەتىلدىرىپ، سولتۇستىك شينجياڭ قالالار بەلدەۋىن قۇرىپ، وڭتۇستىك شينجياڭ قالالار شوعىرىن قالىپتاستىرىپ، قالا - قالاشىقتانۋ ساپاسىن جالپى بەتتىك ءوسىرۋ كەرەك. بەسىنشى، اۋىل - قىستاقتى گۇلدەندىرۋ ستراتەگياسىن ۇزدىكسىز اتقارىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، كەدەيلىكتەن ارىلتۋدان قامال الۋ تابىستارىن بەكەمدەۋدىڭ، كەڭەيتۋدىڭ اۋىل - قىستاقتى گۇلدەندىرۋمەن ءونىمدى تۇردە ۇشتاسۋىن جۇزەگە اسىرۋ، اۋىل - قىستاق قۇرىلىسى ارەكەتىن اتقارىپ، اۋىل - قىستاق رەفورماسىن تەرەڭدەتىپ، قالا مەن اۋىلدىڭ توعىسپالى دامۋىن ىلگەرىلەتۋ، اۋىل - قىستاق دارىندىلار قوسىنى قۇرىلىسىن كۇشەيتىپ، اۋىل - قىستاق كاسىپ سالاسىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ جاپپاي گۇلدەنۋىن ىلگەرىلەتۋ كەرەك. التىنشى، ”تومەنگە بەرۋ، باسقارۋ، قىزمەت وتەۋ“ سياقتى ءتۇيىندى سالالارداعى رەفورمانى تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، ىلگەرىلەگەن تۇردە ۇكىمەت قۇرىلىمدارىن ىقشامداپ، ۇقىقتى تومەنگە بەرىپ، ۇكىمەت فۋنكتسياسىنا بۇرىلىس جاساۋدى جەدەلدەتىپ، مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىق باسقارۋىنداعى شارۋاشىلىقتىڭ دامۋىن جەدەلدەتىپ، فينانس ءتۇزىلىس - مەحانيزمىنە جاڭالىق ەنگىزىپ، ءتۇرلى بازار تۇلعالارىنىڭ ومىرشەڭدىگىن ۇزدىكسىز قاۋلاتۋ كەرەك. جەتىنشى، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، ۇلتتار ىنتىماعىن نىعايتىپ، دامىتىپ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتىپ، مادەنيەت ىستەرى مەن مادەنيەت كاسىبىن گۇلدەندىرىپ، دامىتىپ، ىنتىماقتاسا كۇرەس جۇرگىزۋدىڭ يدەيالىق نەگىزىن ۇزدىكسىز بەكەمدەۋ كەرەك. سەگىزىنشى، ەكولوگيالىق ورتانى قورعاۋدى كۇشەيتىپ، تۇنىق سۋ، جاسىل تاۋ باعالى بايلىق دەگەن ۇستانىمعا تاباندى بولىپ، ەكولوگيالىق ورتانى قورعاۋ مەحانيزمىن اقاۋسىزداندىرىپ، قورشاعان ورتانى جونگە سالۋدى ۇزدىكسىز كۇشەيتىپ، ەكولوگيانى قورعاۋ قۇرىلىسىن كۇشەيتىپ، جاسىل، تومەن كومىرتەكتى دامۋدى ىلگەرىلەتىپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن تاباندىلىقپەن ءجۇرىپ، كوركەم شينجياڭدى قۇرۋعا قۇلشىنۋ كەرەك. توعىزىنشى، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر شاڭىراق يدەياسىن مىقتاپ ورناتىپ، بيڭتۋاننىڭ رەفورمانى تەرەڭدەتۋىن جانە وڭتۇستىككە قاراي دامۋىن قولداۋ، بيڭتۋاننىڭ ورنىقتىلىقتى قورعاۋ، شەكارانى كۇزەتۋ قابىلەتى قۇرىلىسىن قولداپ، ەرەكشە رولىن شىن مانىندە ساۋلەلەندىرۋ كەرەك. ونىنشى، حالىق تۇرمىسىن كۇش سالا قامتاماسىز ەتىپ، جاقسارتىپ، حالىقتى وزەك ەتكەن دامۋ يدەياسىن مىقتاپ ورناتىپ، جۇمىستانۋ ارناسىن كەڭەيتۋ، كىرىستى ارتتىرىپ بايۋ، وقۋ - اعارتۋدىڭ دەڭگەيىن ءوسىرۋ، جالپى حالىقتىڭ سالاماتتىعى، قوعامدىق قامسىزداندىرۋ اياسىن كەڭەيتۋ، بەيقۇت ءۇي قامتاماسىزدىعى، كومىردى ەلەكترگە وزگەرتۋ، شەكارانى گۇلدەندىرىپ حالىقتى بايىتۋ، الەۋمەتتىك حاۋىپسىزدىكتى قامتاماسىز ەتۋ، حالىققا ورنىقتى تۇردە تيىمدىلىك جاساۋ سياقتى ”10 ءتۇرلى حالىققا تيىمدىلىك جاساۋ ينجەنەرياسىن“ اتقارىپ، ءار ۇلت بۇقاراسىنا رەفورمانىڭ، دامۋدىڭ، ورنىقتىلىقتىڭ تابىستارىن شىنايى سەزىندىرۋ كەرەك.
جالپى ءماجىلىس مىنالاردى باسا دارىپتەدى: رايونىمىزدىڭ ”14 - بەسجىلدىق“ جوباسىن جانە 2035 - جىلعا دەيىنگى بولاشاقتىق نىساناسىن جۇزەگە اسىرۋدا، ءسوز جوق، پارتيانىڭ جالپى بەتتىك باسشىلىعىنا تاباندى بولىپ جانە كۇشەيتىپ، بارلىق بەلسەندى فاكتورلاردى تولىق جۇمىلدىرىپ، بارلىق ىنتىماقتاستىرۋعا بولاتىن كۇشتەردى كەڭىنەن ىنتىماقتاستىرىپ، دامۋدى ىلگەرىلەتۋدىڭ قۋاتتى بىرىككەن كۇشىن قالىپتاستىرۋ كەرەك. شىندىققا جۇگىنىپ، شىنايى ىستەۋ ستيلىن زور كۇشپەن اسقاقتاتىپ، تورەشىلدىكتى جويىپ، شىنايى يگەرىپ، ناقتى ىستەۋگە تاباندى بولىپ، پارتيانىڭ بۇقارالىق لۋشيانىن ىشكەرىلەي امالياتتا ايگىلەپ، ءار ۇلت بۇقاراسىنىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، فورماشىلدىقتى باتىل تيىپ، نەگىزگى ساتىنىڭ اۋىرتپالىعىن جەڭىلدەتۋ، كادرلارعا كوڭىل ءبولىپ، قامقورلىق جاساپ، كادرلاردى ايالاپ، ىنتالاندىرىپ، ءىس ىستەپ، ناتيجە شىعاراتىن تاماشا راي مەن ورتانى بەلسەندىلىكپەن جاراتىپ، تاباندىلىقپەن، باتىلدىقپەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك.
جالپى ءماجىلىس مىنالاردى باسا دارىپتەدى: كەزەكتەگى ءتۇيىندى قىزمەتتەردى شىن مانىندە ويداعىداي يگەرىپ، ”14 - بەسجىلدىقتىڭ“ تاماشا باستاما اشۋىنا بەرىك نەگىز قالاۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى تىڭعىلىقتى جاقسى ىستەپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، كەدەيلىكتەن ارىلتۋدان قامال الۋدىڭ تابىستارىن ۇزدىكسىز بەكەمدەپ، كەڭەيتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، ۇلتتار ىنتىماعىن بەكەمدەپ، كۇشەيتىپ، ءدىن تاتۋلىعىن، جاراسىمدىلىعىن جەبەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، قوعامنىڭ كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاپ، پارتيانىڭ شينجياڭ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، ۋاقىت ۇتاتىن، شاپشاڭ قيمىلدايتىن رۋحپەن ”13 - بەسجىلدىق“ جوبا تۇراقتاندىرعان نىسانالار مەن مىندەتتەردى ويداعىداي ورىنداپ، كوپ بولىپ اقىل قوسىپ، كوپ بولىپ كۇش سالىپ، ”14 - بەسجىلدىق“ مەزگىلىندەگى قىزمەتتەردى ويداعىداي جوسپارلاۋ، ويداعىداي ىلگەرىلەتۋ، ويداعىداي تياناقتاندىرۋ كەرەك.
جالپى ءماجىلىس مىنانى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن ىنتىماقتاسىپ، جۇرت بىرلىگىنەن بەرىك قامال ورناتىپ، قايسارلىقپەن قۇلشىنىپ، قاجىرلىلىقپەن كۇرەس جاساپ، ورنىقتىلىق، دامۋ قىزمەتتەرىن تىڭعىلىقتى جاقسى ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇرۋعا قۇلشىنايىق.
جالپى ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ ون ءبىرىنشى جالپى ءماجىلىسىنىڭ قاۋلىسىن»، «شينجياڭ ۇيعۇر اۆتونوميالى رايونىنا توتە قاراستى اۋدان دارەجەلى بايياڭ قالاسىن قۇرۋ جونىندەگى اكىمشىلىك رايوندارعا ءبولۋ - رەتتەۋ جوباسىن» قاراپ ماقۇلدادى. قاتىستى بەلگىلەمەگە ساي، جاڭ شياۋلەي، ليۋ شيانباۋ، ساي اندۇڭ قاتارلى 3 جولداستىڭ اۆتونوميالى رايوندىق پارتكومنىڭ مۇشەلىگىنەن شەگىنۋىن بەكىتتى، لي جيدۇڭ، ۋ يان، ابلەز ابدۇكەرىم، ابدۇراحىمان قادىر، احىمەتجان مينام قاتارلى 5 جولداستى اۆتونوميالى رايوندىق پارتكومنىڭ مۇشەلىگىنە رەت بويىنشا تولىقتىردى.
اۆتونوميالى رايوندىق پارتكومنىڭ مۇشەسى ەمەس، كانديدات مۇشە ەمەس ولكە دارەجەلى باسشى كادرلار، رايونىمىزداعى پارتيا 19 - قۇرىلتايىنىڭ ۋاكىلدەرى، اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى، ايماقتاردىڭ، وبلىستاردىڭ، قالالاردىڭ جانە قاتىستى تاراۋلاردىڭ جاۋاپتى جولداستارى، ت. ب ماجىلىسكە سىرتتاي قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
