- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىز شوعىرلى ۋاقىتتان باسقا ۋاقىتتا دەمالۋعا قولداۋ كورسەتۋ ارقىلى ساياحاتتىق تۇتىنۋعا سەرپىن بەرمەكشى
2015.08.12 14:48 كەلۋ قاينارى : حالىق تورابى
شينحۋا تورابى، 11 – تامىز، بەيجيڭ. ساياحاتتىق تۇتىنۋعا دەگەن قىزعىندىلىقتى ارتتىرىپ، ساياحاتتىق تۇتىنۋ كولەمىن ۇلعايتۋ ءۇشىن ەلىمىز جۇمىسشى – قىزمەتكەرلەردىڭ ەڭبەكاقىلى دەمالىس ءتۇزىمىن ىشكەرىلەي تياناقتاندىرۋ، قىزمەت جانە دەمالىس ۋاقىتىن يكەمدى ورنالاستىرۋ جانە شوعىرلى ۋاقىتتان باسقا ۋاقىتتا دەمالۋ قاتارلى ءۇش ءتۇرلى شارانى اتقارماقشى، سونىمەن بىرگە، ءارقايسى جەرلەر مەن ورىنداردىڭ «ءبىر شىبىقپەن ايداۋ» ءتاسىلىن قولدانباۋىن باسا دارىپتەدى.
11 – تامىزدا جاريالانعان «مەملەكەتتىك كەڭەس كەڭسەسىنىڭ ساياحاتقا قارجى قوسۋ مەن تۇتىنۋدى اناعۇرلىم ىلگەرىلەتۋ جونىندەگى ءبىرقانشا پىكىرىندە» مىنالار تالاپ ەتىلگەن: ءار دارەجەلى حالىق ۇكىمەتتەرى جۇمىسشى – قىزمەتكەرلەردىڭ ەڭبەكاقىلى دەمالىس ءتۇزىمىن كۇن تارتىپكە ەنگىزىپ، ەڭبەكاقىلى دەمالىس ءتۇزىمىن اتقارۋعا قاتىستى ناقتى شارالار مەن اتقارۋ جوسپارىن دايىنداۋى ءارى ونى ويداعىداي تياناقتاندىرۋى، جۇرتتى شوعىرلى ۋاقىتتان باسقا ۋاقىتتا دەمالۋعا ىنتالاندىرۋى كەرەك. مەملەكەت بويىنشا ءبىرتۇتاس مەرەكەلىك دەمالىستاردى تياناقتاندىرۋدى العى شارت ەتە وتىرىپ، ءارقايسى ورىندار مەن كاسىپورىندار وزدەرىنىڭ ءىس جۇزىندىك جاعدايىنا قاراي، ەڭبەكاقىلى دەمالىستى جەرگىلىكتى ءداستۇرلى مەرەكەلەرمەن، جەرگىلىكتى ەرەكشەلىككە يە ءىس – شارالارمەن ۇشتاستىرىپ، شوعىرلى ۋاقىتتان باسقا ۋاقىتتا دەمالۋعا ورنالاستىرۋى، دەمالىس ۋاقىتىن يكەمدى ورنالاستىرۋعا شابىتتاندىرۋى كەرەك. شارت – جاعدايى پىسىپ – جەتىلگەن ورىندار وزدەرىنىڭ ءىس جۇزىندىك جاعدايىنا قاراي، جازعى قىزمەت جانە دەمالىس ۋاقىتىن زاڭ بويىنشا ۇيلەسىمدى ورنالاستىرىپ، جۇمىسشى – قىزمەتكەرلەردىڭ جۇما كۇنى تۇستەن كەيىن جارىم كۇن مەن ەكى كۇندىك دەمالىستى قوسىپ، سىرتقا ساياحاتتاپ شىعۋىنا ءتيىمدى شارت – جاعداي جاراتۋى كەرەك.
مەملەكەتتىك ساياحات مەكەمەسى باستىعىنىڭ ورىنباسارى ۋ ۋەنشۋە 11 – تامىزدا شينحۋا اگەنتتىگى ءتىلشىسىنىڭ ارناۋلى سۇحباتىن قابىلداعاندا،بىلاي دەدى: دەمالىستى ۇتىمدى ورنالاستىرۋ بۇقارانىڭ كۇندەلىكتى تۇرمىسى مەن ءتول مۇددەسىنە ساياتىن ءىس. «ءبىرقانشا پىكىردە» دەمالىستى يكەمدى ورنالاستىرۋعا ىنتالاندىرۋ قاتارلى ءۇش ءتۇرلى شارانى ورتاعا قويۋداعى باستى ماقسات ــ ىنتالاندىرۋ ارقىلى شارت – جاعدايى پىسىپ – جەتىلگەن وڭىرلەردە شوعىرلى ۋاقىتتان باسقا ۋاقىتتا دەمالۋدى ىسكە اسىرىپ، جۇرتشىلىقتىڭ ءبىر ۋاقىتتا شوعىرلى ساياحاتتاۋىنىڭ الدىن الىپ، ساياحاتشىلارعا ساپالى ساياحات ورتاسىن جاراتىپ، ولاردى ريزا ەتىپ، ساياحاتتىق تۇتىنۋعا دەگەن قىزعىندىلىقتارىن ارتتىرۋ.
ۋ ۋەنشۋە مىنالاردى اتاپ كورسەتتى: جوعارىداعى شارالار ءىس ورىندارى مەن كاسىپورىنداردىڭ قالىپتى ءوندىرىسى مەن تيجاراتىنا ىقپال ەتپەۋ شارتى استىندا اتقارىلىپ، تۇرعىنداردىڭ شاشىراڭقى دەمالىس ۋاقىتىن شوعىرلاندىرىپ، ساياحاتتىق تۇتىنۋدىڭ كومەسكى قۋاتىن اشۋ، ساياحاتتىق تۇتىنۋدى ارتتىرۋ بولىپ تابىلادى. شوعىرلى ۋاقىتتان باسقا ۋاقىتتا دەمالۋ مەن قىزمەت جانە دەمالىس ۋاقىتىن يكەمدى ورنالاستىرۋ ماجبۇرلەۋ سيپاتىندىق ساياسات ەمەس، ول ىنتالاندىرۋ جانە ۇسىنىس سيپاتىندىق ساياسات، بۇكىل ەل بويىنشا «ءبىر شىبىقپەن ايداۋعا» دا كەلمەيدى، جەر – جەر، ءارقايسى ورىندار زاڭ – تۇزىمدەرگە قاتاڭ بويسىنۋ شارتىمەن، وزدەرىنىڭ ءىس جۇزىندىك جاعدايىنا قاراي ەرىكتى تۇردە اتقارسا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
