ەلىمىز دۇنيە ءجۇزى بويىنشا كولەمى ەڭ زور جەر سىلكىنىسى تۋرالى دابىل قاعۋ تورىن قۇرىپ شىقتى 

حالىق گازەتىنىڭ ءتىلشىسى يۇي سىنان 7 – ايدىڭ 27 – كۇنى بەيجيڭنەن حابارلايدى. ءتىلشىنىڭ 7 – ايدىڭ 26 – كۇنى شۇعىل جاعدايعا توتەپ بەرۋدى باسقارۋ مينيسترلىگىنىڭ جۇڭگو جەر سىلكىنىسى مەكەمەسى وتكىزگەن اقپار جاريالاۋ ماجىلىسىنەن ۇعىسۋىنشا، مەملەكەتتىك جەر سىلكىنىسى تۋرالى دابىل قاعۋ ينجەنەرياسى 7 – ايدىڭ 25 – كۇنى اياقتاپ، تەكسەرىپ وتكىزىپ الۋ قىزمەتى ورىندالعان، بۇل ەلىمىزدىڭ مەملەكەتتىك دەڭگەيدەگى جەر سىلكىنىسى تۋرالى دابىل قاعۋ ينجەنەرياسىنىڭ جاپپاي ورىندالعانىن، قوعامدى جەر سىلكىنىسى تۋرالى دابىل قاعۋ جانە سىلكىنىس كۇشىن تەز حابارلاۋ قىزمەتىمەن قامدايتىنىن كورسەتەدى.

مەملەكەتتىك جەر سىلكىنىسى تۋرالى دابىل قاعۋ ينجەنەرياسى نىسانى بويىنشا 15899 ورىندا باقىلاۋ پۋنكتى سالىنىپ، دۇنيە ءجۇزى بويىنشا كولەمى ەڭ زور جەر سىلكىنىسى تۋرالى دابىل قاعۋ تورى قۇرىلعان. جەر سىلكىنىسى تۋرالى دابىل قاعۋ جانە سىلكىنىس كۇشىن تەز حابارلاۋ جاعىندا، ەلىمىزدىڭ سولتۇستىك جۇڭگو، شىعىس وڭتۇستىكتەگى تەڭىز جاعالاۋى، وڭتۇستىك – سولتۇستىك جەر سىلكىنىسى بەلدەۋى، شينجياڭداعى تيانشان تاۋىنىڭ ورتا بولىگى، شيزاڭداعى لحاسانىڭ توڭىرەگى قاتارلى 5 ءتۇيىندى دابىل قاعۋ ءوڭىرى جەر سىلكىنىسىنەن سەكۋندتىق دارەجەدە دابىل قاعۋ قۋاتىنا يە بولدى، بۇكىل ەلىمىز سىلكىنىس كۇشى تۋرالى مينۋتتىق دارەجەدە تەز مالىمەت بەرۋ قۋاتىنا يە بولدى.

جۇرتشىلىق پەن قاتىستى سالالاردىڭ جەر سىلكىنىسى تۋرالى دابىلدى قابىلداۋىنا قولايلىلىق جاراتۋ ءۇشىن، 2018 – جىلى مەملەكەتتىك جەر سىلكىنىسى تۋرالى دابىل قاعۋ ينجەنەرياسى اتقارىلعاننان بەرى تەمىر جول، قۇبىر تورى، يادرولىق ەلەكتر ستانسياسى، وتىندىق گاز قاتارلى سالالارعا تۇتاستىرىلىپ، تەلەۆيزور، اۋىل – قىستاقتاعى داۋىس زورايتقىش، IPTV قاتارلى شۇعىل جاعدايعا توتەپ بەرۋدە قولدانىلاتىن راديولىق تاراتىلىمدى سىناق ەتۋ تۇيىندەرىنە دەيىن كەڭەيتىلىپ، ۋيشين، جىفۋباۋ قاتارلى الەۋمەتتىك جىلجىمالى تەكشەلەردەگى قولدانىلمالى قىزمەت وتەۋ ارنالارىمەن بايىتىلىپ، ءجۇز ميلليوندىق دارەجەدەگى قامتىلىمعا، سەكۋندتىق دارەجەدەگى جەتكىزىلىمگە يە كەڭ كولەمدى، جەدەل قىزمەت وتەۋ قۋاتىنا يە بولدى.

كەلۋ قاينارى: حالىق تورابى