رىن جيانشين جولداستىڭ سۇيەگى بەيجيڭدە ورتەلدى

9 - ايدىڭ 25 - كۇنى رىن جيانشين جولداستىڭ سۇيەگى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار باباۋشانعا بارىپ سۇيەكپەن قوشتاستى. سۋرەتتە: شي جينپيڭ رىن جيانشيننىڭ تۋىس - تۋعاندارىمەن قول الىسىپ، شىنايى حال سۇراۋدا.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

شينحۋا اگەنتتىگى، 9 - ايدىڭ 25 - كۇنى، بەيجيڭ. جۇڭگو كوممۋنيستىك پارتياسىنىڭ تاڭداۋلى مۇشەسى، كوممۋنيزمنىڭ ۇزاق سىننان وتكەن ادال جاۋىنگەرى، ەلىمىزدىڭ ساياسي - زاڭ شەبىنىڭ كورنەكتى باسشىسى، جۇڭگو كوممۋنيستىك پارتياسى 14 - كەزەكتى ورتالىق كوميتەتى شۋجيچۋىنىڭ شۋجيى، ورتالىق ساياسي - زاڭ كوميتەتىنىڭ بۇرىنعى شۋجيى، جۇڭگو حالىق ساياسي ءماسليحات كەڭەسى 9 - كەزەكتى مەملەكەتتىك كوميتەتى ءتوراعاسىنىڭ ورىنباسارى، ەڭ جوعارى حالىق سوتى مەكەمەسىنىڭ بۇرىنعى باستىعى رىن جيانشين جولداستىڭ سۇيەگى 9 - ايدىڭ 25 - كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.

رىن جيانشين جولداس 2024 - جىلى 9 - ايدىڭ 21 - كۇنى ساعات 13 تەن 33 مينۋت وتكەندە بەيجيڭدە 99 جاسىندا اۋرۋدان قايتىس بولدى.

رىن جيانشين جولداستىڭ ناۋقاسى اۋىرلاعان كەزدە جانە قايتىس بولعاننان كەيىن شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن رىن جيانشين جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.

9 - ايدىڭ 25 - كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى قايعىلى جىم - جىرت كۇيگە شومىپ، ازالى مۋزىكا باياۋ تولقىپ تۇردى. زالدىڭ تورىنە ”رىن جيانشين جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا رىن جيانشين جولداستىڭ سۋرەتى قويىلعان. رىن جيانشين جولداستىڭ سۇيەگى گۇل شوقتارىمەن جانە ارشامەن قورشالىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

تۇستەن بۇرىن ساعات 9 دان 30 مينۋت وتكەندە شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ازالى مۋزىكا ءۇنى ىشىندە رىن جيانشين جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، رىن جيانشين جولداستىڭ سۇيەگىنە 3 رەت تاعزىم ەتتى، سونداي - اق رىن جيانشين جولداستىڭ تۋىس - تۋعانىمەن ءبىر - بىرلەپ قول الىسىپ، كوڭىل ايتتى.

پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاستى نەمەسە ءتۇرلى فورمالارمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، رىن جيانشين جولداستىڭ كوزى تىرىسىندەگى دوس - جاراندارى مەن اۋىلداستارىنىڭ ۋاكىلدەرى دە سۇيەكپەن قوشتاستى.