- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نەگىزگى ساتىعا تۇسكەن كادرلاردىڭ نەلەردى ىستەۋىنە بولادى؟
نۇرعيسا قۇرمانجان ۇلى
2014.04.15 10:03 كەلۋ قاينارى : حالىق تورابى
بيىل اۆتونوميالى رايوندىق پارتكوم ورگان كادرلارىنان 200 مىڭ ادامدى 3 جىل ىشىندە نەگىزگى ساتىعا جىبەرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن قانات جايدىرۋعا قاۋلى العان بولاتىن. بۇل ۇلى باستاما قازىر قىزۋ ورىستەتىلۋدە. العاشقى توپتاعى نەگىزگى ساتىعا باراتىن كادرلار وزدەرى بولىنگەن نەگىزگى ساتى قىزمەت تۇيىندەرىنە ورنالاسىپ، ۇيىم جۇكتەگەن مىندەتتەرىن ادا ەتۋگە بەل شەشە كىرىسىپ كەتتى. قىسقا عانا مەرزىم ىشىندە نەگىزگى ساتىعا تۇسكەن كادرلار مەن حالىق بۇقاراسى اراسىندا قويۋ قارىم – قاتىناس ورناپ، وسى ءبىر تىڭ باستامانى جەمىسى كورىلە باستادى. ارينە، ول ەڭ ماڭىزدىسى كوزگە بىردەن ۇرىلاتىن كورنەكتى تابىستار ەمەس، شوعىرى قالىڭ كادرلاردىڭ نەگىزگى ساتىعا بارىپ حالىقتىڭ شىنايى تۇرمىسىن كورۋى، ولاردىڭ مۇڭ – مۇحتاجىن سەزىنۋى ەندىگى جەردە ولاردىڭ قىزمەتىنە جان – جاقتىلى اسەر ەتىپ، ىقپالىنىڭ ۇزاق مەرزىمگە سوزىلاتىنىندا بولسا كەرەك.
باسىلىم بەتتەرىندە جارىق كورىپ جاتقانىنداي، باسىم كوپ سانداعى كادرلار نەگىزگى ساتىعا بارعاننان كەيىن، شىن جۇرەگىنەن حالىقتىڭ جاعدايىن ۇعىنۋعا، ولاردىڭ قيىنشىلىقتارىنا قول ءۇشىن بەرىپ، ارمان – تىلەكتەرىن جەتكىزۋگە بەل شەشە كىرىستى. تەك ءىشىنارا كادرلار باعدارىن ايقىنداي الماعاندىقتان، ءىستى قايدان باستاۋدى بىلمەي دال بولاتىنى بەلگىلى. مۇنداي ساتتەردە كادرلار اراسىندا ءوزارا ۇيرەنۋ، ءجون سىلتەۋ، ءبىر – بىرىنەن ساباق الۋ كەم بولسا بولمايدى. قايتكەندە حالىق بۇقاراسىنا ەڭ قاجەتتى كومەك كورسەتە الامىز دەگەندى كادرلار ەستەرىنە جيى السا ءجون. ارينە، نەگىزگى ساتىعا تۇسكەن كادرلاردىڭ باسىم كوپ ساندىسىنىڭ وسىلاي ويلايتىنىنا كۇمانىمىز جوق.
جەر – جەرگە بارعان كادرلاردىڭ وزدەرى تۇرعان ورىنعا قاراي شەشەتىن ماسەلەلەرى دە ءار ءتۇرلى، ءىس جۇزىندە ءىشىنارا كادرلاردىڭ ناقتى قىزمەت بارىسىندا ءتۇرلى قيىنشىلىقتارعا جولىعاتىنىنا تۇسىنىستىكپەن قاراعان ءجون. تەك ءوز قىزمەتىنىڭ جاۋاپكەرشىلىگىن سەزىنىپ، ءوز الىنشە حالىق اۋانىن سەزىنۋگە، حالىقتىڭ تىلەگىن ۇعىنۋعا تالپىنسا عانا، كادرلاردىڭ ءوز مىندەتتەرىن ادا ەتكەنى.
ال، تومەنگە تۇسكەن ۇلتىمىز كادرلارى قانداي ماسەلەلەردە ءوز رولدارىن ساۋلەلەندىرە الادى؟
بۇل جايىندا ارينە تومەنگە تۇسكەن كادرلاردىڭ ءوزى عانا ەڭ تولىمدى جاۋاپ بەرە الادى. الايدا، ءبىز عالامتورعا جانە ءوزىمىز كۇندەلىكتى بىلەتىن جاعدايلارعا سۇيەنە وتىرىپ، ءبىراز پىكىرلەر ءبىلدىرۋدى ءجون كوردىك.
الدىمەن، تومەنگە تۇسكەن كادرلار بۇقارانىڭ ارمان – تىلەگىن جەتكىزۋ مىندەتىن اتقارا الادى. اۋىل – قىستاقتاعى زاڭنان حابارى بولماي، تىلدەن قينالۋ سىندى سەبەپتەردەن ارىز – ارمانىن جەتكىزە الماي جۇرگەن بۇقارا ولارعا مۇحتاج. كەيدە ءوز تىلەكتەرىن ورنىن تاۋىپ جەتكىزە الماي جۇرگەن اۋىلداعى اڭقىلداق جاندارعا ءجون سىلتەپ، بىرەر اۋىز جول كورسەتكەنىڭىز نەگە تۇرادى.
ەكىنشىدەن، اۋىلداعى ەكى قولعا ءبىر جۇمىس تاپپاي جۇرگەن اتپال ازاماتتار مەن قاراكوز ارۋلارىمىز بىرەر اۋىز كەڭەسكە ءزارۋ بولىپ جۇرگەن بولۋى دا مۇمكىن. «ارمان بار، دارمەن جوق» جىگىت – قىزدارعا اقىل كەڭەسىڭىز، باستاعالى تۇرعان ىسىنە كورسەتكەن باعدارىڭىز ەڭ ۇلكەن كومەك بولىپ قالارى داۋسىز.
ۇشىنشىدەن، جوعارى مەن تومەن اراسىندا كوپىرلىك رول اتقارا الادى. ورتالىقتىڭ، جەرگىلىكتى ورىننىڭ شىعارعان ءتيىمدى ساياساتتارىن، حالىققا دەر كەزىندە، تولىق مانىندە جەتكىزۋدى دە كادرلەر ءوز بورىشىمىز دەپ بىلسە ابزال. قازىرگى ابزال ساياسات استىندا ءار دارەجەلى پارتكوم، حالىق ۇكىمەتتەرى حالىققا تيىمدىلىك جەتكىزەتىن ءتۇرلى شارالاردى قولعا الۋدا. اۋىلدا كۇندەلىك كۇيبىڭمەن جۇرگەن قارا حالىق ءبىرىن بىلسە ءبىرىن بىلمەيدى. ونى ولارعا ۇعىندىرۋ، وزدەرىنە ارنالعان تيىمدىلىكتەردەن يگىلىكتەندىرۋ دە زيالىلاردىڭ ەسىندە بولسا يگى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
