- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مالشىلاردىڭ جۇرەك ءسوزىن مينيسترگە جەتكىزدى
2015.03.06 15:51 كەلۋ قاينارى : حالىق تورابى
حالىق تورابى، 6 – ناۋرىز، بەيجيڭ. (نۇرعيسا) ەلدىڭ ەلەۋلى ىستەرىن كەڭەسەتىن مەملەكەتتىك ەكى ءماجىلىس اشىلىپ، سان – سالانىڭ ۋاكىلدەرى وزدەرىنە تاپسىرىلعان داڭقتى بورىشتارىن ارقالاپ ەكى ماجىلىسكە قاتىناسۋدا. سونىڭ ءبىرى رەتىندە ىشكى موڭعۇل اۆتونوميالى رايونى شيلينعول ايماعى اباگا حوشۋنىنان كەلگەن مالشىلار ۋاكىلى ەردىڭگرىل مالشىلاردىڭ جۇرەك ءسوزىن 5 – ناۋرىز كۇنى اۋىل شارۋاشىلىق مينيسترىنە جەتكىزدى. سول كۇنى اۋىل شارۋاشىلىق مينيسترى حان چاڭبين حالىق قۇرىلتايى سارايىندا ىشكى موڭعۇل ۋاكىلدەر ۇيىرمەسىنىڭ كەڭەسىنە قاتىناسقان بولاتىن.
«بىلتىر قوي ەتى مەن سيىر ەتىنىڭ باعاسى ارزانداپ، مالشىلاردىڭ كىرىسىنەن شىعىسى كوپ بولدى، تۇرمىستارى زور ىقپالعا ۇشىرادى، مالشىلاردىڭ كىرىسى وسىلاي تومەندەي بەرسە، ولار قىسقا مەرزىم ىشىندە تۇرمىس تاسىلدەرىن وزگەرتىپ، باسقا سالاعا ۇيلەسە المايتىندىقتان، باعىمشىلىق كولەمىن كەڭەيتە تۇسۋگە ءماجبۇر بولادى. ال باعىمشىلىق كولەمىنىڭ كەڭەيۋى بىرنەشە جىلدان بەرى اتقارىلعان جايىلىم ەكولوگياسىن قالپىنا كەلتىرۋ ينجەنەرياسىنىڭ ناتيجەسىن ساقتاۋعا قيىندىق تۋدىرادى. مەملەكەتىمىز اتقارعان جايىلىم قوسىمشا قاراجاتىن تاراتۋدىڭ ءبىرىنشى مەرزىمى اياقتادى، الدا تاعى تاراتىلا ما؟ قوسىمشا قاراجات كوبەيتىلە مە؟ بۇل ساياسات اتقارىلا بەرسە ەكەن دەگە ۇمىتتەمىز»، - دەدى.
حان چاڭبين مينيستر: «جايىلىم سيلىق قوسىمشا قاراجاتى ەلىمىزدىڭ جايلىمدى قورعاۋ پارمەنىن كۇشەيتۋدەگى ماڭىزدى ستراتەگيالىق ساياساتى، جايىلىمدى قورعاۋ، مال شارۋاشىلىق رايوندارىن دامىتۋ، مالشىلاردىڭ كىرىسىن ارتتىرۋ توتەنشە ماڭىزدى. ەلىمىز جايىلىم ەكولوگياسىن قورعاۋ، مالشىلاردىڭ ءوندىرىس تاسىلىنە وزگەرىس ەنگىزۋ ءۇشىن جىل سايىن 16 ميلليارد يۋاننان استام قاراجات بولەدى. ءسىز ايتقان بۇل ماسەلەگە ءسوزسىز كوڭىل ءبولۋ كەرەك، اۆتونوميالى رايون باسشىلارى دا ماعان اڭىس بىلدىرگەن، قازىنا مينيسترلىگى مەن اۋىل شارۋاشىلىق مينيسترلىگى بىرلىكتە تەكسەرۋ گرۋپپاسىن ۇيىمداستىرىپ، تەكسەرۋدى قانات جايدىرۋدا، الدا جايىلىم ەكولوگياسىن قورعاۋ قوسىمشا قاراجات تۇراقتى مەحانيزمىن بىرتىندەپ قۇراتىن بولامىز. مالشىلارعا ءتيىمدى ساياساتتى ءسوزسىز كەمەلدەندىرە ءتۇسۋ كەرەك»، - دەدى.
مينيستردىڭ جاۋابىنان شابىت العان ەردىڭگرىل تاعى ءبىر ماسەلەنىڭ شەتىن شىعاردى. ول: زۇڭلي ۇكىمەت قىزمەتىنەن باياندامادا اۋىل شارۋاشىلىعىن قولداۋ ساياساتىن كۇشەيتۋ، ءبيداي، كۇرىش قاتارلى ەگىس داقىلدارىن ساتىپ الۋدىڭ ەڭ تومەنگى باعاسىن بەلگىلەۋدى ورتاعا قويدى. ەگەر قوي ەتى مەن سيىر ەتىنە دە ەڭ تومەنگى قورعاۋ باعاسى بەلگىلەنسە، مالشىلار بازار باعاسىنىڭ ءبىر كۇن ولاي، ءبىر كۇن بۇلاي بولۋىنان الاڭدامايتىن بولار ەدى. مەن قوي ەتى مەن سيىر ەتىنە ەڭ تومەنگى قورعاۋ باعاسىن بەلگىلەپ، مالشىلاردىڭ كىرىسىنىڭ ورنىقتى، باياندى بولۋىنا كەپىلدىك ەتۋ تۋرالى ۇسىنىس بەرەمىن»، - دەدى.
حان چاڭبين: «ءسىز وتە ناقتى ماسەلەنى ورتاعا قويدىڭىز، بۇل ماسەلەنى مۇقيات زەرتتەپ، ديقان – مالشىلار جولىققان ماسەلەلەردى شەشىم ەتۋگە قۇلشىنامىز»، - دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
