ەلىمىزدىڭ مەملەكەتتىك فۋتبول كومانداسىنىڭ ءوز الاڭىنداعى العاشقى جارىسىنىڭ ۋاقىتى بەلگىلەندى

شينحۋا اگەنتتىنىڭ 7 – ايدىڭ 18 – كۇنى بەيجيڭنەن بەرگەن حابارى. جۇڭگو فۋتبول بىرلەستىگىنىڭ 7 ـ ايدىڭ 18 ـ كۇنى بەرگەن حابارىنا قاراعاندا، حالىقارالىق فۋتبول بىرلەستىگىنىڭ 2026 ـ جىلعى دۇنيە جۇزىلىك فۋتبول ساۋىتىنا تالاسۋ جارىسىنىڭ ازيا رايونىنداعى تاڭداۋ جارىسىنىڭ 3 – كەزەڭىندەگى (18 مىقتى) جۇڭگو كومانداسىنىڭ ساۋد ارابياسىمەن كەزدەسۋى بيىل 9 – ايدىڭ 10 - كۇنى داليان قالاسىنىڭ سۋويۇيۋان فۋتبول الاڭىندا وتكىزىلەدى.

بۇل جارىس جۇڭگو كومانداسىنىڭ 18 مىقتىنىڭ كەزدەسۋىندەگى تۇڭعىش رەتكى ءوز مايدانىنداعى جارىسى، جۇڭگو مەملەكەتتىك فۋتبول كومانداسىنىڭ 2026 - جىلعى دۇنيە جۇزىلىك فۋتبول ساۋىتىنا تالاسۋ جارىسىنا جولداما الۋىنداعى شەشۋشى شايقاس.

ۇعىسۋعا قاراعاندا، داليان سۋويۇيۋان فۋتبول الاڭىن تاڭداۋدا مەملەكەتتىك كوماندانىڭ بارىپ - كەلۋ قولايلىلىعىن، كليمات شارت ـ جاعدايىن جانە دوپ جانكۇيەرلەرىنىڭ جارىستى تاماشالاۋىنىڭ قاجەتىن قامتىعان كوپ ءتۇرلى فاكتورلاردى ويلاستىرعان.

وتكەن كەزەكتەگى دۇنيە جۇزىلىك فۋتبول ساۋىتىنا تالاسۋ جارىسىنىڭ ازيا رايونىنداعى تاڭداۋ جارىسىنداعى 12 مىقتىنىڭ كەزدەسۋىندە مەملەكەتتىك فۋتبول كومانداسى ساۋد ارابياسى كومانداسىمەن تەڭ بولعان بولاتىن، بۇل دا مەملەكەتتىك فۋتبول كومانداسى ءۇشىن وسى رەتكى جارىسقا بەلگىلى پسيحيكالىق ۇپاي قوستى.

بۇدان سىرت، ەلىمىزدىڭ مەملەكەتتىك فۋتبول كومانداسى بيىل 9 – ايدىڭ 5 – كۇنى 18 مىقتىنىڭ كەزدەسۋى بويىنشا قوناق الاڭىندا جاپونيا كومانداسىمەن بەلدەسەدى.

كەلۋ قاينارى: حالىق تورابى