ۋ باڭگو جولداستىڭ سۇيەگى 10 - ايدىڭ 14 - كۇنى ورتەلەدى

شينحۋا اگەنتتىگى، 10 - ايدىڭ 12 – كۇنى، بەيجيڭ. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىنداردان وتكەن ادال كوممۋنيزم جاۋىنگەرى، ۇزدىك پرولەتاريات توڭكەرىسشىسى، ساياساتشى، پارتيا مەن مەملەكەتتىڭ كورنەكتى باسشىسى، جۇڭگو كوممۋنيستىك پارتياسى 14 - كەزەكتى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، 15 - كەزەكتى ورتالىق كوميتەت ساياسي بيۋروسىنىڭ مۇشەسى، 16 - كەزەكتى، 17 - كەزەكتى ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ بۇرىنعى ورىنباسارى، 10 - كەزەكتى، 11 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى ۋ باڭگو جولداستىڭ سۇيەگى 10 - ايدىڭ 14 - كۇنى بەيجيڭدە ورتەلەدى.

ۋ باڭگو جولداسقا ازا ءبىلدىرۋ ءۇشىن، 10 - ايدىڭ 14 - كۇنى استانا تيان - انمىندە، شينحۋامىندە، حالىق سارايىندا، سىرتقى ىستەر مينيسترلىگىندە، ولكەلىك، اۆتونوميالى رايوندىق، توتە قاراستى قالالىق پارتكوم مەن ۇكىمەت تۇرعان جەرلەردە، شياڭگاڭ ەرەكشە اكىمشىلىك رايونىندا، اۋمىن ەرەكشە اكىمشىلىك رايونىندا، شەكارا وتكەلدەرىندە، شەتەلگە باعىتتالعان كەمەجايلاردا، اۋەجايلاردا، جۇڭگونىڭ شەتەلدەگى ەلشىحانالارى مەن كونسۋلحانالارىندا تۋ جارتىلاي ءتۇسىرىلىپ ازا بىلدىرىلەدى.

كەلۋ قاينارى: حالىق تورابى