ۇلگى الىپ تەكسەرۋ بارىسىندا 35 توپتاعى بۇيىمدار تولىمسىز بولعان! سۋ جىلىتۋ اسپابىن ساتىپ العان كەزدە اباي بولىڭىزدار 

ءتىلشىنىڭ 9 – ايدىڭ 25 – كۇنى ۇعىسۋىنشا، بازاردى باقىلاۋ – باسقارۋ باس مەڭگەرمەسى جۋىردا وتباسىندا پايدالانىلاتىن وتىندىق گازبەن سۋدى جىلدام جىلىتۋ اسپابى قاتارلى 7 ءتۇرلى بۇيىمنىڭ ساپاسىنا مەملەكەت بويىنشا باقىلاۋ جانە ۇلگى الىپ تەكسەرۋ قىزمەتىن ورىستەتتى. بۇل بۇيىمداردى ءوندىرۋشى 488 ورىن مەن ساتۋشى 272 ورىننىڭ 489 توپتاعى بۇيىمىنان ۇلگى الىپ تەكسەرۋ جۇرگىزىپ، 35 توپتاعى بۇيىمنىڭ تولىمسىز ەكەنىن بايقاعان. تولىمسىز بۇيىمدار ىشىندە، وتباسىلىق وتىندىق گازبەن سۋ جىلىتۋ اسپابىنان 8 توبى، سۇيىتىلىپ كۇبىلەنگەن مۇناي – گازدىڭ قىسىمىن رەتتەۋ اسپابىنان 12 توبى، بولمە ءىشىنىڭ اۋاسىن رەتتەۋ اسپابىنان 8 توبى، اۆتوموبيلگە پايدالاناتىن تورموزداۋ اسپابىنىڭ استارلاۋىش جاپىراقشاسىنان 6 توبى، دالالىق دەنە شىنىقتىرۋ اسپاپتارىنان ءبىر توبى بار. ءىز قۋالاي تەكسەرۋ بارىسىندا، وسىدان بۇرىن ۇلگى الىپ تەكسەرۋدە تولىمسىز بولعان بۇيىمداردى وندىرگەن 10 ورىن قامتىلعان، مۇنىڭ ىشىندە، 3 ورىن وندىرگەن بۇيىمدار ءالى دە تولىمسىز بولعان.

وسى رەتكى ۇلگى الىپ تەكسەرۋ بارىسىندا، گۋاڭجوۋ قالاسى شوۋشين ەلەكتر اسپاپتارى شەكتى سەرىكتەستىگى «ءونىم ساپاسى زاڭىنداعى» بەلگىلەمەلەرگە قايشىلىق جاساپ، باقىلاۋ جۇرگىزۋ مەن ۇلگى الىپ تەكسەرۋدەن ورىندى سەبەبى بولماستان باس تارتقان.

وسى رەت بۇيىمداردىڭ ساپاسىنا مەملەكەت بويىنشا باقىلاۋ جۇرگىزۋ، ۇلگى الىپ تەكسەرۋ جۇرگىزۋ بارىسىندا بايقالعان ماسەلەلەر جونىندە، بازاردى باقىلاۋ – باسقارۋ باس مەكەمەسى ءارقايسى قاتىستى ولكە دارەجەلى بازاردى باقىلاۋ – باسقارۋ تاراۋلارىنان مىنالاردى تالاپ ەتتى: تولىمسىز بولعان بۇيىمداردى زاڭ بويىنشا تەكسەرىپ پەشەتتەۋ، ۇستاپ قالۋ قاتارلى شارالاردى قولدانىپ، ءوندىرۋ مەن ساۋدالاۋعا قاتاڭ تيىم سالۋ كەرەك؛ تولىمسىز بولعان بۇيىمداردى وندىرگەن جانە ساۋدالاعان ورىندارعا جونگە سالۋ – وزگەرتۋ جاعىندا ايقىن تالاپ قويۋ، جونگە سالۋ – وزگەرتۋ شارالارىن تياناقتاندىرۋعا قاتاڭ قۋزاۋ سالۋ، دەر كەزىندە قايتالاي تەكسەرۋدى ۇيىمداستىرۋ كەرەك. تەكسەرۋدە جالعاستى ەكى رەت تولىمسىز بولعاندارعا جۇمىس ۇستىنە بارىپ تەكسەرۋ جۇرگىزۋ جانە ىزىنە ءتۇسىپ ۇلگى الىپ تەكسەرۋ جۇرگىزۋ ورىستەتۋ كەرەك، زاڭ بويىنشا قاتاڭ ءبىرجاقتى ەتۋ ءارى ءتۇيىندى تۇردە باقىلاۋ جۇرگىزۋ كەرەك. زاڭعا قايشى ارەكەتى قىلمىس كۇمانىن قالىپتاستىرعانداردى دەر كەزىندە ءادىليا ورگاندارىنا جوتكەپ بەرۋ كەرەك. (باس ستانسيا ورتالىق تەلەۆيزيا ءتىلشىسى لي جيڭجيڭ)

كەلۋ قاينارى: حالىق تورابى