شي جينپيڭ اۆستراليانىڭ جاڭادان تاعايىندالعان گۋبەرناتورى موستينگە قۇتتىقتاۋ تەلەگرامماسىن جولدادى

شينحۋا اگەنتتىگى، 7 ـ ايدىڭ 1 ـ كۇنى، بەيجيڭ. 7 ـ ايدىڭ 1 ـ كۇنى مەملەكەت ءتوراعاسى شي جينپيڭ سامانسا موستينگە تەلەگرامما جولداپ، ونىڭ اۆستراليانىڭ گۋبەرناتورى بولىپ تاعايىندالعانىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن اۆستراليا − ماڭىزدى سەلبەستىك سەرىكتەرى، ازيا ـ تىنىق مۇحيت وڭىرىندەگى ماڭىزدى مۇشەلەر جانە دۇنيە ءجۇزىنىڭ كوپ ۇيەكتەنۋى بارىسىنداعى ماڭىزدى كۇشتەر. اقاۋسىز، ورنىقتى دامىعان جۇڭگو ـ اۆستراليا قارىم - قاتىناسى ەكى ەل مەن ەكى ەل حالىقتارىنىڭ ءتۇبىرلى جانە ۇزاق بولاشاقتىق مۇددەسىنە ۇيلەسەدى، سونداي ـ اق ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە ءتيىمدى. مەن جۇڭگو - اۆستراليا قارىم - قاتىناسىنىڭ دامۋىنا ايرىقشا ءمان بەرەمىن، اۆستراليا جاقپەن بىرگە قۇلشىنىپ، ءوزارا قۇرمەت ەتۋ، ءوزارا تيىمدىلىك جاساپ، تەڭ يگىلىكتەنۋ، پارىقتاردى ساقتاپ، ورتاقتىققا ۇمتىلۋ پرينسيبى بويىنشا، جۇڭگو مەن اۆستراليانىڭ اناعۇرلىم پىسىپ - جەتىلگەن، ورنىقتى، اناعۇرلىم ناتيجەلى جالپى بەتتىك ستراتەگيالىق سەرىكتەستىك قارىم - قاتىناسىن ورناتۋدى ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايمىن.

كەلۋ قاينارى: حالىق تورابى