شي جينپيڭ سولومون توپ ارالىنىڭ جاڭادان تاعايىندالعان گۋبەرناتورى كاپۋعا قۇتتىقتاۋ تەلەگرامماسىن جولدادى

شينحۋا اگەنتتىگى، 7 - ايدىڭ 8 - كۇنى، بەيجيڭ. 7 - ايدىڭ 8 - كۇنى مەملەكەت ءتوراعاسى شي جينپيڭ داۆيد تيۆا كاپۋعا تەلەگرامما جولداپ، ونىڭ سولومون توپ ارالىنىڭ گۋبەرناتورلىعىنا تاعايىندالعانىن قۇتتىقتادى.

شي جينپيڭ بىلاي دەپ اتاپ كورسەتتى: بيىل − جۇڭگو مەن سولومون توپ ارالىنىڭ ديپلوماتيالىق قارىم - قاتىناس ورناتقانىنىڭ 5 جىلدىعى. 5 جىلدان بەرى ەكى ەلدىڭ ساياسي ءوزارا سەنىمدىلىگى ۇزدىكسىز تەرەڭدەپ، ناقتى سەلبەستىگىندە سۇبەلى تابىستارعا قول جەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى تاباندىلىقپەن قولداپ، ەكى ەل حالىقتارىنا قۇت - ىرىس اكەلدى. مەن جۇڭگو - سولومون توپ ارالى قارىم - قاتىناسىنىڭ دامۋىنا ايرىقشا ءمان بەرەمىن، گۋبەرناتور مىرزامەن بىرگە قۇلشىنىپ، جۇڭگو مەن سولومون توپ ارالىنىڭ جاڭا داۋىردەگى جالپى بەتتىك ستراتەگيالىق ارىپتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايمىن.

كەلۋ قاينارى: حالىق تورابى