شي جينپيڭ ەفيوپيانىڭ جاڭادان تاعايىندالعان زۇڭتۇڭى تايەگە قۇتتىقتاۋ تەلەگرامماسىن جولدادى

شينحۋا اگەنتتىگى، 10 - ايدىڭ 12 – كۇنى، بەيجيڭ. 10 - ايدىڭ 12 - كۇنى مەملەكەت ءتوراعاسى شي جينپيڭ تايە اتسكە - سەلاسي امدەگە تەلەگرامما جولداپ، ونىڭ ەفيوپيا فەدەراتسيالىق دەموكراتيالىق رەسپۋبليكاسىنىڭ زۇڭتۇڭدىعىنا تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو - ەفيوپيا قارىم - قاتىناسى جان - جاقتى، جەدەل دامىپ، ەكى ەلدىڭ ساياسي ءوزارا سەنىمدىلىگى ءۇرتىس تەرەڭدەپ، ءتۇرلى سالاداعى ناقتى ىستەر سەلبەستىگىندە سۇبەلى جەتىستىكتەرگە قول جەتتى. مەن جۇڭگو - ەفيوپيا قارىم - قاتىناسىنىڭ دامۋىنا ايرىقشا ءمان بەرەمىن، تايە زۇڭتۇڭمەن بىرگە قۇلشىنىپ، 2024 - جىلعى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، جۇڭگو مەن ەفيوپيانىڭ بارلىق جاعدايدا بىردەي ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ جەتىستىكتەرگە قول جەتكىزۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى