«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

شينحۋا اگەنتتىگى، 10 - ايدىڭ 15 - كۇنى، بەيجيڭ. ادەبيەت - كوركەمونەر قىزمەتى اڭگىمە ءماجىلىسى اشىلعاندىعىنىڭ 10 جىلدىعى قارساڭىندا، 10 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 20 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2014 - جىلى 10 - ايدىڭ 15 - كۇنگى «ادەبيەت - كوركەمونەر قىزمەتى اڭگىمە ماجىلىسىندە سويلەگەن ءسوزىن» قايتادان جاريالايدى.

سوزدە بىلاي دەپ باسا دارىپتەلدى: ادەبيەت - كوركەمونەر ىستەرى − پارتيا مەن حالىقتىڭ كەلەلى ءىسى، ادەبيەت - كوركەمونەر شەبى − پارتيا مەن حالىقتىڭ ماڭىزدى شەبى. ادەبيەت - كوركەمونەر − ءداۋىردىڭ العا باسۋىنىڭ ۇرانى، ول ءبىر ءداۋىردىڭ بەت - بەينەسىنە ۋاكىلدىك ەتەدى، ءبىر ءداۋىردىڭ سالتىنا جەتەكشىلىك ەتەدى. ”ەكى 100 جىلدىق“ كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ادەبيەت - كوركەمونەردىڭ ورنىن وگەيسىتۋگە بولمايدى، ادەبيەت - كوركەمونەر قىزمەتكەرلەرىنىڭ بولاشاعى زور. قالىڭ ادەبيەت - كوركەمونەر قىزمەتكەرلەرى ادەبيەت - كوركەمونەردىڭ ورنى مەن رولىن وسىنداي بيىك تۇرعىدان تانىپ، وزدەرىنىڭ ارقالاعان تاريحي بورىشى مەن جاۋاپكەرشىلىگىن تانىپ، حالىقتى وزەك ەتكەن جاسامپازدىق بەتالىسىنا تاباندى بولىپ، ءداۋىردىڭ قالاۋىنان شىعاتىن ءتىپتى دە كوپ تاڭداۋلى تۋىندىلاردى قۇلشىنا جاراتىپ، جۇڭگو رۋحىن ساۋلەلەندىرىپ، جۇڭگو كۇشىن ۇيىستىرىپ، بۇكىل ەلدەگى ءار ۇلت حالقىن جالىندى جىگەرمەن بولاشاققا قادام تاستاۋعا شابىتتاندىرۋى كەرەك.

سوزدە بىلاي دەپ اتاپ كورسەتىلدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭحۋا مادەنيەتىنىڭ گۇلدەنىپ - كوركەيۋىنە مۇقتاج. ادەبيەت - كوركەمونەر مەن ادەبيەت - كوركەمونەر قىزمەتكەرلەرىنىڭ ماڭىزدى رولىنا، ءسوز جوق، ايرىقشا ءمان بەرۋ جانە ونى تولىق ساۋلەلەندىرۋ كەرەك. تاريح پەن رەالدىق جۇڭحۋا ۇلتىنىڭ قۇدىرەتتى مادەنيەت جاسامپازدىق قۋاتىنا يە ەكەندىگىن دالەلدەدى. ءار رەتكى كەلەلى تاريحي ساتتەردە مادەنيەت مەملەكەت تاعدىرىنىڭ وزگەرىسىن سەزىنىپ، ءداۋىردىڭ الدىڭعى لەگىندە ءجۇرىپ، ءداۋىردىڭ بەتاشارى بولىپ، ءجۇز ميلليونداعان حالىققا، ۇلى وتانعا دابىل قاعادى. رۋحاني تۋ ۇستاۋ، رۋحاني تىرەك ورناتۋ، رۋحاني مەكەن قۇرۋ ادەبيەت - كوركەمونەردەن ايرىلا المايدى. ەلىمىزدىڭ جازۋشىلارى مەن كوركەمونەرشىلەرى ءداۋىر سالتىنىڭ سەركەسى، باستاماشىسى، دارىپتەۋشىسى بولىپ، ءتىپتى دە كوپ ءنارلى، ءمورالدى، مەيىرگە تولى ادەبيەت - كوركەمونەر تۋىندىلارى ارقىلى حالىقتىڭ ۇلى امالياتىن، ءداۋىردىڭ العا باسۋ تالابىن جازۋى جانە ەستەلىككە الۋى كەرەك.

سوزدە مىنالار اتاپ كورسەتىلدى: ءبىر ءداۋىردىڭ ادەبيەت - كوركەمونەر جەتىستىكتەرىن ولشەۋدە ەڭ سوڭىندا تۋىندىعا قاراۋ كەرەك. ادەبيەت - كوركەمونەردىڭ گۇلدەنىپ - كوركەيۋىن ىلگەرىلەتۋدە، ەڭ ءتۇبىرلىسى، ۇلى ۇلتىمىزعا، ۇلى داۋىرىمىزگە لايىق تاڭداۋلى تۋىندىلار جاراتۋ كەرەك. تاڭداۋلى تۋىندىلاردى جاراتۋدى، ءوندىرۋدى ادەبيەت - كوركەمونەر قىزمەتىنىڭ وزەكتى بۋىنى ەتىپ، زامانىمىزداعى جۇڭگونىڭ قۇن كوزقاراسىن تاراتاتىن، جۇڭحۋا مادەنيەتىنىڭ رۋحىن ايگىلەيتىن، جۇڭگولىقتاردىڭ ەستەتيكالىق تالپىنىسىن بەينەلەيتىن، يدەيالىعى، كوركەمدىگى، تارتىمدىلىعى ورگانيكالى بىرلىككە كەلگەن ءتىپتى دە كوپ تاڭداۋلى تۋىندىلاردى جاراتۋعا قۇلشىنۋ كەرەك. جاڭالىق جاراتۋ − ادەبيەت - كوركەمونەردىڭ جانى. جاڭالىق اشۋ رۋحىن ادەبيەت - كوركەمونەر شىعارماشىلىعى ءوندىرىسىنىڭ تۇتاس بارىسىنا ءسىڭىرىپ، ادەبيەت - كوركەمونەر ءتول جاسامپازدىق قابىلەتىن كۇشەيتۋ كەرەك. ادەبيەت - كوركەمونەر جاسامپازدىعىن گۇلدەندىرۋدە، ادەبيەت - كوركەمونەردە جاڭالىق جاراتۋدى ىلگەرىلەتۋدە، ءسوز جوق، ءمورالى مەن ونەرى بىردەي جەتىلگەن كوپتەگەن تانىمال ادەبيەت - كوركەمونەر قايراتكەرلەرى بولۋ كەرەك. ادەبيەت - كوركەمونەر قوسىنى قۇرىلىسىن اناعۇرلىم كورنەكتى، ماڭىزدى ورىنعا قويىپ، ءار سالاداعى ىقپالدى ادەبيەت - كوركەمونەر سەركەلەرىنىڭ ءبىر توبىن قۇلشىنا دايىنداپ، ادەبيەت - كوركەمونەرشىلەردىڭ ايبىندى قوسىنىن قۇرۋ كەرەك.

سوزدە مىنالار اتاپ كورسەتىلدى: سوتسياليستىك ادەبيەت - كوركەمونەر، ءمانى جاعىنان العاندا، حالىقتىڭ ادەبيەت - كوركەمونەرى. ادەبيەت - كوركەمونەر حالىقتىڭ جۇرەك ءۇنىن ويداعىداي بەينەلەۋ ءۇشىن، حالىق ءۇشىن، سوتسياليزم ءۇشىن قىزمەت ىستەۋ سىندى ءتۇبىرلى بەتالىسقا تاباندى بولۋى كەرەك. بۇل − پارتيانىڭ ادەبيەت - كوركەمونەر شەبىنە قويعان نەگىزگى تالابى، سونداي - اق ەلىمىزدىڭ ادەبيەت - كوركەمونەر ىستەرىنىڭ بولاشاعى مەن تاعدىرىن بەلگىلەيتىن تەتىك. ءبىرىنشى، حالىق ادەبيەت-كوركەمونەرگە مۇقتاج. حالىقتىڭ كۇن سايىن ارتىپ وتىرعان رۋحاني مادەنيەت قاجەتىن قاناعاتتاندىرۋ ءۇشىن، ءسوز جوق، مادەنيەت قۇرىلىسىن ويداعىداي يگەرىپ، قوعامنىڭ رۋحاني مادەنيەت بايلىعىن مولايتۋ كەرەك. ەكىنشى، ادەبيەت - كوركەمونەر حالىققا مۇقتاج. تاڭداۋلى تۋىندىلاردى جاراتا الۋ - الماۋدىڭ ەڭ ءتۇبىرلى سەبەبى، حالىق ءۇشىن جازعان - جازباعاندىعىندا، حالىق ءۇشىن كوڭىل كۇيىن بىلدىرە العان - الماعاندىعىندا، حالىقتىڭ سەزىمىن بەينەلەي العان - الماعاندىعىندا. ءۇشىنشى، ادەبيەت - كوركەمونەر حالىقتى قىزۋ ءسۇيۋى كەرەك. ادەبيەت - كوركەمونەر جاسامپازدىعىنىڭ سان الۋان بار، ءبىراق ەڭ ءتۇبىرلى، ەڭ شەشۋشى، ەڭ سەنىمدى ءادىسى حالىققا تامىر تارتۋ، ومىرگە تامىر تارتۋ. ءبىر جاقسى تۋىندى حالىقتىڭ باعاسىنان، مامانداردىڭ باعاسىنان، بازاردىڭ سىنىنان وتە الاتىن تۋىندى، قوعامدىق ونىمدىلىكتى ماڭداي الدى ورىنعا قويۋمەن بىرگە، قوعامدىق ونىمدىلىك پەن ەكونوميكالىق ونىمدىلىك ءوزارا ۇشتاسقان تۋىندى بولۋعا ءتيىس. ادەبيەت - كوركەمونەر بازاردىڭ قۇلى بولماۋى، پايداقۇمارلىققا سالىنباۋى كەرەك.

سوزدە بىلاي دەپ اتاپ كورسەتىلدى: جۇڭگو رۋحى − سوتسياليستىك ادەبيەت - كوركەمونەردىڭ جانى. ءار ءداۋىردىڭ وزىنە ءتان داۋىرلىك رۋحى بولادى. ادەبيەت - كوركەمونەر − جان جۇيەنى سومدايتىن ينجەنەريا، ادەبيەت - كوركەمونەر قىزمەتكەرلەرى − جان جۇيەنىڭ ينجەنەرلەرى. قالىڭ ادەبيەت - كوركەمونەر قىزمەتكەرلەرى سوتسياليستىك وزەكتى قۇن كوزقاراسى تۋىن بيىك ۇستاپ، ارقالاعان جاۋاپكەرشىلىكتەرىن جەتە تانىپ، سوتسياليستىك وزەكتى قۇن كوزقاراسىن جاندى دا جالىندى، يكەمدى تۇردە ادەبيەت - كوركەمونەر جاسامپازدىعىندا ايگىلەۋى كەرەك. وتانشىلدىقتى ادەبيەت - كوركەمونەر جاسامپازدىعىنىڭ نەگىزگى اۋەنى ەتىپ، حالىقتى دۇرىس تاريح كوزقاراسىن، ۇلت كوزقاراسىن، مەملەكەت كوزقاراسىن، مادەنيەت كوزقاراسىن ورناتۋعا جانە وعان تاباندى بولۋعا جەتەكتەپ، جۇڭگولىقتاردىڭ جالىنى مەن سەنىمىن كۇشەيتۋ كەرەك. ادەبيەت - كوركەمونەر تۋىندىلارى ارقىلى شىنايىلىقتى، ىزگىلىكتى، سۇلۋلىقتى جەتكىزىپ، ورگە، ىزگىلىككە ۇمتىلاتىن قۇن كوزقاراسىن جەتكىزىپ، ادامداردى ءمورالدى دارىپتەيتىن، ءمورالعا قۇرمەت ەتەتىن، ءمورالعا بويسۇناتىن تۇرمىسقا ىنتىعۋعا جانە تالپىنۋعا جەتەكتەۋ كەرەك. جاڭا ءداۋىردىڭ شارت - جاعدايىمەن ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋ جانە ونى ساۋلەلەندىرۋ، جۇڭحۋانىڭ ەستەتيكا رۋحىنا مۇراگەرلىك ەتۋ جانە ونى ساۋلەلەندىرۋ كەرەك.

سوزدە بىلاي دەپ اتاپ كورسەتىلدى: پارتيانىڭ ادەبيەت - كوركەمونەر قىزمەتىنە باسشىلىعىن كۇشەيتۋ جانە جاقسارتۋ كەرەك. پارتيانىڭ باسشىلىعى − سوتسياليستىك ادەبيەت - كوركەمونەردى دامىتۋدىڭ ءتۇبىرلى كەپىلى. مىناداي ەكى ءتۇيىندى مىقتى يگەرۋ كەرەك: ءبىرىنشى، ادەبيەت - كوركەمونەر قىزمەتكەرلەرىنە بەرىك سۇيەنۋ، ەكىنشى، ادەبيەت - كوركەمونەردىڭ زاڭدىلىعىنا قۇرمەت ەتۋ جانە وعان بويسۇنۋ كەرەك. ادەبيەت - كوركەمونەر سىنى قىزمەتىنە ايرىقشا ءمان بەرىپ جانە ونى شىنايى كۇشەيتىپ، تۋىندىنى تاريحي، حالىقتىق، كوركەمونەرلىك، ەستەتيكالىق كوزقاراستاردان پايدالانىپ باعالاۋ جانە ساراپتاۋ، شىن سويلەۋدى، ءجون - جوسىقتى ءتۇسىندىرۋدى دارىپتەپ، ادەبيەت - كوركەمونەر سىنىن ورىستەتۋدىڭ تاماشا ورتاسىن جاراتۋ كەرەك.

كەلۋ قاينارى: حالىق تورابى