شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ جاڭادان تاعايىندالعان باس شۋجيى سۋلينگە قۇتتىقتاۋ تەلەگرامماسىن جولدادى

شينحۋا اگەنتتىگى، 8 - ايدىڭ 3 - كۇنى، بەيجيڭ. 8 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ سۋلينگە تەلەگرامما جولداپ، ونىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعاندىعىن قۇتتىقتادى.

شي جينپيڭ قۇتتىقتاۋ تەلەگرامماسىندا بىلاي دەدى: ءسىزدىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعاندىعىڭىزدان قۋانا حابار تاپتىم، مەن جۇڭگو كوممۋنيستىك پارتياسى ورتالىق كوميتەتى اتىنان ءارى ءوز اتىمنان ءسىزدى قىزۋ قۇتتىقتايمىن.

جۋىق جىلداردان بەرى ۆيەتنام كوممۋنيستىك پارتياسى 13 - قۇرىلتاي قارار رۋحىن دايەكتىلەندىرىپ، تياناقتاندىرىپ، پارتيانىڭ ءوز قۇرىلىسىن ىشكەرىلەي ىلگەرىلەتىپ، سوتسياليستىك قۇرىلىس جانە جاڭالىق اشۋ، ەسىك اشۋ ىستەرىن ىلگەرىلەتۋدە جاڭا تابىستارعا قول جەتكىزدى. ءبىز ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ۆيەتنام بۇكىل پارتياسى مەن بۇكىل ەل حالقىنىڭ ۆيەتنام كوممۋنيستىك پارتياسى 13 - قۇرىلتايىندا العا قويىلعان نىسانا - مىندەتتەردى جەڭىسپەن ورىنداپ، 14 - قۇرىلتايدىڭ دايىندىق قىزمەتىن ورنىقتى ىلگەرىلەتىپ، پارتيا قۇرۋدىڭ، مەملەكەت قۇرۋدىڭ ”ەكى 100 جىلدىق“ نىساناسىنا ۇزدىكسىز قادام تاستايتىنىنا سەنەمىز.

جۇڭگو مەن ۆيەتنام − تاۋ - وزەنى تۇتاسقان سوتسياليستىك دوس كورشى ەلدەر. بىلتىر 12 - ايدا مەن ۆيەتنامدا مەملەكەتتىك ساپاردا بولىپ، ەكى جاق ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، ەكى پارتيا، ەكى ەل قارىم - قاتىناسىنىڭ جاڭا ساپارىن، جاڭا پاراعىن اشتىق. مەن باس شۋجي سۋلين جولداسپەن بىرگە جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا جەتەكشىلىك ەتىپ، ءداستۇرلى دوستىقتى بىرگە ساۋلەلەندىرىپ، ساياسي ءوزارا سەنىمدىلىكتى بەكەمدەپ، ستراتەگيالىق تىلدەسۋدى تەرەڭدەتىپ، ناقتى ىستەر سەلبەستىگىن ىلگەرىلەتىپ، ەكى ەل حالىقتارىنا اناعۇرلىم كوپ ىرىس - قۇت اكەلىپ، ادامزاتتىڭ بەيبىتشىلىگى مەن العا باسۋ ىستەرىنە بەلسەندى ۇلەس قوسۋدى قالايمىن.

ءسىزدىڭ مارتەبەلى قىزمەت ورنىڭىزدا تىڭ تابىستارعا قول جەتكىزۋىڭىزدى تىلەيمىن!

كەلۋ قاينارى: حالىق تورابى