2024 – جىلعى كۇز ماۋسىمىنداعى قىزمەتكەر قابىلداۋ قيمىلى باستالدى 

شينحۋا اگەنتتىگىنىڭ ءتىلشىسى جياڭلين 10 – ايدىڭ 11 – كۇنى بەيجيڭنەن حابارلايدى. ەڭبەكشىلەردىڭ جۇمىس ىزدەۋى مەن كاسىپورىنداردىڭ جۇمىسكەر ىزدەۋىنە كومەكتەسۋ، ادام كۇشى بايلىعى سالاسىنداعى قامداۋ مەن قاجەتسىنۋدى ءوزارا ۇشتاستىرۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، حالىق ىستەرى مينيسترلىگى قاتارلى بەس تاراۋ ”2024 – جىلعى كۇز ماۋسىمىنداعى قىزمەتكەر قابىلداۋ قيمىلى ارەكەتىن“ باستادى. قيمىل ۋاقىتى ءبىر اي جالعاسادى، قىزمەت وتەۋ وبيەكتىلەرى، باستىسى، حالىق باسقارۋىنداعى كاسىپورىندار، ورتاشا، شاعىن، ۇساق كاسىپورىندار، جەكەشە ونەركاسىپ – ساۋدا تيجاراتشىلارى، سونداي – اق، جوعارى مەكتەپتەن وقۋ بىتىرگەندەر، ديقان جۇمىسكەرلەر، اسكەري مىندەتتەن بوساعان اسكەريلەر، تىزىمگە الىنعان جۇمىسسىزدار.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جۇمىستانۋدى ىلگەرىلەتۋ مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، قيمىل مەزگىلىندە، جەر – جەر ينتەرنەت ارقىلى جانە ينتەرنەتتەن تىس فورمادا قىزمەتكەر قابىلداۋعا قاتىستى ءتۇرلى قيمىلداردى ۇيىمداستىرىپ ورىستەتەدى، سونىمەن بىرگە، تىكە تاراتىلىم ارقىلى جۇمىس ورنىن تانىستىرۋ قاتارلى ينتەرنەت ارقىلى قىزمەتكەر قابىلداۋ قيمىلىن وتكىزىپ، ۋاقتتىق جۇمىستاردى دەر كەزىندە تەز تابۋ جاعىندا قىزمەت وتەيدى ءارى جۇمىس ىزدەۋشىلەردىڭ قاجەتىنە قاراي باعىتتامالى تۇردە كاسىپتىك جاقتان جەتەكشىلىك ەتۋ، ۇقىق – مۇددەسىن قامتاماسىزداندىرۋ جاعىندا قىزمەت وتەيدى. جەر – جەر ادام كۇشى بايىعى بازارىنداعى ءتارتىپتى باقىلاۋ – باسقارۋدى كۇشەيتۋى، قىزمەتكەر قابىلداۋعا قاتىستى جالعان ينفورماتسيالار جاريالاۋ قاتارلى زاڭ – تۇزىمگە قايشى ارەكەتتەردى زاڭ بويىنشا انىقتاپ ءبىرجاقتى ەتۋى، جۇمىستانۋ جاعىندا جىنىسى، جاسى قاتارلى جاقتاردا كەمسىتۋ جانە ۇيلەسىمسىز شەكتەمە قويۋ ارەكەتتەرىن باتىل تەجەۋى ءارى تۇزەتۋى كەرەك.

ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇڭگو الەۋمەتتىك قىزمەتكەر قابىلداۋ تورابىنىڭ (www.job.mohrss.gov.cn) ”2024 – جىلعى كۇز ماۋسىمىنداعى قىزمەتكەر قابىلداۋ ايى“ ينتەرنەتتىك نەگىزگى جيىن الاڭى پاراقشاسىنا سۇيەنە وتىرىپ، ينتەرنەت ارقىلى جۇمىستانۋ تورابى، جۇمىسشىلار ۇيىمىنىڭ جۇمىستانۋ جاعىندا قىزمەت وتەۋ ينتەرنەتتىك تەكشەسى، مەملەكەتتىك ونەركاسىپ – ساۋدا بىرلەستىگىنىڭ دارىندىلار جاعىندا اۋىس – كۇيىس جاساۋىنا قىزمەت وتەۋ ورتالىعىنىڭ تورابى (zhaopin.gslhr.org.cn)، قوعامدىق ۇيىمداردىڭ دارىندىلار جاعىندا اۋىس – كۇيىس جاساۋىنا قىزمەت وتەۋ جانە كۋرس وتكىزۋ تەكشەسى (https://px.chinanpo.mca.gov.cn/zp.html) قاتارلىلارمەن، سونداي – اق، جەر – جەردەگى بولىمشە جينالىس الاڭدارىمەن بايلانىس جاساپ، قىزمەتكەر قابىلداۋعا قاتىستى ينفورماتسيالاردى بىرلەسە جاريالادى.

كەلۋ قاينارى: حالىق تورابى