مەكتەپ اۋلاسىنداعى ازىق – تۇلىك حاۋىپسىزدىگى قىزمەتىن كۇشەيتۋ جونىندە بازاردى باقىلاۋ – باسقارۋ باس مەكەمەسى اشىق تۇردە پىكىر قابىلدادى 

ءتىلشىنىڭ ۇعىسۋىنشا، ازىق – تۇلىك حاۋىپسىزدىگىنە ساياتىن ”ءتورتتى ەڭ قاتاڭ باسقارۋ“ تالابىنا ساي، بازاردى باقىلاۋ – باسقارۋ باس مەكەمەسى قاتىستى تاراۋلارمەن بىرگە «مەكتەپ اۋلاسىنداعى ازىق – تۇلىك حاۋىپسىزدىگى قىزمەتىن اناعۇرلىم كۇشەيتۋ جونىندەگى جەتەكشى پىكىردى (پىكىر الىناتىن نۇسقا)» (تومەندە «جەتەكشى پىكىر» دەپ قىسقارتىلىپ اتالادى) جاساپ، قوعامداعىلاردان اشىق تۇردە پىكىر قابىلدادى.

«جەتەكشى پىكىردە» مەكتەپ اۋلاسىنداعى ازىق – تۇلىك حاۋىپسىزدىگىن ءبىر – بىرلەپ تەكسەرۋ جانە جونگە سالۋ ارەكەتى بارىسىندا ءالى دە كورنەكتى ماسەلەلەردىڭ ءومىر ءسۇرىپ وتىرعانى بايقالعانىنا باعىتتاي وتىرىپ، مەكتەپ باستىعى (بالالار باقشاسىنىڭ باستىعى) جاۋاپتى بولۋ ءتۇزىمىن تياناقتاندىرۋ، اۋرۋ تاراتاتىن ورگانيزمدەردەن ساقتانۋدى كۇشەيتۋ، قايتالاي ىستەتىلەتىن اس – سۋ ىدىس – اياقتارىن ديزەنفەكسيالاپ پايدالانۋدى جۇيەگە ءتۇسىرۋ، مول مولشەردەگى ازىق – تۇلىك ماتەريالدارىن ساتىپ الۋدى جۇيەگە ءتۇسىرۋ، زات كىرگىزۋدى تەكسەرۋ – كارانتيندەۋ ءتۇزىمىن تياناقتاندىرۋدى كۇشەيتۋ، كوتەرەگە الىپ تيجارات ەتۋ ارەكەتىن باسقارۋدى قاتاڭداستىرۋ، مەكتەپ سىرتىنداعى ازىق – تۇلىكپەن قامدايتىن ورىنداردى باسقارۋدى كۇشەيتۋ، شۇعىل جاعدايدى ءبىرجاقتى ەتۋ قابىلەتىن كۇشەيتۋ قاتارلى 8 ءتۇرلى مازمۇن قامتىلعان. (باس ستانسيا ورتالىق تەلەۆيزيا ءتىلشىسى لي جيڭجيڭ)

كەلۋ قاينارى: حالىق تورابى