سىرتقى ىستەر مينيسترلىگى: جۇڭگو ازاماتتارىنا تاياۋدا ليۆانعا بارماۋدى تاعى ءبىر رەت ەسكەرتتى

9 – ايدىڭ 25 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەر جينالىسىن باسقاردى. ءبىر ءتىلشى ليۆاننىڭ شەكارا جاعدايى جونىندە سۇراۋ قويدى. بۇل جونىندە لين جيان بىلاي دەدى: قازىر ليۆان مەن يزرايلدىڭ شەكاراسىنىڭ شيەلەنىسكەن جاعدايىن ەسكەرە وتىرىپ، سىرتقى ىستەر مينيسترلىگىنىڭ كونسۋلدىق قورعاۋ ورتالىعى مەن ليۆاندا تۇراتىن ەلشىحانا شۇعىل جاعدايعا توتەپ بەرۋ مەحانيزمىن ىسكە قوسىپ، قاتىستى جوبانى كەمەلدەندىردى ءارى حاۋىپسىزدىك ەسكەرتۋىن تالاي رەت جاريالادى. ءبىز جۇڭگو ازاماتتارىنا ۋاقىتشا ليۆانعا بارماۋدى، ليۋانعا بارعان جۇڭگو ازاماتتارىنىڭ سول جەردىڭ اۋقىمىنا بارىنشا نازار اۋدارىپ، ساۋدا ۇشاعىنا وتىرىپ تەزدەن وتانعا قايتۋدى نەمەسە شەكارادان شىعىپ كەتۋدى، ليۆيادا جالعاستى تۇرۋ قاجەت بولعاندارعا قىراعىلىقتى ارتتىرىپ، شۇعىل ىستەر دايىندىعى جانە زات - بۇيىم زاپاسىن جاقسى ىستەۋدى، وڭتۇستىكتەگى حاۋىپ - قاتەرى جوعارى رايوندارعا بارماۋدى ەسكەرتەمىز. ەگەر شۇعىل جاعدايعا تاپ بولسا، ليۆاندا تۇراتىن ەلشىحانامەن دەر كەزىندە بايلانىس جاساپ، كومەك سۇراۋدى ەسكەرتەمىز. ءبىز جۇڭگو ازاماتتارىنىڭ جوتكەلىپ حاۋىپتەن ساقتانۋىنا جانە جانە باسقا دا قاجەتتى جۇمىستارىنا بار كۇشپەن كومەكتەسەمىز.

كەلۋ قاينارى: حالىق تورابى