جاڭا ءداۋىردىڭ جاڭا جورىعىنداعى اسكەري ىستەر نازاريالىق قىزمەتىن جاپپاي كۇشەيتىپ، جۇڭگوشا وسىزامانعى اسكەري ىستەر نازاريالىق جۇيەسىن قۇرۋ كەرەك

شينحۋا اگەنتتىگى، 10 - ايدىڭ 15 - كۇنى، بەيجيڭ. بۇكىل ارميانىڭ اسكەري ىستەر نازاريا قىزمەتى ءماجىلىسى 10 - ايدىڭ 14 - كۇنىنەن 15 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەردى. ول بىلاي دەپ باسا دارىپتەدى: اسكەري ىستەر نازارياسىنىڭ وسىزاماندانۋى − مەملەكەت قورعانىسى مەن ارميانى وسىزامانداندىرۋدىڭ ماڭىزدى قۇرامداس بولىگى، ارميانى قۇدىرەتتەندىرۋ ىستەرىنىڭ دامۋىندا ماڭىزدى جەتەكشىلىك رول اتقارادى. جاڭا ءداۋىردىڭ جاڭا جورىعىندا دۇنيە ءجۇزىنىڭ 100 جىلدىق وزگەرىس جەدەل قۇبىلىپ، جاڭا اسكەري توڭكەرىس ۇشقان قۇستاي دامىپ، ەلىمىزدىڭ حاۋىپسىزدىگى مەن دامۋ قاجەتىندە تەرەڭ وزگەرىس تۋىلىپ، ارميانى قۇدىرەتتەندىرۋ نىساناسى مەن مىندەتىن جۇزەگە اسىرۋ ءتىپتى دە كوكەي تەستى بولىپ وتىر، اسكەري ىستەر نازارياسى قىزمەتىن، ءسوز جوق، جاپپاي كۇشەيتۋ كەرەك. جاڭا داۋىردەگى ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، ماركسيزمنىڭ نەگىزگى قاعيداسىن حالىق ارمياسى قۇرىلىسىنىڭ امالياتىمەن ۇشتاستىرۋعا تاباندى بولىپ، جۇڭحۋانىڭ تاڭداۋلى ءداستۇرلى اسكەري ىستەر مادەنيەتىنىڭ جاۋھارىن قابىلداپ، سوعىس مايدانىن، اسكەري ءبولىمدى، بولاشاقتى بەتكە الۋعا تاباندى بولىپ، عىلىم - تەحنيكا وزگەرىسىن، سوعىس وزگەرىسىن، قارسىلاس وزگەرىسىن قاداعالاپ، جاڭا تاريحي شارت - جاعدايدا سوعىس دايىندىعى كەلەلى ماسەلەسىن زەرتتەۋدى مىقتى يگەرىپ، اسكەري ىستەر نازارياسىندا جاڭالىق اشۋدىڭ جوعارى دەڭگەيلى جوباسىن ساپالىلاندىرىپ، اسكەري ىستەر نازارياسىن زەرتتەۋ ۇلگىسىن جاقسارتىپ، اسكەري ىستەر نازارياسىنىڭ كادەگە جاراۋىن، قولدانىلۋىن كۇشەيتىپ، جۇڭگوشا ەرەكشەلىككە يە وسى زامانعى اسكەري ىستەر نازارياسى جۇيەسىن ورناتىپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋعا، دۇنيە جۇزىندەگى بىرەگەي ارميا قۇرۋدى جەدەلدەتۋگە عىلمي تىرەك جانە جەتەكشىلىك ازىرلەۋ كەرەك.

ءماجىلىس ءتوراعا شي جينپيڭنىڭ ماڭىزدى نۇسقاۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا ماجىلىسكە قاتىناستى ءارى ءسوز سويلەپ، مىنالاردى تالاپ ەتتى: ءتوراعا شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، دۇنيە جۇزىندەگى بىرەگەي ارميانى جاپپاي قۇرىپ شىعۋدى كوزدەپ، نازاردى ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزۋگە شوعىرلاندىرىپ، اسكەري ىستەر نازارياسىن وسىزامانداندىرۋدى جەدەلدەتۋ بورىشىن ىشكەرىلەي يگەرىپ، جاڭا داۋىردەگى سوعىس جانە سوعىس جۇرگىزۋ نازارياسىن ىشكەرىلەي زەرتتەپ، نازاريالىق مازمۇن جۇيەسىن ورناتۋ، ۇيىمدىق باسقارۋ جۇيەسىن ورناتۋ، زەرتتەۋ كۇشى جۇيەسىن كۇشەيتۋ، ساياسات، ءتۇزىم جۇيەسىن كەمەلدەندىرۋ سياقتى جاقتاردا قامال الىپ، جاڭا ءداۋىردىڭ جاڭا جورىعىندا اسكەري ىستەر نازارياسى قىزمەتىنىڭ جاڭا جاعدايىن ۇزدىكسىز اشۋ كەرەك.

ءماجىلىس اسكەري ىستەر نازارياسىن وسىزامانداندىرۋدى جەدەلدەتۋگە قاتىستى ماسەلەلەردى اقىلداسىپ، تالقىلاپ، مىندەت ءبولىسى مەن تياناقتاندىرۋ شارالارىن اشالاپ، ايقىندادى، 6 ورىننىڭ جاۋاپتىلارى ماجىلىستە پىكىر اۋىستىرىپ، ءسوز سويلەدى.

اسكەري ىستەر كوميتەتى ورگانىنداعى ءارقايسى مينيسترلىكتەر مەن كوميتەتتەردەگى، اسكەري ىستەر كوميتەتىنە توتە قاراستى قۇرىلىمدارداعى، اسكەري ىستەر كوميتەتى بىرىككەن سوعىس قولباسشىلىق ورتالىعىنداعى، ءارقايسى سوعىس رايوندارىنداعى، ءارقايسى ارميا، اسكەر تۇرلەرىندەگى، اسكەري ىستەر كوميتەتىنە توتە قاراستى ورىندارداعى، قارۋلى ساقشى بولىمدەرىندەگى قاتىستى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى