- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مال شارۋاشىلىعىنىڭ نەگىزدىك قۇرىلعى قۇرىلىستارى جاقسارتىلا تۇسسە يگى ەدى
2015.02.04 13:50
تۇردان جاناقىن ۇلى (ءوز ءتىلشىمىز) ساياسي كەڭەس اۆتونوميالى وبلىستىق 12 – كەزەكتى كوميتەتىنىڭ 4 – ماجىلىسىنە قاتىناسىپ جاتقان تارباعاتاي ايماعى ءدوربىلجىن اۋداندىق ساياسي كەڭەس قىزمەت كوميتەتىنىڭ ءتوراعاسى، مۇشە باعدات جۇماش ۇلى وسى رەتكى ماجىلىسكە «مالشىلاردىڭ قىستاۋىنداعى تۇرعىن ءۇي، جەم – ءشوپ قويماسى جانە مال شيپاگەرلىك پۋنكىتى قۇرىلىسى شارت – جاعدايىن جاقسارتۋ جونىندەگى ۇسىنىسىن» الا كەلىپتى.
ول: «ءدوربىلجىن اۋدانى جارتىلاي ەگىنشىلىكپەن، جارتىلاي مال شارۋاشىلىعىمەن شۇعىلداناتىن ءىرى اۋدان. مال شارۋاشىلىق رايوندارىنىڭ دەنى شەت – شالعاي تاۋلى رايون، جاراتىلىستىق شارت – جاعداي ناشار، مالشىلارى ءبىرشاما كەدەي. ءدوربىلجىن اۋدانىنداعى 9 مىڭنان استام مالشى مەن 480 مىڭ باستان (تۇياقتان) استام مال جايىر قىستاۋلىقتارىنا ورنالاستىرىلىپ، وسىندا 4 ايعا تاياۋ ۋاقىت مال باعىلىپ، ءتول الىناتىندىقتان، قىستاۋلىق نەگىزىنەن مالشىلاردىڭ ءوندىرىس، تۇرمىس بازاسى ەسەپتەلەدى.
ال وسى قىستاۋلىقتارداعى مالشىلاردىڭ تۇرعىن ءۇي شارت – جاعدايى ەرەكشە ناشار، ولار نەگىزىنەن سوناۋ ەرتەدەگى تاستان قالانعان ۇيلەردە وتىرادى. وندىرىستىك قۇرىلعىلارىنىڭ نەگىزى ءالسىز، جاراتىلىستىق اپاتتار مەن ءتۇرلى ىندەتتەرگە توتەپ بەرۋ قۋاتى تومەن. ءار جىلى وسى قىستاۋلىقتاردا ءۇي جانە قورا – قالتقى قۇلاۋدان ادام مەن مال شىعىن بولىپ تۇرادى. ال قالىڭ قار جاۋىپ، بوران بولىپ، سۋىق اعىس كىرگەندە قىستاۋلىقتاعى مال شارۋاشىلىعى ءوندىرىسى اۋىر ىقپالعا ۇشىراپ، تىكە جانە جانامالاي شىعىن اۋىر بولادى. قار قالىڭ جاۋىپ مال ورىستەن تارىققاندا، شارۋالاردا جەتكىلىكتى جەم – ءشوپ قورى بولماعاندىقتان، شىعىن ءتىپتى دە اۋىر بولادى. مىنە، بۇل مالشىلاردىڭ اپات سەبەبىنەن كەدەيلەسىپ وتىرۋىنىڭ ناقتى بەينەسى» دەي كەلىپ، مىناداي ۇسىنىسىن ءبىلدىردى: بىرىنشىدەن، اۆتونوميالى وبلىس ءىس جۇزىندىك جاعدايمەن بىرلەستىرە وتىرىپ، مالشىلاردى وتىرىقتاندىرۋ، كەدەيلەردى سۇيەمەلدەۋ، بەيقۇت ءۇي سالۋ سياقتى حالىققا تيىمدىلىك جاساۋ نىسان قۇرىلىسىن مالشىلاردىڭ ناقتى قاجەتىمەن ۇشتاستىرىپ، قىستاۋداعى مالشىلاردىڭ تۇرمىسى مەن وندىرىسىندە ماندىك بۇرىلىس جاساۋ كەرەك. مال شارۋاشىلىعى وڭىرلەرىندەگى نەگىزدىك قۇرىلعى قۇرىلىسىن جاقسارتۋ مال شارۋاشىلىعى مەن جايىلىم ەكولوگياسىنىڭ اقاۋسىز دامۋىنىڭ كەپىلى. سوندىقتان، قىستاۋلىقتاعى مالشىلارعا كەم دەگەندە 40 شارشى مەترلىك ءۇي سالىپ بەرۋ كەرەك. ەكىنشىدەن، ءدوربىلجىن اۋدانىنداعى اپاتقا كوپ ۇشىرايتىن مال شارۋاشىلىق وڭىرلەرىندە جەرگىلىكتى جاعدايمەن ۇشتاستىرا وتىرىپ، مەملەكەت، اۆتونوميالى رايون، جەرگىلىكتى ۇكىمەت قارجى شىعارىپ، جەم – ءشوپ بازاسىن قۇرۋمەن بىرگە، مالشىلارعا قاجەتتى تۇرمىستىق بويىمداردى دا بازاعا ازىرلەۋ كەرەك. ۇشىنشىدەن، مال شارۋاشىلىق وڭىرلەرىنىڭ نەگىزگى ساتى ۇيىمدىق قۇرىلىسىن كۇشەيتۋ كەرەك. قىستاق پارتيا ياچەيكاسى مەن قىستاق باستىعىنا جوعارى مەكتەپ بىتىرگەن، ماعۇلىماتى جوعارى كادرلاردى سەپتەۋ، ولاردىڭ ءتۇرلى قاراجاتتارىن شەشىم ەتۋ، مالشىلارعا زاڭ جالپىلاسىتىرۋدى مىقتى يگەرۋ كەرەك. سوندا عانا مالشىلار وزدەرىنىڭ زاڭدى ۇقىق – مۇددەسىن قورعاي الادى. تورتىنشىدەن، مال شارۋاشىلىق وڭىرلەرىندەگى مالشىلاردىڭ بالالارىن باعىتتامالى تاربيەلەپ، ءوز جەرىندە كاسىپتەنۋگە جەتەكشىلىك ەتۋ كەرەك. (تۇردان جاناقىن ۇلى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
