وقۋ – اعارتۋ مينيسترلىگى: ورتا، باستاۋىش مەكتەپ وقۋشىلارىنىڭ ءار كۇنگى جالپى دەنە تاربيە قيمىلىنا قاتىناسۋ ۋاقىتى 2 ساعاتتان كەم بولماۋى كەرەك 

مەملەكەتتىك كەڭەستىڭ اقپارات كەڭسەسى 9 - ايدىڭ 26 - كۇنى اشقان ”جوعارى ساپالى دامۋدى ىلگەرىلەتۋ“ اتتى جەلىلەس نەگىزگى تاقىرىپتاعى اقپار جاريالاۋ ماجىلىسىندە، وقۋ – اعارتۋ مينيسترلىگىنىڭ قاتىستى جاۋاپتىسى مىنانى ءبىلدىردى: ماڭىزدى تۇيىندەردە ”دەنساۋلىقتى ءبىرىنشى ورىنعا قويۋدى” ناقتى تياناقتاندىرۋ كەرەك.

وقۋشىلاردىڭ دەنە قۋاتىن كۇشەيتۋ جوسپارى، پسيحولوگيالىق اقاۋسىزدىقتى ىلگەرىلەتۋ ارەكەتى قاتارلىلاردى اتقارعان كەزدە، ورتا، باستاۋىش مەكتەپ وقۋشىلارىنىڭ ءار كۇنگى جالپى دەنە تاربيە قيمىلىنا قاتىناسۋ ۋاقىتىنىڭ 2 ساعاتتان كەم بولماۋىنا كەپىلدىك ەتۋ كەرەك، وقۋشىلاردىڭ بەلسەندى پسيحولوگيالىق مىنەزىن جان – جاقتى جەتىلدىرۋ كەرەك. وقۋشىلاردىڭ ارەكەت جاساۋىنا، ءبىر – بىرىمەن ارالاسۋىنا، كۇن كوزىنە كوبىرەك شىعۋىنا، تازا اۋامەن كوبىرەك تىنىستاۋىنا جاعداي جاراتۋ كەرەك.

مەحانيزمدىك قامتاماسىزداندىرۋ جاعىندا، وقۋ – اعارتۋ مينيسترلىگى وتباسى، مەكتەپ، قوعام سايكەسە وتىرىپ ادام تاربيەلەيتىن مەحانيزمدى ونان ارى كەمەلدەندىرىپ، ”ءتالىم – تاربيە جاعىندا بىرلەسكەن تۇلعا“ قۇرىلىسىن تياناق ەتىپ، تاراۋلاردىڭ بايلىق قاينارىن ىسكە قوسىپ، قوعامداعى كۇشتەرمەن سايكەسىپ، مەديتسينا مەن وقۋ – اعارتۋدىڭ ءبىرىن – ءبىرى ىلگەرىلەتۋى، دەنە تاربيە مەن وقۋ – اعارتۋدىڭ ءوزارا توعىسۋى، وتباسى مەن مەكتەپتىڭ ءوزارا ىقپالداسۋى، قوعام مەن وقۋ – اعارتۋ تاراۋلارىنىڭ قادامداس بولۋى قاتارلى جاقتاردا بىرلەسۋدى كۇشەيتىپ، وقۋشىلاردى جان – جاقتى جەتىلدىرۋ، سالاماتتى ەرجەتكىزۋ سىندى ماڭىزدى جاۋاپكەرشىلىكتى بىرگە ارقالايدى.

كەلۋ قاينارى: حالىق تورابى