20 - كەزەكتى ورتالىق كوميتەت ءۇشىنشى جالپى ءماجىلىسىنىڭ قاراۋىنا ۇسىنىلاتىن قۇجاتتاردى تالقىلادى

شينحۋا اگەنتتىگى، 6 - ايدىڭ 27 ـ كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 6 - ايدىڭ 27 ـ كۇنى ءماجىلىس اشىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەسىن اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ءۇشىنشى جالپى ءماجىلىسىن 7 ـ ايدىڭ 15 ـ كۇنىنەن 18 ـ كۇنىنە دەيىن بەيجيڭدە اشۋدى ۇيعاردى.

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قارارى» نۇسقاسىنا پارتيا ءىشى - سىرتىندا بەلگىلى كولەمدە پىكىر الۋ جاعدايى جونىندەگى باياندامانى تىڭداپ، وسى رەتكى ماجىلىستە تالقىلانعان پىكىرلەرگە ساي وزگەرىس ەنگىزىلگەننەن كەيىن قۇجات نۇسقاسىن 20 - كەزەكتى ورتالىق كوميتەتتىڭ ءۇشىنشى جالپى ءماجىلىسىنىڭ قاراۋىنا ۇسىنۋدى ۇيعاردى.

ءماجىلىس مىنالاردى اتاپ كورسەتتى: وسى رەتكى پىكىر الۋدا پارتيا ىشىندەگى دەموكراتيا، كوپشىلىكتىڭ اقىل - پاراساتى تولىق ساۋلەلەندىرىلدى، ءارقايسى رايوندار، تاراۋلار جانە ءارقايسى جاقتار قاۋلى نۇسقانى تولىق تۇراقتاندىردى، قاۋلى نۇسقادا جۇڭگو ۇلگىسىندەگى وسىزامانداندىرۋدى ىلگەرىلەتۋدە ءدوپ كەلگەن جاڭا جاعداي، جاڭا ماسەلەلەرگە ىشكەرىلەي تالداۋ جاسالىپ، جۇڭگو ۇلگىسىندەگى وسىزامانداندىرۋدى توڭىرەكتەپ، رەفورمانى ونان ارى جاپپاي تەرەڭدەتۋدىڭ جالپى تۇلعالىق ورنالاستىرۋى عىلمي جوسپارلاندى، بۇل جاڭا جورىقتا رەفورمانى ونان ارى جاپپاي تەرەڭدەتۋگە جەتەكشىلىك ەتەتىن پروگراممالىق قۇجات بولىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ تاريحي ىرىقتىلىعىن، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋ بەرىك بەكىمىن تولىق بەينەلەدى دەپ قارادى.

ءماجىلىس مىنالاردى باسا دارىپتەدى: رەفورمانى اناعۇرلىم جاپپاي تەرەڭدەتۋدىڭ باس نىساناسى − جۇڭگوشا سوتسياليستىك ءتۇزىمدى ۇزدىكسىز كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ. 2035 - جىلعا بارعاندا، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن جاپپاي ورناتىپ، جۇڭگوشا سوتسياليستىك ءتۇزىمدى اناعۇرلىم كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى نەگىزىنەن جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا جاپپاي سوتسياليستىك وسىزاماندانعان قۇدىرەتتى ەل قۇرۋعا بەرىك نەگىز قالاۋ كەرەك.

ءماجىلىس مىنالاردى اتاپ كورسەتتى: رەفورمانى اناعۇرلىم جاپپاي تەرەڭدەتۋدە رەفورما جاساپ، ەسىك اشقاننان بەرگى، اسىرەسە، جاڭا داۋىردە رەفورمانى جاپپاي تەرەڭدەتۋدەگى قۇندى تاجىريبەلەردى قورىتىندىلاپ جانە ودان پايدالانىپ، مىناداي پرينسيپتەردى دايەكتىلەندىرۋ كەرەك: پارتيانىڭ جاپپاي باسشىلىعىندا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ جالپى جاعدايدى مەڭگەرۋ، ءار جاقتى سايكەستىرۋ سىندى باسشىلىق ۇيىتقىلىق رولىن ساۋلەلەندىرىپ، پارتيانىڭ باسشىلىعىن رەفورمانىڭ ءار جاعىنىڭ تۇتاس بارىسىنا ءسىڭىرۋ، رەفورمانىڭ باستان - اياق دۇرىس ساياسي بەتالىسپەن العا باسۋىنا شىنايى كەپىلدىك ەتۋ؛ حالىقتى وزەك ەتۋدە تاباندى بولىپ، حالىقتىڭ نەگىزگى تۇلعالىق ورنى مەن جاسامپازدىق رۋحىنا قۇرمەت ەتىپ، حالىقتىڭ قولداۋى مەن رەفورمانىڭ سايكەسىمدىلىگىندە تاباندى بولىپ، رەفورمانىڭ حالىق ءۇشىن جۇرگىزىلۋىن، رەفورمانىڭ حالىققا سۇيەنۋىن، رەفورمانىڭ جەتىستىكتەرىنەن حالىقتىڭ ورتاق يگىلىكتەنۋىن جۇزەگە اسىرۋ؛ دۇرىس جولدان تايماي جاڭالىق اشۋدا تاباندى بولىپ، جۇڭگوشا سوتسياليزمدە تاباندى بولۋدان اۋىتقىماي، ءداۋىردىڭ اياق الىسىنا تىعىز ىلەسىپ، امالياتتىڭ دامۋىنا سايكەسىپ، ماسەلەنى نىشان ەتۋدى كورنەكتىلەندىرىپ، جاڭا باستامادا نازاريادا، امالياتتا، تۇزىمدە، مادەنيەتتە جانە باسقا دا جاقتاردا جاڭالىق اشۋدى ىلگەرىلەتۋ؛ ءتۇزىم قۇرىلىسىن نەگىزگى جەلى ەتۋدە تاباندى بولىپ، جوعارى دەڭگەيدە جوبالاۋدى، جالپى تۇلعالىق جوسپارلاۋدى كۇشەيتىپ، كۇشىنەن قالدىرۋ مەن ورناتۋدى قاتار جۇرگىزىپ، الدىمەن ورناتىپ، ونان سوڭ كۇشىنەن قالدىرىپ، ءتۇبىرلى ءتۇزىمدى بەكەمدەپ، نەگىزگى ءتۇزىمدى كەمەلدەندىرىپ، ماڭىزدى تۇزىمدە جاڭالىق اشۋ؛ مەملەكەتتى جاپپاي زاڭمەن باسقارۋدا تاباندى بولىپ، زاڭمەن باسقارۋ ارناسىندا رەفورمانى تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتىپ، رەفورما مەن زاڭمەن باسقارۋدىڭ بىرلىگىن جۇزەگە اسىرىپ، كەلەلى رەفورمالاردىڭ زاڭدىق نەگىزى بولۋ، رەفورما جەتىستىكتەرىن دەر كەزىندە زاڭدىق تۇزىمگە اينالدىرۋ؛ جۇيەلى كوزقاراستا تاباندى بولىپ، ەكونوميكا مەن قوعام، ۇكىمەت پەن بازار، ونىمدىلىك پەن ادىلدىك، ومىرشەڭدىك پەن ءتارتىپ، دامۋ مەن حاۋىپسىزدىك سياقتى كەلەلى قاتىناستاردى ويداعىداي شەشىپ، رەفورمانىڭ جۇيەلىلىگىن، تۇتاس تۇلعالىعىن، سايكەسىمدىلىگىن كۇشەيتۋ كەرەك.

ءماجىلىس مىنالاردى باسا دارىپتەدى: پارتيانىڭ باسشىلىعى − رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ءتۇبىرلى كەپىلى. ءسوز جوق، پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ جونىندەگى ورتالىقتانعان ءبىر تۇتاس باسشىلىعىندا تاباندى بولىپ، پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتۋ وسكەلەڭ سانالىلىعىن ساقتاپ، رەفورما رۋحىمەن پارتيانى باسقارۋدا، پارتيانى جونگە سالۋدا تاباندى بولىپ، رەفورمانىڭ تياناقتانۋىن شەگە قاعۋ رۋحىمەن ويداعىداي يگەرىپ، رەفورمانى ونان ارى جاپپاي تەرەڭدەتۋ ستراتەگيالىق ورنالاستىرۋىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىنە اينالدىرۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى