قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، اقىلداستى

شينحۋا اگەنتتىگى، 9 - ايدىڭ 26 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 9 - ايدىڭ 26 - كۇنى ءماجىلىس اشىپ، قازىرگى ەكونوميكالىق جاعدايعا تالداۋ جاساپ، اقىلداسىپ، كەلەسى قادامداعى ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتاردان قامال الىپ، بايىپتىلىقپەن توتەپ بەرىپ، ماكرولىق رەتتەۋ - مەڭگەرۋ تەبىنىن ارتتىرىپ، رەفورما جاساپ، ەسىك اشۋدى تەرەڭدەتۋگە، ىشكى سۇرانىستى كەڭەيتۋگە، ەكونوميكالىق قۇرىلىمدى ساپالىلاندىرۋعا كۇش سالدى، ەكونوميكالىق اينالىم جالپى جاقتان ورنىقتى بولدى، ورنىقتىلىق بارىسىندا ىلگەرىلەدى، جاڭاشا وندىرگىش كۇشتەر ورنىقتى دامىدى، حالىق تۇرمىسىن قامتاماسىز ەتۋ تىڭعىلىقتى، پارمەندى بولدى، ءتۇيىندى سالالارداعى حاۋىپ - قاتەردەن ساقتانۋدا جانە ونى جويۋدا بەلسەندى ىلگەرىلەۋشىلىككە قول جەتىپ، جوعارى ساپالى دامۋ تىڭعىلىقتى ىلگەرىلەپ، قوعامدىق جالپى جاعداي ورنىقتى بولدى.

ءماجىلىس مىنالاردى اتاپ كورسەتتى: ەلىمىز ەكونوميكاسىنىڭ نەگىزگى قامتۋ اۋماعى جانە بازارى كەڭ، ەكونوميكاسىنىڭ سەرپىمدىلىگى كۇشتى، كومەسكى كۇشى زور بولۋ سياقتى ءتيىمدى شارت - جاعداي وزگەرگەن جوق. سونىمەن بىرگە، قازىر ەكونوميكالىق اينالىمدا كەيبىر جاڭا جاعدايلار مەن ماسەلەلەر جارىققا شىقتى. قازىرگى ەكونوميكالىق جاعدايعا جان - جاقتى، وبيەكتيۆ، بايسالدى تۇردە قاراپ، قيىنشىلىققا دۇرىس قاراپ، سەنىمدى بەكەمدەپ، ەكونوميكالىق قىزمەتتى جاقسى ىستەۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىن مانىندە كۇشەيتۋ كەرەك. ماڭىزدى ءتۇيىندى مىقتى يگەرىپ، ىرىقتىلىقپەن ءىس تىندىرىپ، ىركىندى ساياساتتاردى ءونىمدى تياناقتاندىرىپ، ارتۋ ساياساتىن كۇش سالا العا قويىپ، ساياساتتىق شارالاردىڭ باعىتتامالىلىعىن، ونىمدىلىگىن ونان ارى جوعارىلاتىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداۋ كەرەك.

ءماجىلىس مىنالاردى باسا دارىپتەدى: قازىنالىق اقشا ساياساتىنىڭ كەرى پەريودتىق رەتتەۋ تەبىنىن ارتتىرىپ، قاجەتتى قازىنالىق شىعىسقا كەپىلدىك ەتىپ، نەگىزگى ساتىنىڭ ”ءۇشتى قامتاماسىز ەتۋ“ قىزمەتىن شىن مانىندە ويداعىداي ىستەۋ كەرەك. ۇزاق ۋاقىتتىق ەرەكشە زايوم جانە جەرگىلىكتى ۇكىمەتتەردىڭ ارناۋلى قارىزىن تاراتىپ، ويداعىداي پايدالانىپ، ۇكىمەتتىڭ قارجى قوسۋدى جەبەۋ رولىن اناعۇرلىم ويداعىداي ساۋلەلەندىرۋ كەرەك. امانات ساقتىق اقشا مولشەرىن تومەندەتىپ، ءوسىمدى تومەندەتۋ تەبىنىن ارتتىرۋ كەرەك. ءۇي - جاي بازارىنىڭ قۇلدىراۋدان توقتاپ، ورنىعۋىن جەبەپ، تاۋار ءۇي قۇرىلىسىندا ارتۋدى قاتاڭ تىزگىندەپ، قوردى ساپالىلاندىرىپ، ساپانى جوعارىلاتىپ، ”اق تىزىمدىك“ نىساندارىنا قارىز اقشا بەرۋ تەبىنىن ارتتىرىپ، ىركىندى جەرلەردى جانداندىرۋعا قولداۋ كورسەتۋ كەرەك. بۇقارا كوڭىل ءبولىپ وتىرعان ماسەلەلەرگە جاۋاپ قايتارىپ، تۇرعىن ءۇيدى شەكتى ساتىپ الۋ ساياساتىن رەتتەپ، ىركىندى ءۇي قارىزىنىڭ ءوسىم مولشەرىن تومەندەتىپ، جەر، قازىنا - سالىق، فينانس سياقتى ساياساتتاردى كەمەلدەندىرۋدى مىقتى يگەرىپ، ءۇي - جاي شارۋاشىلىعىن دامىتۋدىڭ جاڭا ۇلگىسىن ورناتۋدى ىلگەرىلەتۋ كەرەك. كاپيتال بازارىن كۇش سالا سەرپىلتىپ، ورتا، ۇزاق مەرزىمدىك قارجىنىڭ بازارعا كىرۋىنە كۇش سالا جەتەكشىلىك ەتىپ، قوعامدىق قامتاماسىزداندىرۋ، قامسىزداندىرۋ، قازىنا باسقارۋ سياقتى قارجىنىڭ بازارعا كىرۋىندەگى بوگەتتەردى اشۋ كەرەك. جارناسى بازارعا شىعارىلعان سەرىكتەستىكتەردى بىرىكتىرۋگە، قايتا قۇرۋعا قولداۋ كورسەتىپ، الەۋمەتتىك قور جيناۋ رەفورماسىن ورنىقتى ىلگەرىلەتىپ، ورتا، شاعىن قارجى قوسۋشىلاردى قورعاۋدىڭ ساياساتتىق شارالارىن زەرتتەپ شىعارۋ كەرەك.

ءماجىلىس مىنالاردى اتاپ كورسەتتى: كاسىپورىنداردىڭ وتكەلدەن وتۋىنە كومەكتەسىپ، كاسىپورىندارعا ساياتىن زاڭ اتقارۋ، باقىلاۋ - باسقارۋ ارەكەتىن اناعۇرلىم ارناعا ءتۇسىرۋ كەرەك. حالىقتىق شارۋاشىلىقتى جەبەۋ زاڭىن شىعارىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاماشا ورتا ازىرلەۋ كەرەك. تۇتىنۋدى جەبەۋ مەن حالىق تۇرمىسىنا تيىمدىلىك جاساۋدى ۇشتاستىرىپ، ورتا، تومەن كىرىستى قاۋىمنىڭ كىرىسىن ارتتىرۋدى جەبەپ، تۇتىنۋ قۇرىلىمىن جوعارىلاتۋ كەرەك. جاڭاشا تۇتىنۋ كۇيىن جەتىلدىرۋ كەرەك. قوعامدىق كۇشتەردىڭ قارتتاردى كۇتىمدەۋ، تاربيەلەۋ كاسىبىن دامىتۋىن قولداپ جانە ارناعا ءتۇسىرىپ، تۋىت جاعىنداعى قولداۋ ساياسات جۇيەسىن كەمەلدەندىرۋدى مىقتى يگەرۋ كەرەك. قارجى ەنگىزۋ، قارجىنى ورنىقتىرۋ تەبىنىن ارتتىرىپ، جاساۋ كاسىبى سالاسىنداعى شەتەل قارجىسىنىڭ بازارعا كىرۋىنە رۇقسات ەتۋ سياقتى رەفورما شارالارىن جەدەل ىلگەرىلەتىپ جانە اتقارىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن اناعۇرلىم ساپالىلاندىرۋ كەرەك.

ءماجىلىس مىنالاردى باسا دارىپتەدى: حالىق تۇرمىسىنىڭ تومەنگى شەگىن مىقتى ساقتاپ، بيىل وقۋ بىتىرەتىن جوعارى مەكتەپ وقۋشىلارى، شارۋا جۇمىسكەرلەر، كەدەيلىكتەن ارىلعان حالىق سانى، بىردە - ءبىر ادامى جۇمىستانباعان وتباسى سياقتى ءتۇيىندى قاۋىمدى جۇمىستاندىرۋ قىزمەتىن ءتۇيىندى تۇردە جاقسى ىستەپ، جاسى ۇلعايعاندار، مۇگەدەكتەر، ءبىرشاما ۇزاق ۋاقىت جۇمىسسىز قالعاندار قاتارلى جۇمىستانۋى قيىن قاۋىمعا كومەكتەسۋدى كۇشەيتۋ كەرەك. تومەن كىرىستى حالىق سانىن قۇتقارۋ، سۇيەمەلدەۋدى كۇشەيتۋ كەرەك. ازىق - تۇلىك جانە سۋ، ەلەكتر، گاز، جىلۋ سياقتى ماڭىزدى زاتتىق ماتەريالدارمەن قامداۋدى قامتاماسىز ەتۋدى، باعانى ورنىقتىرۋدى ويداعىداي يگەرۋ كەرەك. استىق جانە اۋىل شارۋاشىلىعى ءوندىرىسىن شىن مانىندە ويداعىداي يگەرىپ، شارۋالاردىڭ كىرىسىن ارتتىرۋعا كوڭىل ءبولىپ، كۇز، قىس ماۋسىمدارىندا ءوندىرىستى ويداعىداي يگەرىپ، مەملەكەتتىڭ استىق حاۋىپسىزدىگىنە شىنايى كەپىلدىك ەتۋ كەرەك.

ءماجىلىس مىنالاردى تالاپ ەتتى: جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىستەۋدى ماڭداي الدى ورىنعا قويىپ، ەل بىرلىگىنەن بەرىك قامال تۇرعىزىپ، تۇتاس قوعامنىڭ جوعارى ساپالى دامۋدى ىلگەرىلەتۋ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، ەكونوميكانىڭ ۇزدىكسىز قالپىنا كەلۋىن ىلگەرىلەتۋى كەرەك. قالىڭ پارتيا مۇشەلەرى، كادرلار جاۋاپكەرشىلىكتى باتىلدىقپەن ارقالاپ، باتىلدىقپەن جاڭالىق اشىپ، قيىندىقتاردان قامال الۋ بارىسىندا قابىلەتىن جوعارىلاتىپ، ناتيجە جاراتۋى كەرەك. ادام تاڭداۋدىڭ، ادام ىستەتۋدىڭ باعدار كورسەتكىشىن ويداعىداي ورناتىپ، ”ءۇشتى ايىرۋدى“ مۇقيات تياناقتاندىرىپ، جاۋاپكەرشىلىك ارقالاۋشىلار ءۇشىن جاۋاپكەرشىلىك ارقالاۋ، ءىس تىندىرۋشىلار ءۇشىن تىرەك بولۋ كەرەك. ەكونوميكالىق ءىرى ولكەلەردىڭ ۇلكەن ارقالىقتى كوتەرۋىنە قولداۋ كورسەتىپ، جەتەكتەۋ جانە تىرەكتىك رولىن اناعۇرلىم ويداعىداي ساۋلەلەندىرۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى