جۇڭحۋا ۇلتىنىڭ مادەنيەت جاۋھارى مەن جاراتىلىستىق اسىل قازىناسىن ويداعىداي قورعاپ، مادەنيەت پەن جاراتىلىستىق مۇرالاردىڭ جاڭا داۋىردە جاڭا ومىرشەڭدىك كۇشىن تاسقىنداتىپ، جاڭا شۇعىلا شاشۋىنا مۇمكىندىك جاساۋ كەرەك

شينحۋا اگەنتتىگى، 8 - ايدىڭ 6 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا مادەنيەت جانە جاراتىلىستىق مۇرالاردى قورعاۋ، جالعاستىرۋ، پايدالانۋ قىزمەتىن كۇشەيتۋ جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: ”بەيجيڭنىڭ ورتا ءوس سىزىعى − جۇڭگونىڭ كوڭىلدەگىدەي قالا ءتارتىبىنىڭ تاڭداۋلى تۋىندىسى“ جانە ”بادانجيلين ءشولى − شاشان كول شوعىرى“، ”جۇڭگونىڭ حۋاڭحاي (بوحاي) تەڭىزى قۇس مەكەنى (2 - مەرزىم)“ «دۇنيە جۇزىلىك مۇرالار تىزىمدىگىنە» ءساتتى ەنگىزىلدى، بۇل زاتتىق وركەنيەت پەن رۋحاني وركەنيەت ءوزارا سايكەسكەن، ادام مەن تابيعات جاراسىمدى قاتار ءومىر سۇرگەن جۇڭگو ۇلگىسىندەگى وسىزامانداندىرۋ قۇرىلىسىندا بەلسەندى مانگە يە، دۇنيە جۇزىلىك وركەنيەت باقشاسىنا كورىك قوسادى.

شي جينپيڭ بىلاي دەپ باسا دارىپتەدى: وسى رەتكى ءوتىنىش بەرۋدىڭ ءساتتى بولۋىن وراي ەتىپ، مادەنيەت جانە جاراتىلىستىق مۇرالاردىڭ جالپىلىق، جۇيەلى قورعالۋىن ونان ارى كۇشەيتىپ، مۇرانى قورعاۋ قابىلەتى مەن ورەسىن شىنايى جوعارىلاتىپ، جۇڭحۋا ۇلتىنىڭ مادەنيەت جاۋھارى مەن جاراتىلىستىق اسىل قازىناسىن ويداعىداي قورعاۋ كەرەك. مادەنيەت جانە جاراتىلىستىق مۇرالارعا مۇراگەرلىك ەتۋ، ودان پايدالانۋ قىزمەتىن ۇزدىكسىز كۇشەيتىپ، ونىڭ جاڭا داۋىردە جاڭا ومىرشەڭدىك كۇشىن جالىنداتىپ، جاڭا شۇعىلا شاشۋىنا مۇمكىندىك جاساپ، حالىق بۇقاراسىنىڭ تاماشا تۇرمىس قاجەتىن اناعۇرلىم ويداعىداي قاناعاتتاندىرۋ كەرەك. مادەنيەت جانە جاراتىلىستىق مۇرا سالاسىنداعى حالىقارالىق اۋىس - كۇيىستى، سەلبەستىكتى كۇشەيتىپ، ءىس جۇزىندىك ارەكەت ارقىلى دۇنيە جۇزىلىك وركەنيەت باستاماسىن امالياتتا ايگىلەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.

بىرنەشە كۇننىڭ الدىندا ءۇندىستاننىڭ جاڭا دەليىندە وتكىزىلگەن بىرلەسكەن مەملەكەتتەر ۇيىمى وقۋ - اعارتۋ، مادەنيەت ۇيىمىنىڭ 46 - كەزەكتى دۇنيە جۇزىلىك مۇراعات ءماجىلىسى قارار ماقۇلداپ، ەلىمىزدىڭ دۇنيە جۇزىلىك مادەني مۇراعاتتارعا كورسەتكەن نىساندارى ”بەيجيڭنىڭ ورتا ءوس سىزىعى − جۇڭگونىڭ كوڭىلدەگىدەي قالا ءتارتىبىنىڭ تاڭداۋلى تۋىندىسىن“ جانە ”بادانجيلين ءشولى − شاشان كول شوعىرىن“، ”جۇڭگونىڭ حۋاڭحاي (بوحاي) تەڭىزى قۇس مەكەنىن (2 - مەرزىم)“ «دۇنيە جۇزىلىك مۇراعاتتار تىزىمدىگىنە» ەنگىزدى. سونىمەن ەلىمىزدەگى دۇنيە جۇزىلىك مۇرالاردىڭ جالپى سانى 59 تۇرگە جەتىپ، دۇنيە ءجۇزى بويىنشا الدىڭعى قاتارعا ءوتتى.

كەلۋ قاينارى: حالىق تورابى