شي جينپيڭ شاڭحاي سەلبەستىك ۇيىمىنىڭ مەملەكەتتەردىڭ جاسىل دامۋ تالقى مىنبەسىنە قۇتتىقتاۋ حاتىن جولدادى

شينحۋا اگەنتتىگى، 7 - ايدىڭ 8 - كۇنى، بەيجيڭ. 7 - ايدىڭ 8 - كۇنى مەملەكەت ءتوراعاسى شي جينپيڭ شاڭحاي سەلبەستىك ۇيىمىنىڭ مەملەكەتتەردىڭ جاسىل دامۋ تالقى مىنبسرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: ەكولوگيالىق ورتانى قورعاۋ، جاسىل دامۋدى ىلگەرىلەتۋ − شاڭحاي سەلبەستىك ۇيىمىنا مۇشە ەلدەردىڭ ورتاق تانىمى. تاياۋ جىلداردان بەرى جۇڭگو تۇنىق سۋ، جاسىل تاۋ − باعالى بايلىق ۇستانىمىنان جازباي، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي ءجۇرىپ، كورىكتى جۇڭگو قۇرىلىسىندا دۇنيە ءجۇزىن جالت قاراتقان وراسان زور تابىستارعا قول جەتكىزدى. جۇڭگو جاق وسى رەتكى تالقى مىنبەسى ارقىلى ءار جاقپەن جاسىل دامۋ سالاسىنداعى اۋىس - كۇيىستى، سەلبەستىكتى كۇشەيتىپ، ءار ەلدىڭ ەكونوميكاسىنىڭ، قوعامىنىڭ باياندى دامۋىنا دەم بەرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋدى ءۇمىت ەتەدى.

شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى − جاڭاشا حالىقارالىق قارىم - قاتىناستىڭ جانە وڭىرلىك ىنتىماقتاستىقتىڭ ۇلگىسى. تاياۋدا جۇڭگو شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن ۇستىنە الدى. جۇڭگو جاق ءار جاقپەن بىرگە ”شاڭحاي رۋحىن“ ساۋلەلەندىرىپ، ىنتىماقتى، سەلبەستىكتى كۇشەيتىپ، جاسىل دامۋدى ىلگەرىلەتىپ، بىرگە دامۋدىڭ جاڭا تاراۋىن جازىپ، اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قول ۇستاسا قۇرۋدى قالايدى.

شاڭحاي سەلبەستىك ۇيىمىنىڭ مەملەكەتتەردىڭ جاسىل دامۋ تالقى مىنبەسى سول كۇنى شاندۇڭ ولكەسىنىڭ چيڭداۋ قالاسىندا اشىلدى، نەگىزگى تاقىرىبى: ”قول ۇستاسا جاسىل دامۋ، ادام مەن تابيعاتتىڭ جاراسىمدى قاتار ءومىر ءسۇرۋىن ىلگەرىلەتۋ“ بولدى، شاڭحاي سەلبەستىك ۇيىمى تاتۋ كورشىلىك، دوستىق سەلبەستىك كوميتەتى، ەكولوگيالىق ورتا مينيسترلىگى، شاندۇڭ ولكەلىك حالىق ۇكىمەتى، شاڭحاي سەلبەستىك ۇيىمى حاتشىلار باسقارماسى بىرلەسىپ ۇيىمداستىردى.

كەلۋ قاينارى: حالىق تورابى