- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جازامەن تاربيەلەۋ ورىندى بولسىن
2015.06.10 11:38 كەلۋ قاينارى : شينجياڭ حالىق راديو ستانسياسى تورابى
اقپارات قۇرالدارىنىڭ حابارلاۋىنشا، جىجياڭ ولكەسى ۋىنجوۋ قالاسى ساڭنان اۋدانىنداعى ءبىر باستاۋىش مەكتەپ وقۋشىسىنا «كەشىككىش باھادۇر» دەيتىن سيلىق بەرىپتى. بۇل ءىس جۇرتتىڭ تاربيە ءتاسىلى جونىندەگى تالاس-تارتىسى مەن وي تولعاۋىنا تامىزدىق بولدى.ءىستىڭ باسى-قاسىندا جۇرگەن وقىتۋشىنىڭ تانىستىرۋىنشا، مۇنان بۇرىن تالاي رەت بەلسەندى تۇرعىدان تاربيە بەرسە دە، الگى وقۋشى اپتاسىنا نەشە رەت كەشىگەتىن ادەتىن وزگەرتپەگەن، اتا-اناسى وقىتۋشىعا «جۇيكەسىنە تيگىزىڭكىرەپ، مەكتەپتەن كەشىگەتىن ءمىنىن وزگەرتۋگە قۋزاساڭىز» دەپ كەڭەس بەرگەن كورىنەدى. «كەشىككىش باھادۇر» سيلىعىنىڭ شىعۋ تەگى وسى بولسا كەرەك. ناتيجەسىندە، الگى وقۋشى 2-كۇنى ساباققا ۋاقىتىندا كەلگەن، وقىتۋشى دا ءىز سۋىتپاي «العا باسقانىڭ ءۇشىن» دەگەن سيلىق ۇستاتقان. ناقتى ناتيجەسىنەن الىپ ايتقاندا، سيلاۋ مەن جازالاۋى ايقىن تاربيە ءتاسىلى، الگى وزگەشە بالاعا ايتىپ-ايتپاي بەلگىلى ىقپال كورسەتكەن.دەيتۇرعانىمىزبەن، بۇل ءادىستى دە ادامىنا قاراي قولدانعان ءجون. جازا مەن تاربيەلەۋ شەكتەن اسىپ كەتسە، اسا نامىسقوي بالالار ءۇشىن كەرى اسەر بەرۋى مۇمكىن. «قاتاڭ تاربيەسى جوق ۇستاز جالقاۋ» دەگەن كۇندە دە، قاتالدىقتىڭ شەگى مەن قولدانىلاتىن ورنىنىڭ دا اسا ماڭىزدى ەكەنى، ءتالىم-تاربيەنىڭ بولمىسى بولەك، مىنەز-قۇلىقتارى تۇرلىشە ادامدارعا قاراتىلعانى ەستە بولعانى جاقسى. وسى زامان پەداگوگيكاسى ادامدى نەگىز ەتۋدى، وقىتۋشى مەن وقۋشى «مەنى مەن ول» دەيتىن باعىنىشتىلىق قارىم-قاتىناستا ەمەس، «مەن-سەندىك» تەپە-تەڭ قارىم-قاتىناستا بولۋدى قۋاتتايدى. دەمەك، گەتەنىڭ «ادامعا قۇي تاربيە، قۇي جازا بەر، ەڭ الدىمەن ونى ادام ساناتىنا قوسۋىڭ كەرەك» دەيتىن ءسوزىن ەسەپكە الاتىن كەزگە كەلگەن سياقتىمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
