ديڭ شۋەشياڭ 21 - كەزەكتى جۇڭگو - شىعىس وڭتۇستىك ازيا ەلدەرى وداعى كورمەسىنە قاتىناسۋعا كەلگەن شىعىس وڭتۇستىك ازيا ەلدەرى وداعىنىڭ باسشىلارىمەن كەزدەستى

«حالىق گازەتى»، 9 - ايدىڭ 25 - كۇنى، ناننيڭ (تىلشىلەر پاڭ گىپيڭ، جاۋ ي - پۋ). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 9 - ايدىڭ 24 - كۇنى تۇستەن كەيىن گۋاڭشيدىڭ ناننيڭ قالاسىندا 21 - كەزەكتى جۇڭگو - شىعىس وڭتۇستىك ازيا وداعى كورمەسىنە جانە جۇڭگو - شىعىس وڭتۇستىك ازيا ەلدەرى وداعى ساۋدا جانە قارجى قوسۋ باسشىلار ماجىلىسىنە قاتىناسۋ ءۇشىن جۇڭگوعا كەلگەن ۆيەتنام زۇڭليىنىڭ ورىنباسارى، قوسىمشا قازىنا مينيسترى حۋ دىفۋمەن، كامبودجا باس ءۋازىرىنىڭ ورىنباسارى، قوسىمشا بيلىك كەڭسەسى كەڭسە مەڭگەرمەسىنىڭ ءۋازىرى ونسەۆيسومەن، لاوس زۇڭليىنىڭ ورىنباسارى كيكەومەن جەكە - جەكە كەزدەستى.

حۋ دىفۋمەن كەزدەسكەندە ديڭ شۋەشياڭ مىنانى ءبىلدىردى: باس شۋجي، مەملەكەت ءتوراعاسى شي جينپيڭ بيىل 8 - ايدا جۇڭگوعا ساپارلاي كەلگەن باس شۋجي، مەملەكەت ءتوراعاسى سۋلينمەن كەڭەس وتكىزىپ، ءداستۇرلى دوستىقتى جالعاستىرۋ، ستراتەگيالىق سەلبەستىكتى تەرەڭدەتۋ جونىندە كەڭ كولەمدى ورتاق تانىمعا كەلدى. جۇڭگو جاق ۆيەتنام جاقپەن بىرگە ەكى پارتيانىڭ، ەكى ەلدىڭ جوعارى جىگى تۇراقتاندىرعان ستراتەگيالىق بەتالىسقا ساي، ساياسي ءوزارا سەنىمدىلىكتى بەكەمدەپ، دامۋ ستراتەگياسىن ۇشتاستىرۋدى كۇشەيتىپ، نەگىزدىك قۇرىلعىلاردى ۇلاستىرۋ، تۇتاستىرۋدى ىلگەرىلەتىپ، ەكونوميكا - ساۋدا، قارجى قوسۋ سەلبەستىگىنىڭ دەڭگەيىن جوعارىلاتىپ، حالىق رايى نەگىزىن بەكەمدەپ، جۇڭگو - ۆيەتنام تاعدىرلاس ورتاق تۇلعا قۇرىلىسىنىڭ تەرەڭدەۋىن، ناقتىلانۋىن ىلگەرىلەتۋدى قالايدى.

حۋ دىفۋ جۇڭگونىڭ دامۋدا قول جەتكىزگەن وراسان زور تابىستارىن ايرىقشا القاپ، مىنانى ءبىلدىردى: ۆيەتنام جاق جۇڭگو جاقپەن ءار سالاداعى ناقتى سەلبەستىكتە اناعۇرلىم كوپ تابىسقا قول جەتكىزۋدى ىلگەرىلەتىپ، ەكى ەل مەن ەكى ەل حالقىنا اناعۇرلىم زور باقىت جاراتۋدى قالايدى.

ونسەۆيسومەن كەزدەسكەندە ديڭ شۋەشياڭ مىنانى ءبىلدىردى: جۇڭگو مەن كامبودجا _ مىزعىماس سەنىمدى دوستار، ەكى ەلدىڭ ەرەكشە دوستىعى ۇزاق ۋاقىت بويى بەكەمدەلىپ، نەشە ۇرپاق باسشىلاردىڭ جۇرەك قانى ۇيىستى. جۇڭگو جاق كامبودجا جاقپەن بىرگە ەكى ەل باسشىلارىنىڭ ماڭىزدى ورتاق تانىمىن تياناقتاندىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى كامبودجانىڭ دامۋ ستراتەگياسىمەن ۇشتاستىرۋدى كۇشەيتىپ، جاسىل دامۋ، سيفرلى ەكونوميكا سياقتى جاڭادان گۇلدەنگەن سالالارداعى سەلبەستىكتى كەڭەيتىپ، جۇڭگو قارجى قوسقان كاسىپورىنداردى كامبودجاعا بارىپ قارجى قوسىپ، كاسىپتى گۇلدەندىرۋگە شابىتتاندىرىپ، حالىققا ءتيىمدى اناعۇرلىم كوپ ينجەنەريالاردى اتقارىپ، ەكى ەل قارىم - قاتىناسى دامۋىنىڭ ۇزدىكسىز تىڭ دەڭگەيگە كوتەرىلۋىن ىلگەرىلەتۋدى قالايدى.

ونسەۆيسو مىنانى ءبىلدىردى: كامبودجا جاق جۇڭگوعا دوستىق ساياساتتى باتىل اتقارادى، جۇڭگو جاقپەن ”گاۋھاردىڭ التى جاعى“ سەلبەستىك جۇلگەسىن بىرگە تولىقتاپ، كامبودجا - جۇڭگو تاعدىرلاس ورتاق تۇلعاسىن قول ۇستاسا قۇرۋدى قالايدى.

كيكەومەن كەزدەسكەندە ديڭ شۋەشياڭ مىنانى ءبىلدىردى: جۇڭگو پارتياسى مەن ۇكىمەتى باستان - اياق لاوستى توڭىرەكتىك ديپلوماتيانىڭ ماڭىزدى ورنىنا قويىپ، جۇڭگو مەن لاوستىڭ تاعدىرلاس ورتاق تۇلعاسى قۇرىلىسىندا سۇبەلى تابىستارعا قول جەتكىزدى. بيىل _ جۇڭگو مەن لاوستىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتقاندىعىنىڭ 15 جىلدىعى. جۇڭگو جاق لاوس جاقپەن بىرگە، ەكى پارتيانىڭ، ەكى ەلدىڭ ەڭ جوعارى باسشىلارىنىڭ جەتەكشىلىگىندە ورايدان بىرگە يگىلىكتەنىپ، دامۋدى بىرگە جوسپارلاپ، ەكونوميكا - ساۋدا، قارجى قوسۋ سەلبەستىگىن كۇشەيتىپ، كەلەلى نىساندار قۇرىلىسىن جەدەلدەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ جاڭا ولشەمىن تۇلعالاپ، مەملەكەتتىڭ وسىزاماندانۋ اياق الىسىن قول ۇستاسا ىلگەرىلەتۋدى قالايدى.

كيكەو مىنانى ءبىلدىردى: لاوس جاق لاوس - جۇڭگو تاعدىرلاس ورتاق تۇلعاسى قۇرىلىسىنا ايرىقشا ءمان بەرەدى، جۇڭگو جاقپەن جوعارى جىكتەگىلەردىڭ ىقپالداستىعىن كۇشەيتىپ، ناقتى سەلبەستىكتى تەرەڭدەتىپ، لاوس پەن جۇڭگونىڭ دوستىق قارىم - قاتىناسىن ماڭگى ساقتاۋدى قالايدى.