بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىكتى اداقتاۋ باستالدى 

حالىق گازەتىنىڭ ءتىلشىسى چاڭ چين 7 – ايدىڭ 28 – كۇنى بەيجيڭنەن حابارلايدى. جۋىردا، جاراتىلىستىق بايلىق مينيسترلىگى ۇقتىرۋ شىعارىپ، بۇكىل ەلىمىز كولەمىندە بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىكتى اداقتاۋ قىزمەتىن ورىستەتۋ جونىندە ورنالاستىرۋ جاساعان. وسى رەتكى اداقتاۋ كولەمى بۇكىل حالىقتىڭ مەنشىگىندەگى جەر، كەن، ورمان، جايىلىم، سازدىق، سۋ، تەڭىز – مۇحيت قاتارلى 7 ءتۇرلى جاراتىلىستىق بايلىققا جاتاتىن مال – مۇلىكتى قامتيدى، 2026 – جىلى 6 – ايعا دەيىن بۇكىلدەي ورىنداپ بولۋ جوسپارلانعان.

وسى رەتكى مال – مۇلىكتى اداقتاۋ بارىسىندا جاراتىلىستىق بايلىقتى انىقتاۋ – تەكسەرۋ، ۇقىعىن تۇراقتاندىرىپ تىزىمگە الۋ، دارەجەگە ءبولۋ، نەگىزدىك جەر باعاسى قاتارلى جەتىستىكتەردى توعىستىرۋ ارقىلى بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىكتىڭ ناقتى زات مولشەرىن انىقتاپ، قۇن مولشەرىن ەسەپتەپ، مال – مۇلىكتىڭ جاعدايىنا تولىق كوز جەتكىزەدى؛ جەردىڭ تەگىن تەكسەرۋ جانە جىلجىمايتىن مۇلىكتى تىزىمگە الۋ قاتارلى جەتىستىكتەرى نەگىزىندە، پايدالانۋ ۇقىعىنىڭ جاعدايىن بىرتىندەپ انىقتاپ، ناقتى زات مولشەرىنىڭ قاريتاسى، قۇن مولشەرىنىڭ قاريتاسى، مال – مۇلىك ۇقىعىنىڭ قاريتاسى قاتارلىلاردان قۇرام تاپقان مال – مۇلىكتىڭ ”ءبىر پارشا قاريتاسىن“ قالىپتاستىرىپ، ءتۇرلى نەگىزگى قاريتالار مەن نەگىزگى ساندى مالىمەتتەر قاجەتكە قاراي سايكەسە باسقارىلادى. بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىكتى اداقتاۋداعى ماقسات — بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىكتىڭ نەگىزگى جاعدايىن انىق مەڭگەرۋ، وسىلاي ىستەۋ جاراتىلىستىق بايلىققا جاتاتىن مال – مۇلىكتىڭ نەگىزىن بەكەمدەۋ، مەنشىكتەنۋشىلەردىڭ مەنشىك ۇقىعى مەن مۇددەسىن شىنايى قورعاۋ، مەملەكەت مەنشىگىندەگى جاراتىلىستىق بايلىققا جاتاتىن مال – مۇلىكتى باسقارۋ جاعدايى تۋرالى ارناۋلى مالىمەتكە قىزمەت وتەۋ جانە بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىككە قاتىستى قارىزدانۋ جاعدايىنىڭ كەستەسىن جاساۋ قاتارلى قىزمەتتەردى ورىستەتۋگە، بۇكىل حالىقتىڭ مەنشىگىندەگى جاراتىلىستىق بايلىققا جاتاتىن مال – مۇلىكتى مەنشىكتەنۋشىلەردىڭ قىزمەتتىك جاۋاپكەرشىلىگىنە اناعۇرلىم تىرەك ازىرلەۋگە ءتيىمدى.

كەلۋ قاينارى: حالىق تورابى