شينجياڭدا بىرنەشە جەر ورتالىق قازىنانىڭ سيلىق قوسىمشا قاراجاتىنا يە بولدى 

9 – ايدىڭ 25 – كۇنى، قازىنا مينيسترلىگىنىڭ تورابى 2024 – جىلعى ورتالىق قازىنانىڭ جالپىعا ءتيىمدى فينانستى دامىتۋدان ۇلگى كورسەتۋ رايونىنىڭ تىزىمدىگىن جاريالادى، بەيجيڭ قالاسىنىڭ مىنتوۋگوۋ رايونى قاتارلى 89 ۇلگى كورسەتۋ رايونى قامتىلدى. مۇنىڭ ىشىندە شينجياڭنان (بيڭتۋاندى قامتيدى) 6 جەر قامتىلعان.

تىزىمدىككە قاراعاندا، شينجياڭنان (بيڭتۋاندى قامتيدى) قاشقار ايماعى، كورلا قالاسى، قارامايلى قالاسىنىڭ مايتاۋ رايونى، ارال قالاسى، كوكدالا قالاسى، ۋجياچۇي قالاسى تىزىمدىككە ەنگەن.

قاتىستى ساياساتتارعا ساي، ورتالىق قازىنا ناتيجەمەن ۇشتاستىرۋ ءتاسىلى ارقىلى ۇلگى كورسەتۋ رايوندارىن دارەجەگە ءبولىپ، سيلىق قوسىمشا قاراجاتىن بەرىپ، جەرگىلىكتى ورىنداردى سول جەردىڭ جاعدايىنا قاراي جالپىعا ءتيىمدى فينانستى جوعارى ساپالى دامىتۋ جاعىندا ىزدەنىس جاساۋعا شابىتتاندىرعان. مۇندا:

شىعىس بولىكتەگى ءاربىر ولكەگە جىلىنا 1 – دارەجە بويىنشا 60 ميلليون يۋان، 2 – دارەجە بويىنشا 45 ميلليون يۋان، 3 – دارەجە بويىنشا 30 ميلليون يۋان سيلىق قوسىمشا قاراجاتى بەرىلەدى.

ورتا بولىك پەن باتىس بولىكتەگى وڭىرلەردەگى ءاربىر ولكەگە ءار جىلى 1 – دارەجە بويىنشا 100 ميلليون يۋان، 2 – دارەجە بويىنشا 75 ميلليون، 3 – دارەجە بويىنشا 50 ميلليون يۋان سيلىق قوسىمشا قاراجاتى بەرىلەدى.

جوسپار بويىنشا ايىرىم تىزىمدەلگەن قالالارعا 1 – دارەجە بويىنشا 30 ميلليون يۋان، 2 – دارەجە بويىنشا 20 ميلليون يۋان سيلىق قوسىمشا قاراجاتى بەرىلەدى.

كەلۋ قاينارى: حالىق تورابى