”ينتەرنەتتەگى بۇقارالىق لۋشيانمەن جاقسى ءجۇرۋ كەرەك“ (باس شۋجيدىڭ حالىققا ىنتا - ىقىلاسى)

بۇقارالىق لۋشيان − پارتيانىڭ جان تامىرى جانە ءتۇبىرلى قىزمەت لۋشيانى.

ينتەرنەت داۋىرىندە ينتەرنەت كەڭىستىگى بۇقارانىڭ وندىرىسىندەگى، تۇرمىسىنداعى جاڭا كەڭىستىككە، سونداي ـ اق بۇقارالىق قىزمەتتى جاقسى ىستەۋدىڭ، يدەيالىق ورتاق تانىمدى ۇيىستىرۋدىڭ جاڭا تۇعىرىنا اينالدى.

”ءار دارەجەلى پارتيا، ۇكىمەت ورگاندارى مەن باسشى كادرلار ينتەرنەت ارقىلى بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقارانى جەتەكتەۋ، بۇقاراعا قىزمەت وتەۋ قابىلەتىن جوعارىلاتۋى كەرەك“، ”ينتەرنەتتى بۇقارامەن بايلانىس جاسايتىن، پىكىر الماستىراتىن جاڭا تۇعىرعا، بۇقارانى ءتۇسىنۋدىڭ، بۇقارامەن ەتەنە بولۋدىڭ، بۇقارانىڭ مۇڭ - مۇقتاجىن شەشۋدىڭ جاڭا جولىنا، حالىق دەموكراتياسىن ساۋلەلەندىرۋدىڭ، حالىقتىڭ باقىلاۋىن قابىلداۋدىڭ جاڭا ارناسىنا اينالدىرۋ كەرەك“...

”ينتەرنەتتەگى بۇقارالىق لۋشيانمەن جاقسى ءجۇرۋدى“ باس شۋجي شي جينپيڭ قاشان دا ەسىنەن شىعارمادى.

ينتەرنەتتەگى بۇقارالىق لۋشيانمەن ويداعىداي ءجۇرۋ ءۇشىن، ەڭ اۋەلى، بۇقارالىق كوزقاراس پەن بۇقارالىق سۇيىسپەنشىلىكتى كۇشەيتىپ، بۇقارانى تۋىسىنداي كورۋ كەرەك.

2016 ـ جىلى 2 - ايدىڭ 19 ـ كۇنى باس شۋجي شي جينپيڭ حالىق گازەتى مەكەمەسىندە تەكسەرۋ ـ زەرتتەۋ جۇرگىزدى. كومپيۋتەردىڭ الدىندا وتىرعان باس شۋجي ميكروفونعا تۋرالانىپ ىقىلاسپەن: ”كوپشىلىك، سالەمەتسىزدەر مە! جۇڭحۋا ۇلتىنىڭ ءداستۇرلى مەرەكەسى − يۋانشياۋ مەرەكەسى قارساڭىندا، مەن كوپشىلىككە مەرەكەلىك سالەم جولدايمىن، كوپشىلىكتىڭ دەندەرىنىڭ ساۋ، قىزمەتتەرىنىڭ تابىستى، وتباسىلارىنىڭ باقىتتى بولۋىن تىلەيمىن!“ دەدى. وسىدان كەيىن باس شۋجي ءتىل تاقتاسىن ءوز قولىمەن باسىپ، سالەمنىڭ دىبىسىن جاريالادى.

كوپ وتپەي، ەكراننان كورىلدى، وقىلۋ مولشەرى كۇرت جوعارىلاپ، توراپتاستار ارت - ارتىنان ءسوز قالدىردى.

بۇقارادان شىعىپ، بۇقارا ىشىنە باردى، لەزدە كوسەم مەن حالىقتىڭ تىلەگى توعىسىپ، پارتيا مەن حالىقتىڭ تىلەگى ۇندەستىك تاپتى.

جۇرت تىلەگى − ەڭ ۇلكەن ساياسي. جىڭىشكە تور جەلىلەرى سان ميلليونداعان توراپكەرلەردىڭ جۇرەك ءۇنىن توعىستىردى.

2016 ـ جىلى 4 ـ ايدىڭ 19 ـ كۇنى ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ اتاپ كورسەتتى: ”ينتەرنەت قولدانۋشىلار بۇقارادان كەلگەن، بۇقارا ينتەرنەتكە شىقسا، حالىق تىلەگى دە ينتەرنەتكە شىعادى“. ”ءار دارەجەلى پارتيا، ۇكىمەت ورگاندارى مەن باسشى كادرلار ينتەرنەت ارقىلى بۇقارالىق لۋشيانمەن ءجۇرۋدى ۇيرەنىپ، ۇنەمى ينتەرنەتكە شىعىپ كورىپ، ارالاپ، اڭگىمەلەسىپ، ءۇن قاتىپ، بۇقارانىڭ ارمان ـ تىلەگىن ۇعىسىپ، جاقسى ويلاردى، جاقسى ۇسىنىستاردى جيناپ، ينتەرنەت قولدانۋشىلار نازار اۋدارىپ وتىرعان ماسەلەلەرگە بەلسەنە جاۋاپ قايتارىپ، كۇدىك ـ كۇماننان ارىلتۋى كەرەك“.

ينتەرنەتتەگى بۇقارالىق لۋشيانمەن ويداعىداي جۇرۋدە، ءسوز جوق، ينتەرنەتتەن پايدالانۋعا شەبەر بولىپ، حالىقتىڭ جاعدايىن، حالىقتىڭ تىلەگىن تىڭداپ، حالىقتىڭ كۇش - قۋاتىن، حالىقتىڭ اقىل - پاراساتىن شوعىرلاندىرۋ كەرەك.

كوكتەم مەرەكەسى تاياپ قالدى، جۇڭگونىڭ بايتاق دالاسى مەرەكەلىك تۇسكە ەندى. 2023 ـ جىلى 1 ـ ايدىڭ 18 ـ كۇنى باس شۋجي شي جينپيڭ حيلۇڭجياڭ، فۋجيان، شينجياڭ، حىنان، بەيجيڭ، سىچۋان سياقتى جەرلەردەگى نەگىزگى ساتى كادرلارىمەن، بۇقاراسىمەن بەينە ەكران ارقىلى سويلەستى.

”مەرەكە كەزىندە كوپشىلىك كەزەكتەسىپ دەمالا الا ما؟“ ”كوكتەم مەرەكەسى كەزىندە، سىزدەر ءوندىرىس حاۋىپسىزدىگىن قالاي يگەرىپ، گازبەن ورنىقتى قامداۋعا كەپىلدىك ەتپەكسىزدەر؟“ تارىم مۇناي الابى سەرىكتەستىگى بۇگۇر مۇناي ـ تابيعي گاز ساقتاۋ ـ تاسۋ ورتالىعى گازدى باتىستان شىعىسقا جەتكىزۋ 1 ـ بەكەتىنىڭ كىلا گاز شوعىرلاندىرۋ اۋماعىمەن جەلىدە سويلەسۋ بارىسىندا باس شۋجي شي جينپيڭ ەگجەي ـ تەگجەيلى سۇراستىرىپ، جۇمىس باسىنداعى قىزمەتكەرلەر ءبىر ـ بىردەن جاۋاپ بەردى.

كوپىر ۇلاسسا، تاۋ الىستىق ەتپەيدى. ينتەرنەت ارقىلى حالىق كوسەمى نەگىزگى ساتىدان كەلگەن بۇقارانىڭ شىنايى ءۇنىن ەستىدى.

باس شۋجي شي جينپيڭ بىلاي دەپ اتاپ كورسەتتى: ”ينتەرنەت سياقتى ءتۇرلى ارنالار ارقىلى حالىقتىڭ قاجەتىن بىلۋگە، حالىقتىڭ قامىن ويلاۋعا شەبەر بولىپ، حالىقتىڭ ۇنىنە اناعۇرلىم ويداعىداي قۇلاق اسىپ، حالىقتىڭ تىلەگىنە قۇرمەت ەتىپ، حالىقتىڭ تىلەگىنە ۇيلەسىپ، پارتيا مەن مەملەكەتتىڭ ءتۇرلى قىزمەتتەرىن اناعۇرلىم جاقسى ىستەۋ كەرەك“.

”14 ـ بەسجىلدىق“ جوبانى جاساۋدا ينتەرنەتتە پىكىر الىنىپ، ەلىمىزدىڭ 5 جىلدىق جوبانى جاساۋ تاريحىندا تۇڭعىش رەت ”ينتەرنەتتە اقىل ـ كەڭەس سۇراۋ“ ارناسى اشىلدى؛ پارتيا 20 ـ قۇرىلتايىنىڭ قاتىستى قىزمەت تورىندا پىكىر الۋ قيمىلىندا جيىنى 8 ميلليون 542 مىڭ ءتۇرلى پىكىر ـ ۇسىنىس جينالىپ، قالدىرىلعان ءسوز 290 ميلليون ارىپتەن استى... حالىق تىلەگى كەڭىنەن تىڭدالىپ، حالىقتىڭ اقىل - پاراساتى ءونىمدى تۇردە شوعىرلانىپ، ينتەرنەتتەگى بۇقارالىق لۋشيانمەن ويداعىداي ءجۇرۋ بارىسىندا جالپى بارىستىق حالىق دەموكراتياسى دا امالياتتا ايگىلەندى.

باس شۋجي شي جينپيڭ بىلاي دەپ اتاپ كورسەتتى: ”پارتيانىڭ مەملەكەتتىك قۇرىلتايىنا قاتىستى قىزمەتتەردى ارقاۋ ەتە وتىرىپ ينتەرنەتتە پىكىر الۋ − بۇكىل پارتيانىڭ، بۇكىل قوعامنىڭ مەملەكەتتىڭ دامۋىنا، ۇلتتىڭ گۇلدەنۋىنە اقىل - كەڭەس بەرۋدەگى ءبىر ءتۇرلى ءونىمدى ءتاسىلى ءارى جالپى بارىستىق حالىق دەموكراتياسىنىڭ جاندى بەينەسى“.

ينتەرنەتتەگى بۇقارالىق لۋشيانمەن ويداعىداي ءجۇرۋ ءۇشىن، ءسوز جوق، حالىق ءۇشىن دامۋدا تاباندى بولىپ، قالىڭ بۇقارانى ينتەرنەت دامۋىنىڭ مول جەتىستىكتەرىنەن بىرگە يگىلىكتەندىرۋ كەرەك.

2000 - جىلى فۋجيان ولكەسىنىڭ باستىعى بولىپ تۇرعان شي جينپيڭ جولداس بولاشاقتى كوزدە ۇستاپ، ”سيفرلى فۋجيان“ قۇرۋدى العا قويدى. شي جينپيڭ جولداس دوڭ ايباتقا سالىنباي، ءسان - سالتاناتقا بەرىلمەي، ”تورتكە جاناسۋدى“ تىڭعىلىقتى ورىنداپ، بۇقارانى شىن مانىندە ينفورماتسيالانعان قىزمەت وتەۋمە قامداۋدى تالاپ ەتكەن بولاتىن.

جىلدار جىلجىپ وتسە دە، اۋەلگى ماقساتتان اينىمادى. اۋمالى - توكپەلى ينتەرنەت تەحنيكاسى وزگەرىسىنە سايكەسكەن باس شۋجي شي جينپيڭ باستان - اياق حالىقتى ەڭ جوعارى ورىنعا قويىپ، ”سان ميلليونداعان حالىقتى ينتەرنەتتىڭ دامۋ جەتىستىكتەرىنەن بىرگە يگىلىكتەنۋ جاعىندا اناعۇرلىم كوپ تابىس سەزىمىنە كەنەلتۋگە“ قۇلشىندى.

باس شۋجي شي جينپيڭ بىلاي دەپ باسا دارىپتەدى: ”ينتەرنەت حاۋىپسىزدىگى جانە ينفورماتسيالاندىرۋ ىستەرىن دامىتۋدا، ءسوز جوق، حالىقتى وزەك ەتكەن دامۋ يدەياسىن دايەكتىلەندىرۋ كەرەك“.

سوڭعى جىلدارى ينتەرنەتتىڭ دامۋى حالىق بۇقاراسىنىڭ تۇرمىسىنا ءار قىرىنان باقىت اكەلدى: ءبىرقىدىرۋ تاڭداۋلى جاڭا اقپارات قۇرالدارى تۋىندىلارى ينتەرنەتتە كەڭىنەن تارالىپ، ينتەرنەتتىڭ وڭ ەنەرگياسى قۋاتتى بولىپ، نەگىزگى اۋەندى اسقاقتاتتى؛ سيفرلى اۋىل - قىستاق قۇرىلىسى تىڭعىلىقتى ىلگەرىلەپ، ينتەرنەتتىڭ دامۋى بارعان سايىن جالپىعا ءتيىمدى، سيىسىمدى بولا ءتۇستى؛ سيفرلى ەكونوميكا قاۋىرت دامىپ، ينتەرنەتتەگى بولشەك ساتۋ سوماسى دۇنيە ءجۇزى بويىنشا ءبىرىنشى ورىندا تۇردى...

باس شۋجي شي جينپيڭنىڭ ينتەرنەتتە قۋاتتى ەل بولۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، ينتەرنەت – ينفورماتسيا ىستەرى حالىق ءۇشىن بولۋدا تاباندى بولىپ، ينتەرنەتتە قۋاتتى ەل قۇرۋ اياق الىسىن نىق قاداممەن ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

كەلۋ قاينارى: حالىق تورابى