لي چياڭ ۆيەتنامنىڭ زۇڭليى فان ميڭجىڭمەن كەڭەس وتكىزدى

سول جەر ۋاقىتى 10 - ايدىڭ 13 – كۇنى مەملەكەتتىك كەڭەستىڭ زۇڭليى لي چياڭ ۆيەتنام ۇكىمەتى تۇرعان جەردە ۆيەتنامنىڭ زۇڭليى فان ميڭجىڭمەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن

«حالىق گازەتى»، 10 - ايدىڭ 13 – كۇنى، حانوي (تىلشىلەر چىن شاڭۋىن، ياڭ يە). سول جەر ۋاقىتى 10 - ايدىڭ 13 – كۇنى مەملەكەتتىك كەڭەستىڭ زۇڭليى لي چياڭ ۆيەتنام ۇكىمەتى تۇرعان جەردە ۆيەتنامنىڭ زۇڭليى فان ميڭجىڭمەن كەڭەس وتكىزدى.

لي چياڭ مىنالاردى ءبىلدىردى: بيىل 8 - ايدا باس شۋجي، مەملەكەت ءتوراعاسى شي جينپيڭ باس شۋجي، مەملەكەت ءتوراعاسى سۋ لينمەن ديدارلاسىپ، جۇڭگو - ۆيەتنام قارىم - قاتىناسىن دامىتۋعا جاڭا جوبا جاساپ، جاڭا قوزعاۋشى كۇش ۇستەدى. جۇڭگو جاق ۆيەتنام جاقپەن بىرگە ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جوعارى جىكتەگىلەردىڭ قارىم - قاتىناسىن ساقتاپ، ءوزارا سەنىمدىلىكتى ۇزدىكسىز كۇشەيتىپ، تاتۋ كورشىلىك دوستىقتىڭ اۋەلگى ماقساتىنان جازباي، جول - ءتۇزىم سەنىمىن بەكەمدەپ، بەكىمدى كۇشەيتىپ، جان - جاقتى ستراتەگيالىق سەلبەستىكتى ۇزدىكسىز كەڭەيتىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىن تەرەڭدەتۋدى قالايدى.

لي چياڭ بىلاي دەپ اتاپ كورسەتتى: جۇڭگو مەن ۆيەتنام − وركەندەپ كەلە جاقتان ەلدەر، ەكەۋى دە وسىزامانداندىرۋ قۇرىلىسىنىڭ شەشۋشى كەزەڭىندە تۇر، جۇڭگو جاق ۆيەتنامنىڭ ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ورنىقتى ءجۇرۋىن باتىل قولدايدى، ۆيەتناممەن دامۋ ستراتەگياسىن ۇشتاستىرۋدى كۇشەيتىپ، جۇڭگو مەن ۆيەتنامنىڭ ەكى جاقتى سەلبەستىككە جەتەكشىلىك ەتۋ كوميتەتى مەحانيزمىنىڭ رولىن تولىق ساۋلەلەندىرىپ، ”ءبىر بەلدەۋ، ءبىر جولدى“ بىرگە قۇرۋ باستاماسى مەن ”ەكى ءدالىز، ءبىر شەڭبەر“ جۇلگەسىندەگى ءتۇيىلىسۋ سەلبەستىك جوباسىن ويداعىداي تياناقتاندىرىپ، ۇلاستىرۋ - تۇتاستىرۋ، ساۋدا، قارجى قوسۋ جانە ساياحات، ەمدەۋ، اپاتتان ساقتانۋ، اپات زيانىن ازايتۋ سياقتى سالالارداعى سەلبەستىكتى تەرەڭدەتىپ، ءوز اقشاسىمەن ەسەپ جابۋ سەلبەستىگىن كەڭەيتىپ، سيفرلى ەكونوميكا، جاسىل دامۋ سياقتى جاڭادان گۇلدەنگەن كاسىپ سالاسى سەلبەستىگىن كەڭەيتىپ، ءار سالاداعى سەلبەستىكتىڭ ساپاسىن، دارەجەسىن جوعارىلاتۋدى ۇزدىكسىز ىلگەرىلەتۋدى قالايدى. ەكى جاق كەلەر جىلى جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن جانە ”جۇڭگو - ۆيەتنام گۋمانيتارلىق اۋىس - كۇيىس جىلىن“ وراي ەتىپ، گۋمانيتارلىق اۋىس - كۇيىستى ونان ارى تەرەڭدەتىپ، ەكى ەل حالىقتارىنىڭ، اسىرەسە، جاس بۋىنداردىڭ ءوزارا تۇسىنىستىگى مەن سۇيىسپەنشىلىگىن نىعايتىپ، جۇڭگو مەن ۆيەتنامنىڭ دوستىق ىستەرىن ۇرپاقتان - ۇرپاققا جالعاستىرۋى كەرەك. ەكى جاق دوستىق كەڭەسۋگە تاباندى بولىپ، الاۋىزدىقتاردى ۇيلەسىمدى ءبىر جاقتى ەتىپ، تەڭىزدەگى سەلبەستىكتى كەڭەيتۋى كەرەك. جۇڭگو جاق ۆيەتنام جاقپەن بىرلەسكەن مەملەكەتتەر ۇيىمى، ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى تۇعىرلاردا سايكەسۋدى، سەلبەسۋدى كۇشەيتىپ، دۇنيە جۇزىلىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، قالىڭ وركەندەپ كەلە جاتقان ەلدەردىڭ مۇددەسىن قورعاپ، حالىقارالىق قوعامدى ادامزاتتىڭ تاعدىرلاس ورتاق تۇلعاسىن بىرگە قۇرۋعا جەتەكتەۋدى قالايدى.

فان ميڭجىڭ مىنالاردى ءبىلدىردى: ۆيەتنام مەن جۇڭگودا جولداس ۇستىنە باۋىرلاستىق ەتەنە قارىم - قاتىناس بار، ءداستۇرلى دوستىق ۋاقىت وتكەن سايىن جاڭارىپ كەلەدى. جۇڭگو − ۆيەتنامنىڭ بارلىق سىرتقى ساياساتىنىڭ الدىمەن ەسكەرىلەتىن بەتالىسىن جيناقتاعان بىردەن - ءبىر مەملەكەت، جۇڭگومەن قارىم - قاتىناستى دامىتۋ − ۆيەتنام پارتياسى مەن ۇكىمەتىنىڭ ماڭداي الدى تۇرعىسى جانە ستراتەگيالىق تالعامى. ۆيەتنام جاق ءبىر جۇڭگو پرينسيبىنە تاباندى بولادى، جۇڭگونىڭ دامۋىن، زورايۋىن قولدايدى، ءتوراعا شي جينپيڭ العا قويعان جەلىلەس دۇنيە جۇزىلىك باستامالاردى قولدايدى. جۇڭگو جاقتىڭ ۆيەتنامعا ۇزاق ۋاقىتتان بەرى كورسەتكەن قولداۋى مەن كومەگىنە العىس ايتامىن. كەلەر جىل − ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى، ۆيەتنام جاق جۇڭگو جاقپەن ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن جەتەكشى ەتىپ، جوعارى جىكتەگىلەردىڭ بارىس - كەلىسىن جيىلەتىپ، دامۋ ستراتەگياسىن ۇشتاستىرۋدى كۇشەيتىپ، فينانس، قارجى قوسۋ، اۋىل شارۋاشىلىعى، عىلىم - تەحنيكا سياقتى سالالارداعى سەلبەستىكتى ىلگەرىلەتىپ، قاتىناس نەگىزدىك قۇرىلعىلارىن ۇلاستىرۋ - تۇتاستىرۋدى جەدەلدەتىپ، شەكارا اتتاعان ەكونوميكالىق سەلبەستىك رايونى سياقتى جاڭا ۇلگىلەر جونىندە ىزدەنىس جاساپ، سيفرلى ەكونوميكا، جاسىل دامۋ سياقتى جاڭادان گۇلدەنگەن سالالارداعى سەلبەستىكتى كەڭەيتىپ، وقۋ - اعارتۋ، ساياحات، جاستار اۋىس - كۇيىسىن جيىلەتۋدى قالايدى. ۆيەتنام جاق جۇڭگو جاقپەن كوپ جاقتى سەلبەستىكتى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى. ەكى جاق ەكى پارتيانىڭ، ەكى ەلدىڭ جوعارى جىكتەگىلەرىنىڭ ورتاق تانىمىن تياناقتاندىرىپ، الاۋىزدىقتاردى دوستىق كەڭەس ارقىلى ۇيلەسىمدى تىزگىندەۋگە تاباندى بولىپ، تەڭىزدەگى بەيبىتشىلىك پەن ورنىقتىلىقتى بىرگە قورعاۋى كەرەك.

كەڭەستەن كەيىن ەكى ەل زۇڭليلەرى ۇلاستىرۋ - تۇتاستىرۋ، اۋىل شارۋاشىلىق ونىمدەرى، كەدەن، فينانس، ادام كۇشى بايلىعى، اقپارات قۇرالدارى، وقۋ - اعارتۋ سياقتى سالالارداعى سەلبەستىك ءماتىنىن اۋىستىرۋ سالتىنا بىرگە قاتىناستى.

كەڭەستەن بۇرىن فان ميڭجىڭ لي چياڭعا ارناپ قارسى الۋ سالتىن وتكىزدى. لي چياڭ حۋ جىميڭنىڭ قابىرىن ىززەت - قۇرمەتپەن كوردى ءارى گۇل شەڭبەر قويدى.

ساپار كەزىندە ەكى جاق «جۇڭحۋا حالىق رەسپۋبليكاسى مەن ۆيەتنام سوتسياليستىك رەسپۋبليكاسىنىڭ بىرلەسكەن مالىمدەمەسىن» جاريالايدى.

كەلۋ قاينارى: حالىق تورابى