شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋلينمەن كەڭەس وتكىزدى

8 - ايدىڭ 19 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋلينمەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان سۋلينمەن جانە حانىمى ۋ فاڭليمەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

8 - ايدىڭ 19 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋلينمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا سۋليندى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

8 - ايدىڭ 19 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋلينمەن كەڭەس وتكىزدى. سۋرەتتە: شي جينپيڭ سۋلينمەن شاعىن كولەمدە شاي ىشە وتىرىپ اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگى، 8 - ايدىڭ 19 – كۇنى، بەيجيڭ. 8 - ايدىڭ 19 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن كەڭەس وتكىزدى.

شي جينپيڭ سۋليننىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيلىگىنە سايلانعاندىعىن تاعى ءبىر رەت قۇتتىقتادى. شي جينپيڭ بىلاي دەپ اتاپ كورسەتتى: ءسىزدىڭ باس شۋجي بولىپ مىندەتكە وتىرعاننان كەيىنگى العاشقى ساپاردا جۇڭگوعا كەلۋىڭىز ەكى پارتيانىڭ، ەكى ەلدىڭ قارىم - قاتىناسىنا ايرىقشا ءمان بەرەتىندىگىڭىزدى ءارى جۇڭگو - ۆيەتنام قارىم - قاتىناسىنىڭ جوعارى دەڭگەيى مەن ستراتەگيالىق سيپاتىن ايگىلەدى. ورتاق مۇرات - سەنىم جۇڭگو - ۆيەتنام ەكى پارتياسىنىڭ ۇرپاقتان - ۇرپاققا جالعاسقان قىزىل گەنى بولىپ، ”ۆيەتنام - جۇڭگو دوستىعى تەرەڭ، جولداس ۇستىنە باۋىرلاس“ دەيتىن ءداستۇرلى دوستىقتى قالىپتاستىردى. بۇگىنگى دۇنيە جۇزىندەگى ەكى بيلىكتى كوممۋنيستىك پارتيا رەتىندە جۇڭگو - ۆيەتنام ەكى پارتياسى دوستىق اۋەلگى ماقساتىن ۇستانىپ، ءداستۇرلى دوستىقتى جالعاستىرىپ، ورتاق بورىشتى ەستە بەرىك ساقتاپ، كوممۋنيستىك پارتيانىڭ باسشىلىعى مەن سوتسياليستىك تۇزىمگە تاباندى بولىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىن ۇزدىكسىز تەرەڭدەتىپ، دۇنيە ءجۇزى سوتسياليزم ىستەرىنىڭ دامۋىن بىرگە جەبەۋى كەرەك. مەن سۋلين جولداسپەن تاماشا قىزمەت قاتىناسىن جانە جەكە دوستىق ورناتىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا بىرگە جەتەكشىلىك ەتۋدى قالايمىن.

شي جينپيڭ بىلاي دەپ اتاپ كورسەتتى: دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى الدىندا، جۇڭگو مەن ۆيەتنام ەكونوميكانىڭ جىلدام دامۋىن جانە قوعامنىڭ ۇزاق ۋاقىت ورنىقتىلىعىن ساقتاپ، سوتسياليستىك ءتۇزىمنىڭ ارتىقشىلىعى مەن سوتسياليزم ىستەرىنىڭ ومىرشەڭدىك كۇشىن ايگىلەدى. جۇڭگو جاق ۆيەتنامدى توڭىرەكتىك ديپلوماتيانىڭ الدىمەن ەسكەرەتىن باعىتى ەتىپ، ۆيەتنامنىڭ پارتيانىڭ باسشىلىعىنا تاباندى بولىپ، ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ءجۇرىپ، جاڭالىق اشۋ، ەسىك اشۋ جانە سوتسياليستىك وسىزامانداندىرۋ ىستەرىن ىشكەرىلەي ىلگەرىلەتۋىن قولدايدى. ءوز ەلدەرىنىڭ دامۋىنىڭ، گۇلدەنۋىنىڭ شەشۋشى مەزگىلىندە جۇڭگو مەن ۆيەتنام تاعدىرلاس ورتاق تۇلعا قۇرىلىسىنىڭ بەتالىسىن ءدال يگەرىپ، ساياسي ءوزارا سەنىمدىلىگى اناعۇرلىم جوعارى، حاۋىپسىزدىك سەلبەستىگى اناعۇرلىم شىنايى، ناقتى سەلبەستىگى اناعۇرلىم تەرەڭ، حالىق رايى نەگىزى اناعۇرلىم بەرىك، كوپ جاقتى سايكەسۋى اناعۇرلىم تىعىز، الاۋىزدىقتاردى باسقارىپ - تىزگىندەپ شەشۋى اناعۇرلىم جاقسى بولۋ سىندى ”التى اناعۇرلىم“ دامۋ ارناسىن بەكەمدەۋى كەرەك. جۇڭگو جاق ۆيەتنام جاقپەن تىعىز ستراتەگيالىق قارىم - قاتىناستى جانە جوعارى جىكتەگىلەردىڭ بارىس - كەلىسىن ساقتاپ، ءبىر - ءبىرىن تاباندىلىقپەن قولداپ، ”ءبىر بەلدەۋ، ءبىر جولدى“ بىرگە قۇرۋ باستاماسى مەن ”ەكى ءدالىز، ءبىر شەڭبەر“ جۇلگەسىن ۇشتاستىرۋدى، سەلبەسۋدى كەڭەيتۋ جونىندە بەلسەنە ىزدەنىس جاساپ، تەمىر جول، جوعارى قارقىندىق تاس جول، شەكارا وتكەلى نەگىزدىك قۇرىلعىلارىنىڭ ”قاتتى تۇتاسۋىن“ جەدەل ىلگەرىلەتىپ، زەردەلى كەدەننىڭ ”جۇمساق تۇتاسۋىن“ كۇشەيتىپ، حاۋىپسىز، ورنىقتى كاسىپ سالاسى تىزبەگىن، قامداۋ تىزبەگىن قول ۇستاسا تۇلعالاۋدى قالايدى. كەلەر جىلى جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتاۋدى وراي ەتىپ، ”جۇڭگو - ۆيەتنام گۋمانيتارلىق اۋىس - كۇيىس جىلى“ سياقتى جەلىلەس قيمىلداردى بىرگە ويداعىداي وتكىزىپ، ەكى ەلدىڭ حالىق تىلەگىنىڭ نەگىزىن بەكەمدەۋ كەرەك. ەكى جاق بەيبىت قاتار تۇرۋدىڭ بەس پرينسيبى سياقتى حالىقارالىق قارىم - قاتىناستىڭ نەگىزگى ولشەمىن ۇستانىپ، دۇنيە ءجۇزىنىڭ تەڭ، بارابار كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن ىلگەرىلەتىپ، حالىقارالىق ادىلدىكتى، تۋراشىلدىقتى جانە وركەندەپ كەلە جاتقان ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.

شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ قاتىستى جاعدايلارىن تانىستىرا كەلىپ، بىلاي دەپ باسا دارىپتەدى: جۇڭگونىڭ رەفورمانى ونان ارى جاپپاي تەرەڭدەتۋى، جوعارى دەڭگەيدە سىرتقا ەسىك اشۋدى ىلگەرىلەتۋ ۆيەتنامدى قامتىعان ءار ەلدىڭ دامۋىنا جاڭا قوزعاۋشى كۇش، جاڭا وراي اكەلەدى. جۇڭگو جاق ۆيەتنام جاقپەن پارتيانى باسقارۋ، ەل باسقارۋ تاجىريبەلەرىن اۋىستىرۋدى تەرەڭدەتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن بىرگە جوعارىلاتىپ، وسىزاماندانۋعا بىرگە قادام تاستاۋدى قالايدى.

سۋلين مىنالاردى ءبىلدىردى: مەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رەتىندە جۇڭگوعا تۇڭعىش رەت ساپارلاي كەلدىم، بۇل ۆيەتنام پارتياسى مەن ۇكىمەتىنىڭ جۇڭگومەن قارىم - قاتىناستى دامىتۋعا باستان - اياق ءمان بەرىپ كەلە جاتقان مايدانىن، جۇڭگونى ۆيەتنامنىڭ سىرتقى ساياساتىنىڭ ستراتەگيالىق تالعامى جانە ماڭداي الدى ورنى ەتۋىن تولىق ايگىلەدى. ۆيەتنام پارتياسى مەن ۇكىمەتى رۋان فۋجۇڭ جولداستىڭ مۇراتىنا مۇراگەرلىك ەتىپ، كوممۋنيستىك پارتيانىڭ باسشىلىعىنا تاباندى بولىپ، سوتسياليزم جولىنا تاباندى بولىپ، ەكى ەلدىڭ اعا بۋىن باسشىلارى، اسىرەسە، باس شۋجي رۋان فۋجۇڭ مەن باس شۋجي شي جينپيڭ بىرگە بەلگىلەگەن جولمەن تاباندىلىقپەن العا باسىپ، ”التى اناعۇرلىم“ جالپى تۇلعالىق نىساناسى بويىنشا ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتىپ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرۋدى ىلگەرىلەتەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ باسشىلىعىندا، جۇڭگو جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى بەلگىلەگەن بارلىق رەفورما مىندەتتەرىن جەڭىسپەن ورىنداپ، وراسان زور دامۋ جەتىستىكتەرىنە قول جەتكىزىپ، حالىقارالىق ورنى مەن ىقپالى كۇن سايىن جوعارىلاپ، دۇنيە ءجۇزىنىڭ بەيبىتشىلىگى مەن دامۋىنا، سونداي - اق بۇكىل ادامزاتتىڭ العا باسۋىنا ماڭىزدى ۇلەس قوستى. ۆيەتنام جاق جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ءساتتى اشىلعاندىعىن، رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا عاسىرىن باستاعاندىعىن قۇتتىقتايدى. باس شۋجي شي جينپيڭنىڭ باسشىلىعىندا، جۇڭگونىڭ ەكىنشى 100 جىلدىق كۇرەس نىساناسىن، ءسوز جوق، جەڭىسپەن جۇزەگە اسىرىپ، جاپپاي سوتسياليستىك وسىزاماندانعان قۇدىرەتتى ەل قۇراتىندىعىنا سەنەمىن. ۆيەتنام جاق دەربەس، ءوز - وزىنە قوجايىن بولۋعا تاباندى بولىپ، ءبىر جۇڭگو ساياساتىن باتىل اتقارادى، تايۋاندى جۇڭگو تەرريتورياسىنىڭ ايرىلماس ءبىر بولىگى دەپ قارايدى، ءارقانداي فورماداعى ”تايۋان دەربەستىگى“ بولشەكتەۋ ارەكەتىنە باتىل قارسى تۇرادى، جۇڭگونىڭ مەملەكەتتىڭ تۇتاستىعىن جۇزەگە اسىرۋىن باتىل قولدايدى. شياڭگاڭ، شينجياڭ، شيزاڭ − جۇڭگونىڭ ىشكى ءىسى، ۆيەتنام ءارقانداي كۇشتىڭ جۇڭگونىڭ ىشكى ىسىنە كيلىگۋىنە باتىل قارسى تۇرادى. ۆيەتنام جۇڭگومەن جوعارى جىكتەگىلەردىڭ بارىس - كەلىسىن ساقتاپ، پارتيانى باسقارۋ، ەل باسقارۋ تاجىريبەلەرىنەن بىرگە يگىلىكتەنىپ، ستراتەگيالىق ءوزارا سەنىمدىلىكتى تەرەڭدەتىپ، دامۋ ستراتەگياسىن ۇشتاستىرۋدى، سونداي - اق مەملەكەت قورعانىسى حاۋىپسىزدىگى، ەكونوميكا - ساۋدا، قارجى قوسۋ، شەكارا اتتاعان نەگىزدىك قۇرىلعىلاردى ۇلاستىرۋ سياقتى سالالارداعى ءوزارا ءتيىمدى سەلبەستىكتى كۇشەيتۋدى قالايدى. كەلەر جىلعى ”ۆيەتنام - جۇڭگو گۋمانيتارلىق اۋىس - كۇيىس جىلىن“ بىرگە ويداعىداي وتكىزىپ، جاستاردىڭ، جەرگىلىكتى ورىنداردىڭ اۋىس - كۇيىسىن، سەلبەستىگىن كۇشەيتىپ، ەكى ەلدىڭ قوعامدىق، حالىق رايى نەگىزىن بەكەمدەۋ كەرەك. ۆيەتنام جۇڭگومەن بىرگە تەڭىزدەگى الاۋىزدىقتاردى ۇيلەسىمدى مەڭگەرىپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋدى قالايدى. ۆيەتنام ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسى جانە دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولدايدى ءارى وعان بەلسەنە ات سالىسۋدى قالايدى. ۆيەتنام جاق جۇڭگو جاقپەن كوپ جاقتى حالىقارالىق سەلبەستىكتى جيىلەتىپ، كوپ جاقتىلىقتى قورعاپ، حالىقارالىق ادىلدىكتى، تۋراشىلدىقتى قورعاپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە بەلسەندى ۇلەس قوسۋدى قالايدى.

كەڭەستەن كەيىن ەكى جاق پارتيا مەكتەبى، ۇلاستىرۋ - تۇتاستىرۋ، ونەركاسىپ، فينانس، كەدەندىك تەكسەرۋ - كارەنتيندەۋ، دەنساۋلىق ساقتاۋ، اقپارات قۇرىلىمدارى جانە اقپارات قۇرالدارى، جەرگىلىكتى ورىندار، حالىق تۇرمىسى سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.

قول قويۋ سالتىنان كەيىن شي جينپيڭ سۋلينمەن شاعىن كولەمدە شاي ىشە وتىرىپ اڭگىمەلەسىپ، ىقىلاستى دوسجار بەينەدە ورتاق كوڭىل ءبولىپ وتىرعان ماڭىزدى ماسەلەلەر جونىندە ۇزدىكسىز ىشكەرىلەي پىكىر اۋىستىردى.

كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ شىعىس قاقپاسىنىڭ سىرتىنداعى الاڭدا سۋلين مەن حانىمى ۋ فاڭليدى قارسى الۋ سالتىن وتكىزدى.

سۋلين كەلگەندە قۇرمەت قاراۋىلى ساپ تۇزەپ قۇرمەت ءبىلدىردى. شي جينپيڭ سۋلينمەن بىرگە پارات مىنبەسىنە شىقتى، اسكەري وركەستر جۇڭگو مەن ۆيەتنامنىڭ مەملەكەت گيمنىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. سۋ لين شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى تۇستە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا سۋلين مەن حانىمىنا ارناپ قارسى الۋ قوناعاسىن بەردى.

ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.

سۋلين جۇڭگودا ساپاردا بولعان كەزدە ەكى جاق «جۇڭحۋا حالىق رەسپۋبليكاسى مەن ۆيەتنام سوتسياليستىك رەسپۋبليكاسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ونان ارى كۇشەيتىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىن ىلگەرىلەتۋ جونىندەگى بىرلەسكەن مالىمدەمەسىن» جاريالايدى.

كەلۋ قاينارى: حالىق تورابى