- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حاق سەنىمنەن جازباي، ورتا جولدان اۋىتقىمايىق
ءدىننىڭ ءمانىن دۇرىس ءتۇسىنىپ، حاق سەنىمنەن جازبايىق
2015.06.10 13:51 كەلۋ قاينارى : ءتاڭىرتاۋ تورابى
باس شۋجي شي جينپيڭ: زورلىقتى كۇش، لاڭكەستىك ارەكەتىنىڭ ءتۇپ تامىرى − ۇلتتىق بولشەكتەۋشىلىك، يدەيالىق نەگىزى − ءدىني ۇشقارىلىق، - دەپ اتاپ كورسەتكەن ەدى. اتالعان ماڭىزدى تۇجىرىم زورلىقتى كۇش، لاڭكەستىك ارەكەتىنىڭ پايدا بولۋىنداعى يدەيالىق قاينار كوزدىڭ ءدىني ۇشقارى يدەيا ەكەنىن تەرەڭ ايقىنداپ بەردى. شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن، ءسوز جوق، زورلىقتى كۇش، لاڭكەستىك ارەكەتتەرگە قاتاڭ سوققى بەرۋمەن بىرگە، ونىڭ يدەيالىق نەگىزىن قۇرتۋ، ياعني ءدىني ۇشقارى يدەيانىڭ تامىرىنا تۇبەگەيلى بالتا شابۋ كەرەك.
ىسكە باعىتتامالى كىرىسىپ، اۋرۋىنا قاراي ءدارى بەرۋ − ماسەلەنى شەشۋدىڭ ماڭىزدى ءتاسىلى. ءدىني ۇشقارى يدەيانى الاستاۋ كۇردەلى دە جاپالى جۇيە ينجەنەرياسى، ول قوعامنىڭ ءار سالاسىنىڭ ءبىر نيەتپەن سەلبەسە وتىرىپ جۇزەگە اسىرۋىنا ءزارۋ. مۇندا ءدىن سالاسىنىڭ بەلسەندى رولىن تولىق ساۋلەلەندىرۋ ماڭىزدى بۋىن ەسەپتەلەدى. 9 - ماۋسىمدا وتكىزىلگەن شينجياڭ ءىسلام ءدىنى سالاسىنداعىلاردىڭ اڭگىمە ماجىلىسىندە اۆتونوميالى رايونىمىزداعى ايگىلى ءدىني قايراتكەرلەر وزدەرىنىڭ مول ءدىني ءبىلىمى مەن ادال سەنىمىنە سۇيەنىپ، ءدىني ۇشقارى يدەيانىڭ الدامكوستىگى مەن الجاستىرۋىن ايپاراداي اشىپ، ءىسلام ءدىنىن دۇرىس ءتۇسىندىرىپ، «جيحاد جانناتقا اپاراتىن جول» دەگەن بۇرالقى ءسوز، وتىرىك - وسەكتى پاش قىلدى؛ «بەيبىتشىلىك، ورتا جول، راقىمدىلىق، مەيىرىمدىلىك» سىندى ءىسلام ءدىنى رۋحىن زور كۇشپەن ۇگىتتەپ، ىزگىلىكتى دارىپتەپ، جاماندىقتان جيرەنتتى. بۇل − شينجياڭنىڭ ءىسلام ءدىنى سالاسىنىڭ ءىسلام ءدىنىن ءدىن اقيدالارىنا سايكەستىرىپ، مەملەكەتتىڭ مۇددەسىمەن ۇيلەستىرىپ بەلسەنە ءتۇسىندىرىپ، ءىسلام ءدىنىنىڭ ورتا جول يدەياسى مەن زۇلىمدى جازالاپ، ىزگىلىكتى دارىپتەۋ سىندى ءمورال كوزقاراسىن ساۋلەلەندىرىپ، ءدىني ۇشقارىلىقتىڭ ءدىندى بۇرمالاۋ، دىننەن پايدالانۋداعى ساندىراعى مەن بوگدە نيەتىن اشكەرەلەپ، سىن تەزىنە الىپ، وعان تويتارىس بەرۋى سانالادى.
ءبىر مەزگىلدەن بەرى، ءىستىڭ ءمان - جايىن بىلمەيتىن، دىنگە سەنەتىن كەي جاماعات ءدىني ۇشقارى ەلەمەنتتەردىڭ الجاستىرۋى مەن ەلىكتىرۋىنە كوزسىزدىكپەن قۇلاق اسىپ، كوزسىزدىكپەن سەنىپ، كوزسىزدىكپەن بويسۇندى نەمەسە الدانىپ، قۇقاي كوردى، سونىمەن كەيبىرى زاڭسىز ءدىني ارەكەت پەن زورلىقتى كۇش، لاڭكەستىك ارەكەتتەرىنە قاتىناسسا، كەيبىرى شەكارادان زاڭسىز ءوتىپ «ھيجرات ەتىپ، جيحاد جاسايمىن» دەپ تەنتىرەپ، دۇنيە - مۇلكىنەن ايرىلىپ تاقىرعا وتىرىپ قالدى. ولاردىڭ مەيلى اتا مەكەندەرىندە بولسىن، الدە جات ەل، جات جەردە بولسىن ءدىني ۇشقارى كۇشتىڭ قۇربانى بولىپ، ۇكىمەتكە، قوعامعا، وركەنيەتكە، ادامزاتقا، ۇلتقا، دىنگە قارسى تۇيىق جولعا تۇسكەنى ادامدى قاتتى اشىندىرادى.
«ءبىزدىڭ ءىسلام ءدىنىمىز سوعىستى دارىپتەمەيدى، قايتا بەيبىتشىلىكتى قۋاتتايدى. ۇشقارىلىققا قارسى تۇرۋ، ورتا جولدان اۋىتقىماۋ <ەكى دۇنيەنىڭ نيعىمەتىن> دارىپتەيتىن ءىسلام ءدىنىنىڭ ءاربىر مۇسىلمانعا قويار تالابى، ءبىز مۇنى ەسىمىزدەن شىعارماي، ورتا جولدى امالياتتا ايگىلەۋىمىز كەرەك». «ءبىز ءىسلام ءدىنىنىڭ دۇرىس جولىن ۇيرەنۋىمىز جانە ۇگىتتەۋمىز، ءىسلامنىڭ بەيبىتشىلىك رۋحىن، <جيحادتىڭ> شىنايى ءمانىن مىقتاپ يگەرىپ، ءىسلام ءدىنى اقيدالارىن بۇرمالاۋعا، ۇشقارىلىقپەن اينالىسۋعا قارسى تۇرۋىمىز ءتيىس». «ادامدار ءوز اتا مەكەندەرىندە كۇن كورىپ، تىرشىلىك ەتىپ، مەيىرلى ىستىق قۇشاقتا تۋىسقاندىق سۇيىسپەنشىلىك پەن ادامگەرشىلىك مىنەزدى قالىپتاستىرادى ءارى وسى بارىستا سەنىمدى قورعاۋعا قول جەتكىزەدى، قۇرمەتكە بولەنەدى. سوندىقتان ءىسلام ءدىنى <وتانشىلدىقتى سەنىمنىڭ ءبىر بولەگىنە بالايدى>، مۇنداي سىندارلى وتانشىلدىق سۇيىسپەنشىلىكتى ۇلى دا قاسيەتتى سەنىم دەڭگەيىنە كوتەرۋىمىز قاجەت». «اتا مەكەنمىز تىنىش بولعاندا عانا بۇقارا باقىتتى تۇرمىس كەشىرە الادى»...
بۇل شينجياڭنىڭ ءىسلام ءدىنى سالاسىنداعىلاردىڭ نەگىزگى اۋەنى، ول تاريحي بورىش پەن زامانا جاۋاپكەرشىلىگىن ارقالاعان، سونداي - اق ءدىننىڭ اسىلگى ادىلدىك كۇشىن بەينەلەيدى. ول قاتە جولعا تۇسكەن ادامداردى رايىنان قايتارىپ، داعدارعان جانداردىڭ بەتالىسىن تۇزەپ، ءتىپتى دە كوپ ادامدى «ءىسلام ءدىنى تاريحتان بەرى بەيبىتشىلىكتى دارىپتەيدى، وزگەلەرگە ىزگى نيەت ۇستانۋدى دىتتەيدى، بىلىمگە تالپىنادى، زورلىقتى كۇشكە قارسى تۇرادى، ال ءدىني ۇشقارى كۇشتەر سۇرقيا ساياسي ماقساتىنا جەتۋ ءۇشىن زورلىقتى كۇش، لاڭكەستىك ارەكەتتەرىن تۋدىرۋعا جەلىكتىرىپ، بەيكۇنا ادامداردى ولتىرۋگە قايراپ، ءىسلام ءدىنىنىڭ نەگىزگى اقيداسىنا بۇكىلدەي قايشى كەلدى. ولار استە وزدەرى ايتقانداي ادال ءمۇريت ەمەس، قايتا ءدىن تونىن جامىلىپ ءوزىنىڭ ساياسي ماقساتىنا قىزمەت ەتتىرۋگە ۇرىنعان قاسكۇنەمدەر، ۇلتتىڭ دامىپ العا باسۋ جولىنداعى ەڭ ۇلكەن ءبۇلدىرۋشى جانە ءىسلام ءدىنىن قورلاۋشى» دەگەن تانىمعا كەلتىرەدى.
شينجياڭنىڭ ءىسلام ءدىنى سالاسىنداعى قايراتكەرلەر تالاي رەت كەۋدە كەرە العا شىعىپ، باتىل پوزيتسيا ءبىلدىرىپ، دىنگە سەنەتىن بارلىق جاماعاتتى دۇرىس سەنىمنەن اۋىتقىماۋعا ۇندەپ، دىنگە سەنەتىن جاماعات پەن ءىسلام دىنىنە وسكەلەڭ جاۋاپتى بولۋ پوزيتسياسىن ايگىلەدى. ولاردىڭ ىستىق ىقىلاسى مەن قايسار رۋحى كىسىنى ءتانتى ەتىپ، ادامدى جەلپىندىرەدى، دىنگە سەنەتىن جۇرتشىلىقتىڭ ءىسلام ءدىنىنىڭ ادىلەتتىلىگى جونىندەگى سەنىمىن بەكەمدەدى؛ سونىمەن بىرگە دىنگە سەنبەيتىن جۇرتشىلىقتىڭ ءىسلام ءدىنىنىڭ جاۋھارىن دۇرىس تۇسىنۋىنە مۇمكىندىك جاسادى.
ءىستىڭ ءمان - جايى پاش بولعاندا وتىرىك - وسەكتىڭ كەيىپ - كەسپىرى تولىق اشىلادى؛ حالىق جۇرتشىلىعى اقيقاتتى يگەرگەندە، بۇكىل قوعامدا وراسان زور وڭ ەنەرگيا قالىپتاسادى. ءدىني ۇشقارى يدەيا بۇل ەنەرگيانىڭ لەبىنەن ۇرەيلەنەدى، جاۋلاردىڭ قاسكۇنەمدىگى حالىق بۇقاراسىنىڭ شالقار تەڭىزىندە تاس - تالقان بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
