- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التى ۇلتتان قۇرام تاپقان 16 بالانىڭ اكەسى − نۇردۇن تۇرسىن
2015.02.04 13:41 كەلۋ قاينارى : ءتاڭىرتاۋ تورابى
«باسقالار مەنىڭ وتباسىم جايلى سۇرار بولسا، مەن ولارعا ماقتانىشپەن بىلاي دەپ تانىستىرامىن: <ءبىز ۇلكەن وتباسىمىز، اكەم ۇيعۇر، شەشەم تاتار، ايەلىم قازاق، مەنىڭ تاعى 14 بالام بار، ولار حۇيزۋ ، حانزۋ ، موڭعۇل ... ت. ب لاردان قۇرام تاپقان>، ال ءوزىم − ىنتىماق ۇلتىنان بولامىن»، - دەدى نۇردۇن تۇرسىن.
نۇردۇن تۇرسىن بۋىرشىن اۋداندىق قوعام حاۋىپسىزدىگى مەكەمەسى ەل ءىشى حاۋىپسىزدىگىن قورعاۋ بولىمشە اترەتىنىڭ جەتەكشىسى، سونداي - اق 16 بالاعا سۇيەنىش بولعان اسقار تاۋداي «اكە». ءوزىنىڭ تۋعان ءبىر جۇپ ۇل مەن قىزىنان سىرت، ول تاعى ءبىر موڭعۇل قىزدى اسىراپ الدى. مۇنان سىرت تاعى 13 «وكىل بالاسى» بار. قازىر ولاردىڭ ۇلكەنى ۋنيۆەرسيتەتتە ءبىلىم السا، ال كەنجەسى ەندى 2 - 3 جاسقا كەلدى.
ول كەزىندە ىلگەرىندى - كەيىندى مەملەكەتتىك قوعام حاۋىپسىزدىگى سالاسى بويىنشا حالىقتى ءسۇيۋدى امالياتتا ايگىلەۋدەگى ۇلگىلى جەكە جانە مەملەكەتتىك اكىمشىلىك - زاڭ جۇيەسىندەگى ۇزدىك پارتيالى كادر - ساقشى بولىپ باعالاندى. 2014 - جىلى مەملەكەتتىك 5 - كەزەكتى 10 «ەڭ ارداقتى حالىق ساقشىسىن» سارالاۋ قيمىلىندا «مەملەكەتتىك ەرەكشە دارەجەلى ۇزدىك حالىق ساقشىسى» دەگەن داڭقتى اتاققا يە بولدى.
ۇلت پەن قانداستىقتان اسىپ تۇسكەن اكەلىك مەيىر
بىلتىرعى 31 - جەلتوقساندى موڭعۇل جاتاقتى ورتا مەكتەبىندە وقيتىن 16 جاستاعى موڭعۇل بويجەتكەن بۇيىندالا سارىلىپ كۇتكەن ەدى، ويتكەنى ول جاڭا جىل دەمالىسى كەلىسىمەن ۇيگە قايتۋعا اسىقتى.
تۇستەن كەيىن ساعات 16 مولشەرىندە، نۇردۇن ەسىك الدىنا شىعىپ مەكتەپتەن دەمالىسقا تاراعان قىزىن كۇتتى، قىزى كوز الدىندا پايدا بولا كەتىسىمەن، ول قىزىنىڭ قولىنداعى سومكەسىن الىپ: «جولدا توڭدىڭ با؟ قارنىڭ اشتى ما؟» دەپ سۇراي جونەلدى.
نۇردۇننىڭ ايەلى گۇلباقىت مەشىتقان قىزى بۇيىندالا ەسىكتەن كىرە بەرىسىمەن ونى ۇزاق قۇشاقتاپ، بەتىنەن ءسۇيدى جانە بۋى بۇرقىراعان تۇشپارا اكەلدى. وسىنداي بەرەكەلى وتباسىنا قاراپ بۇيىندالانى ولاردىڭ تۋعان قىزى ەكەن دەۋىڭىزدە داۋ جوق.
2009 - جىلى نۇردۇن اۋدان قالاشىعىنان 160 كيلومەتردەن استام جەردەگى قوم قاناس موڭعۇل ۇلتتىق اۋىلىنا دەلو بىتىرگەلى بارعاندا، اۋىلدىق باستاۋىش مەكتەپتەن جۇتاڭقى كيىنگەن بۇيىندالا اتتى 10 جاسار موڭعۇل قىزدى بايقايدى، سۇراستىرا كەلە، ول بۇل بالانىڭ شەشەسىنىڭ ەرتە قايتىس بولعانىن، اكەسىنىڭ سالماقتى ناۋقاسقا شالدىققانىن، ونىڭ ۇستىنە ونىڭ تاعى ءبىر اعاسى مەن ءسىڭلىسى بار ەكەنىن، ءبىر ءۇيلى جان اۋىلدىق ۇكىمەتتىڭ كومەگىنە سۇيەنىپ كۇنەلتەتىندىگىن بىلەدى.
نۇردۇن بۇل بالاعا جانى اشىپ، جەرگىلىكتى ورىننىڭ وقۋ - اعارتۋ مەكەمەسىنىڭ باسشىلارىمەن جانە مەكتەپپەن بايلانىس جاساپ، بۇيىندالانىڭ وقۋىنا قارجىلاي كومەكتەسۋ ويى بارلىعىن ءبىلدىردى. كوپ وتپەي ول باسقالاردان بۇيىندالاعا 500 يۋان اقشا جىبەرىپ بەردى.
2011 - جىلى بۇيىندالانىڭ اكەسى دۇنيە سالعاننان كەيىن، نۇردۇن ونى اسىراپ الدى، سونداي - اق وعان ەركەلەتىپ «ناچين» دەپ ات قويدى. نۇردۇن تاعى جەرگىلىكتى ورىنداعى ءبىر موڭعۇل ورتا مەكتەپپەن بايلانىس جاساپ، ناچيندى سول مەكتەپكە وقۋعا بەردى.
«مەن وسى وتباسىنا كەلگەننەن كەيىن، گۇلباقىت اپاي مەنىڭ كىرىمدى جۋىپ، ۇناتىپ جەيتىن تاعامدارىمدى ىستەپ، ءۇستى - باسىمداعى كيىم - كەشەگىمدى جاڭالادى. ساقشى اكەم ماعان وزدەرىنىڭ مەنىڭ تۋعان اتا - انام بولماسا دا مەنى ءوز بالالارىنان كەم كورمەيتىندىگىن ايتتى، سودان باستاپ مەن ولاردى تۋعان اكە - شەشەمە بالادىم. مەن ەرجەتكەندە اكەم سياقتى ىزگى نيەتتى ادام بولسام دەيمىن»، - دەدى ناچين كوزىنە جاس الىپ.
تۋىستىق سۇيىسپەنشىلىكتەن دە اسىپ تۇسكەن ىزگى نيەت
1 - قاڭتاردا نۇردۇن شالعايداعى حيلۇڭجياڭ ولكەسىندەگى مەديتسينا ۋنيۆەرسيتەتىندە وقيتىن «ۇلىنا» تەلەفون شالىپ «ۋىنچياڭ، ەمتيحان تاياپ قالدى، ساباقتى قالاي پىسىقتاپ جاتىرسىڭ؟ قورەكتىكتى جاقسارتىپ، دەنساۋلىعىڭا كوڭىل ءبول...» دەپ قاداعالاپ جاتتى. نۇردۇن تىلشىگە ماۋسىمدىق ەمتيحان ۋاقىتى جاقىنداپ قالعاندىقتان، ۇلىمەن حابارلاسىپ، وعان شابىت بەرۋمەن بىرگە، جاڭا جىلدا ۇلىنىڭ ىستەرىنە ساتتىلىك تىلەيتىندىگىن ايتتى.
شۇي ۋىنچياڭ نۇردۇننىڭ وكىل بالالارىنىڭ ىشىندەگى ەڭ ۇلكەنى. 1987 - جىلى شۇي ۋىنچياڭنىڭ اكەسى شۇي ميڭۋان انحۇي ولكەسىنەن بۋىرشىن اۋداندىق 2 - جەڭىل ونەركاسىپ مەكەمەسىنە جۇمىس ىستەۋگە كەلگەن، سول كەزدە نۇردۇننىڭ اكەسى دە وسى ورىندا ىستەيتىن ەدى، نۇردۇننىڭ اكەسى شۇي ميڭۋاننىڭ وتباسىنىڭ قيىنشىلىعىن كورىپ، ىزگى نيەتپەن بايلانىس جاساپ وعان جۇمىس تاۋىپ بەردى. نۇردۇن اكەسىنىڭ ىقپالىندا، شۇي ميڭۋانمەن بەينە اعالى - ىنىلەردەي تاتۋ ءوتتى. 1999 - جىلى مەكەمە كۇيرەپ، شۇي ميڭۋاننىڭ تۇرمىسى مۇشكىل حالگە ءتۇستى، وسىنداي جاعداي استىندا، نۇردۇن ءوزىنىڭ ماردىمدى جيعان - تەرگەنى بولماسا دا جان - جاقتان قارىز الىپ، شۇي ميڭۋانعا كومەكتەسىپ زبەست دۇكەنىن اشىپ بەرىپ، ونىڭ قيىن - قىستاۋدان وتۋىنە قول ۇشىن بەردى.
وسىلايشا، بىرتە - بىرتە ەكى ءۇيلى جان تەرەڭ دوستىق قالىپتاستىردى. ءبىر كۇنى نۇردۇن ۋىنچياڭنىڭ قولىن قىسىپ تۇرىپ: بالام، مەن ساعان وكىل اكە بولسام قالاي دەيسىڭ؟ - دەدى. ءسويتىپ، شۇي ۋىنچياڭ ونىڭ تۇڭعىش وكىل ۇلى بولدى.
گۇلباقىت مەشىتقان قىزىنىڭ نازارىندا جۇبايى نۇردۇن مىنەزى سالماقتى، ىزگى نيەتتى، جاۋاپكەرشىلىك سەزىمى كۇشتى جان سانالادى. ونىڭ ايتۋىنشا، نۇردۇن مەكتەپتەگى كەزىنەن باستاپ تۇرمىسىندا قيىنشىلىعى بار ساباقتاستارىنا ۇنەمى كومەكتەسىپ، ولاردى ۇيىنە ەرتىپ اپارىپ تاماقتاندىرىپ تۇرادى، اينالاسىنداعى قيىنشىلىعى بار ادامداردان كومەك قولىن ەشقاشان ايامايدى ەكەن.
ال بۇگىنگى كۇندە، مەرەكە - مەيرام بولسا بولعانى، ول مۇمكىندىگىنىڭ بارىنشا ۋاقىت شىعارىپ، بالالاردىڭ باسىن قوسىپ، ۇلكەن بالكۇلشە اكەلىپ، بالالارمەن بىرگە تاماقتانىپ، سۋرەتكە ءتۇسىپ، اڭگىمەلەسىپ تۇرادى.
سۇيىسپەنشىلىكتى ماڭگى جالعاستىرايىق
نۇردۇن تەبىرەنىپ بىلاي دەدى: «قوعامدا تاعى تالاي بالا قامقورلىققا مۇقتاج، الايدا مەنىڭ كۇشىم شامالى، سوندىقتان مەن اينالامداعى ادامداردى اتتانىسقا كەلتىرۋىم كەرەك».
2011 - جىلى نۇردۇن قىزمەتتەستەرىمەن جانە ساۋدامەن شۇعىلداناتىن جەكە كاسىپكەرلەرمەن اقىلداسىپ، «قامقورشى اكە» اتتى الەۋمەت سيپاتىنداعى ۇيىم قۇرىپ، تۇرمىسىندا قيىنشىلىعى بار وقۋشىلار مەن مۇگەدەك وقۋشىلارعا كومەكتەسۋدى نەگىزگى ماقسات ەتتى. وسىدان باستاپ، ولار مەكتەپ پەن الەۋمەتتىك اۋماققا سان مارتە جۇگىرىپ، قيىنشىلىعى بار وقۋشىلارعا كومەكتەسۋدىڭ امالىن قاراستىردى. ءبىر كۇنى ول مال شارۋاشىلىق رايونىنان كەلگەن ءبىر وقۋشىنىڭ ءار كۇنى مەكتەپ پەن ءۇيىنىڭ ارالىعىندا 10 نەشە كيلومەتر جولدى جاياۋ باساتىندىعىنان حابار تاپقاننان كەيىن، ايەلىمەن اقىلداسىپ، وزدەرىنىڭ جاڭادان ساتىپ العان ۆەلوسيپەدىن وسى وقۋشىعا بەرەدى.
ءار جىلى مەكتەپ وقۋ باستاعان كەزدە، نۇردۇن مەن قامقورشى اكەلەر ۇيرەنۋ قۇرالدارىن ساتىپ الىپ، ولاردى وقۋ كومەك قاراجاتىمەن بىرگە كومەككە مۇقتاج وقۋشىلاردىڭ قولىنا تابىس ەتىپ تۇردى. كوپشىلىكتىڭ تىزە قوسا قۇلشىنىس جاساۋىنىڭ ارقاسىندا، قامقورشى اكەلەردىڭ ىقپال كۇشى بارعان سايىن ۇلعايىپ، قامقورشى اكەلەردىڭ قاتارى جاڭا قۇرىلعان كەزدەگى 6 ادامنان قازىر 46 ادامعا كوبەيدى، ولاردىڭ ىشىندە جاسى ەڭ ۇلكەنى 68 جاستا، ەڭ كىشىسى 25 جاستا بولىپ، بارلىعى قامقورلىق جەتكىزۋ ىستەرىنە بەلسەنە ات سالىسۋدا. ولار قازىرگە دەيىن ىلگەرىندى - كەيىندى 30 دان استام وقۋشىعا قارجىلاي كومەك بەردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
