نىسانانى مىقتى يگەرىپ، ءبىر جوبانى سوڭىنا دەيىن ىسكە اسىرىپ، جۇڭگو ۇلگىسىندەگى وسىزامانداندىرۋ قۇرىلىسىندا ەرلىكپەن العا ۇمتىلۋ كەرەك

10 - ايدىڭ 15 - كۇنىنەن 16 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ فۋجياندا قىزمەت تەكسەردى. سۋرەتتە: 10 - ايدىڭ 15 - كۇنى تۇستەن كەيىن شي جينپيڭ جاڭجوۋ قالاسى دۇڭشان اۋدانى چىنچىڭ قالاشىعى اۋجياۋ قىستاعىندا قىزمەت تەكسەرگەن كەزدە بالىقشىلارمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

10 - ايدىڭ 15 - كۇنىنەن 16 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ فۋجياندا قىزمەت تەكسەردى. سۋرەتتە: 10 - ايدىڭ 16 - كۇنى تۇستەن بۇرىن شي جينپيڭ جۇڭگو (فۋجيان) ەركىن ساۋدا سىناق رايونىنىڭ شيامىن اۋماعىندا قىزمەت تەكسەرگەندە جالپىلىق قىزمەت وتەۋ زالىنىڭ تەرەزەلىك قىزمەتكەرلەرىمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 10 – ايدىڭ 16 – كۇنى، شيامىن. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا فۋجيان ولكەسىندە قىزمەت تەكسەرگەندە بىلاي دەپ باسا دارىپتەدى: فۋجيان پارتيا 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، مەحانيزمى جاندى، شارۋاشىلىعى ساپالى، حالقى باي، ەكولوگياسى كوركەم جاڭا فۋجيان قۇرۋ نىساناسىن مىقتى يگەرىپ، ءبىر جوبانى سوڭىنا دەيىن ىسكە اسىرىپ، وسىزاماندانعان ەكونوميكالىق جۇيە قۇرۋدى جەدەلدەتۋدە اناعۇرلىم زور ىلگەرىلەۋشىلىككە قول جەتكىزىپ، جاڭا دامۋ جاعدايىنا قىزمەت وتەۋ جانە توعىسۋ جاعىندا اناعۇرلىم زور ىسكەرلىك كورسەتىپ، بۇعازدىڭ ەكى جاعالاۋىنىڭ توعىسپالى دامۋىنىڭ جاڭا جولىندا اناعۇرلىم زور قادام تاستاپ، جوعارى ساپالى تۇرمىس جاراتۋ جاعىندا اناعۇرلىم زور قامال الىپ، رەفورمانى اناعۇرلىم جاپپاي تەرەڭدەتىپ، جوعارى ساپالى دامۋدى جان - جاقتى ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىندا ەرلىكپەن العا ۇمتىلۋى كەرەك.

10 - ايدىڭ 15 - كۇنىنەن 16 - كۇنىنە دەيىن شي جينپيڭ فۋجيان ولكەلىك پارتكومنىڭ شۋجيى جوۋ زۋ - ي مەن ولكە باستىعى جاۋ لۇڭنىڭ سەرىك بولۋىندا ىلگەرىندى - كەيىندى جاڭجوۋ، شيامىن سياقتى جەرلەرگە بارىپ، اۋىل - قىستاق، قىزىل وقۋ - اعارتۋ بازاسى، مادەني مۇرالاردى قورعاۋ ورنى، ەركىن ساۋدا سىناق رايونى سياقتى جەرلەردى ىشكەرىلەي ارالاپ تەكسەرۋ - زەرتتەۋ جۇرگىزدى.

10 - ايدىڭ 15 - كۇنى تۇستەن كەيىن شي جينپيڭ الدىمەن جاڭجوۋ قالاسىنىڭ دۇڭشان اۋدانىنا كەلىپ قىزمەت تەكسەردى. وسى اۋداننىڭ شىعىس وڭتۇستىك بولەگىندەگى چىنچىڭ قالاشىعى اۋجياۋ قىستاعىنىڭ ءۇش جاعى تەڭىزبەن جاناسىپ تۇرادى، تاياۋ جىلداردان بەرى تەڭىز ارقىلى قىستاقتى گۇلدەندىرۋ، تەڭىز ارقىلى قىستاقتى نىعايتۋ جاڭا جولىمەن ءجۇردى. شي جينپيڭ اۋمىن شىعاناعى تەڭىز ايدىنىنىڭ ورتاسىن جانە قىستاقتىڭ بەت - بەينەسىن جاياۋ ارالاپ كورىپ، قۇرعاتىلعان تەڭىز ونىمدەرى مەن بالىقشىلىق ونىمدەرىنىڭ ساۋدا جاعدايىن ەگجەي - تەگجەيلى ۇعىستى. كوپتەگەن تەڭىز ءونىمىن ساتىپ الۋ - ساتۋدىڭ كۇسەت بولىپ، قىستاق تۇرعىندارىنىڭ كىرىسىنىڭ ۇزدىكسىز ارتقانىن ەستىگەن شي جينپيڭ قاباعات قۋاندى. ول قورالاي كەلگەن قىستاق تۇرعىندارى مەن بالىقشىلارعا بىلاي دەدى: قىستاقتارىڭىزعا 23 جىلدىڭ الدىندا كەلگەنمىن، سول رەتكى ساپارىم كۇنى بۇگىنگە دەيىن ەسىمدە. وسى جولى قىستاققا كەلگەندە تۋىلعان زور وزگەرىستەردى كورىپ قاتتى قۋاندىم، قاتتى اسەرلەندىم. جاڭا ءداۋىردىڭ جاڭا جورىعىندا اۋىل - قىستاقتا، ءسوز جوق، اناعۇرلىم نۇرلى بولاشاق بولادى، شارۋالاردىڭ تۇرمىسى اناعۇرلىم باي - باقىتتى بولادى. قىستاق دارەجەلى پارتيا ۇيىمدارى جەتەكشىلىك رولىن ساۋلەلەندىرىپ، اۋىلداستاردى تەڭىزبەن بايلانىستى ىستەردى جاقسى ىستەۋگە باستاپ، اۋىل - قىستاقتى گۇلدەندىرۋ، بىرگە بايۋ جولىندا ۇدەرە العا تارتۋى كەرەك.

وسىدان كەيىن شي جينپيڭ گۋ ۋىنچاڭ ەسكەرتكىش سارايىنا كەلىپ، گۋ ۋىنچاڭ جولداستىڭ اسەرلى ىزگى ىستەرىمەن تانىسىپ، جەرگىلىكتى ورىننىڭ قىزىل گەندى جالعاستىرۋ جاعدايى جونىندەگى تانىستىرۋدى تىڭداپ، گۋ ۋىنچاڭ كادرلار شۋەيۋانىنىڭ وقىتۋشىلارىمەن، كۋرسانتتاردىڭ ۋاكىلدەرىمەن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى: كادرلاردىڭ قىزمەت ناتيجەسىنىڭ جاقسى بولۋ - بولماۋىن تارازىلاۋدىڭ تەتىگى بۇقارانىڭ القاعان - القاماعانىندا. ءار دارەجەلى باسشى كادرلار گۋ ۋىنچاڭ جولداستان ۇيرەنىپ، دۇرىس قىزمەت ناتيجەسى كوزقاراسىن بەرىك ورناتىپ، ءمانساپتى بولعاندا ءوز جەرىنە باقىت جاراتىپ، شىنايى يگەرىپ، ناقتى ىستەپ، ۇزاق ۋاقىت ۇلەس قوسىپ، حالىق بۇقاراسىنىڭ جۇرەگىنەن وشپەستەي ەڭبەك ءسىڭىرۋى كەرەك. گۋ ۋىنچاڭ جولداستان ۇيرەنۋدە ونى ۇلگى تۇتىپ قانا قويماي، ودان ونەگە الىپ، ادامگەرشىلىك جولىن سول سياقتى ۇستانىپ، سول سياقتى بيلىك جۇرگىزۋ كەرەك.

گۋاندي مادەنيەت كاسىپ باقشاسىندا شي جينپيڭ جەرگىلىكتى ورىننىڭ مادەنيەت مۇرالارىن قورعاۋدى كۇشەيتۋ، ەكى جاعالاۋدىڭ مادەنيەت اۋىس - كۇيىسىن ىلگەرىلەتۋ سياقتى جاعدايلار جونىندەگى تانىستىرۋىن تىڭدادى. ول بىلاي دەپ باسا دارىپتەدى: مادەنيەت مۇرالارى − اتا - بابالاردان قالعان باعالى بايلىق، ونى ويداعىداي قورعاۋ، ويداعىداي جالعاستىرۋ كەرەك.

10 - ايدىڭ 16 - كۇنى تۇستەن بۇرىن شي جينپيڭ شيامىندا جۇڭگو (فۋجيان) ەركىن ساۋدا سىناق رايونىنىڭ شيامىن اۋماعىندا قىزمەت تەكسەردى. ول ەركىن ساۋدا سىناق رايونى قۇرىلىسىنىڭ جەتىستىكتەر كورمەسىن ەكسكۋرسيالاپ، جەرگىلىكتى ورىننىڭ رەفورما جاساپ، ەسىك اشۋدى كەڭەيتۋ، بۇعازدىڭ ەكى جاعالاۋىنىڭ توعىسپالى دامۋىنىڭ جاڭا جولىن قاراستىرۋ سياقتى جاعدايلار جونىندەگى تانىستىرۋىن تىڭداپ، جالپىلىق قىزمەت وتەۋ زالىنىڭ تەرەزەلىك قىزمەتكەرلەرىمەن ءوزارا پىكىر اۋىستىردى. شي جينپيڭ بىلاي دەپ اتاپ كورسەتتى: شيامىن ەرەكشە رايونى 40 نەشە جىلدىق دامۋدى باستان كەشىرىپ، كەزىندە ويلاپ جەتە المايتىنداي وراسان زور وزگەرىستەر تۋىلدى. بۇگىنگى تاڭدا رەفورما جاساپ، ەسىك اشۋدى يگەرۋدە مەيلى تەرەڭدىك بولسىن، الدە كەڭدىك بولسىن، تالاپ بۇرىنعىدان دا جوعارى بولۋدا. فۋجيان مەن شيامىن جاعدايدىڭ دامۋىنا ۇيلەسىپ، تۇزىمدىك ەسىك اشۋدى ورنىقتى ىلگەرىلەتىپ، حالىقارالىق جوعارى ولشەممەن ىشكەرىلەي ۇشتاستىرىپ، تۇزىمدىك، ساياساتتىق جەتىستىكتەردى كوبىرەك جاراتىپ، جوعارى دەڭگەيدەگى سىرتقا ەسىك اشۋدى كەڭەيتۋگە تاعى دا تىڭ ۇلەس قوسۋى كەرەك.

10 - ايدىڭ 16 - كۇنى تۇستەن كەيىن شي جينپيڭ شيامىندا فۋجيان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، فۋجياننىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى ءارى كەلەسى قادامداعى قىزمەتتەر جونىندە ايقىن تالاپ قويدى.

شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتۋدە جاڭا جول اشۋ كەرەك. جاپپاي جاڭالىق اشۋدى قولدايتىن ءتۇزىلىس، مەحانيزمدى جەدەل ورناتىپ، وقۋ - اعارتۋ، عىلىم - تەحنيكا دارىندىلارىنىڭ ءتۇزىلىس، مەحانيزمىن ءبىر تۇلعالاندىرۋ رەفورماسىن ءبىر تۇتاس جوسپارلاپ ىلگەرىلەتىپ، قۋاتتى عىلىم - تەحنيكا جاسامپازدىعى تۇعىرى قۇرىلىسىن كۇشەيتىپ، عىلىم - تەحنيكادا كەلەلى قامال الۋ ارەكەتىن اتقارىپ، كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، فينانس جاعىنان عىلىم - تەحنيكادا جاڭالىق اشۋدى قولداۋ ساياساتى مەن مەحانيزمىن كەمەلدەندىرىپ، اناعۇرلىم كەمەلدى جاڭالىق اشۋ ورتاسىن، اناعۇرلىم باۋراۋ قۋاتىنا يە دارىندىلار ورتاسىن قالىپتاستىرۋ كەرەك. ناقتى ەكونوميكانىڭ ابزالدىعىن بەكەمدەپ، تيپىن وزگەرتىپ، دارەجەسىن جوعارىلاتۋدى كۇش سالا ىلگەرىلەتىپ، ستراتەگيالىق جاڭادان گۇلدەنگەن كاسىپ سالالارىن جەتىلدىرىپ جانە زورايتىپ، بولاشاق كاسىپ سالالارىن كورەگەندىكپەن ورنالاستىرىپ، جەرگىلىكتى جاعدايعا قاراي جاڭا وندىرگىش كۇشتەردى دامىتىپ، كاسىپ سالالارى دامۋىنىڭ جاڭا ابزالدىعىن قالىپتاستىرۋ كەرەك.

شي جينپيڭ بىلاي دەپ باسا دارىپتەدى: رەفورمانى جاپپاي تەرەڭدەتۋ، جوعارى دەڭگەيدە ەسىك اشۋدى كەڭەيتۋ جاعىندا ەرلىكپەن العا ۇمتىلۋ كەرەك. نازاردى ءتۇيىندى سالالار مەن شەشۋشى بۋىندارعا شوعىرلاندىرىپ، ەكونوميكالىق ءتۇزىلىس رەفورماسىنىڭ جەتەكتەۋ رولىن كورنەكتىلەندىرىپ، ۇزدىكسىز باتىلدىقپەن سىناق ەتۋ، باتىلدىقپەن ىستەۋ، دەربەس وزگەرتۋ كەرەك. ”ەكىدەن استە اۋىتقىماۋعا“ تاباندى بولىپ، ”جينجياڭ تاجىريبەسىن“ جاڭالىق اشا دامىتىپ، تۇتاس قوعامنىڭ قارجى قوسۋ، يگىلىك جاراتۋ ومىرشەڭدىك كۇشىن تولىق تاسقىنداتۋ كەرەك. نازاردى حالىق بۇقاراسىنىڭ ويلاعانىنا، ارمان - تىلەگىنە شوعىرلاندىرىپ، حالىق تۇرمىسى سالاسىنداعى ءتۇرلى رەفورمالاردى الدىمەن ويداعىداي يگەرۋ كەرەك. ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، وڭىرلىك كەلەلى ستراتەگيامەن ىرىقتىلىقپەن ۇشتاسىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋمەن تەرەڭ توعىسىپ، 21 - عاسىرداعى تەڭىز جىبەك جولى وزەكتى رايونىن تۇلعالاپ، ەل ءىشى، حالىقارا سىندى قوس اينالىمنىڭ ماڭىزدى ءتۇيىنى، ماڭىزدى ارناسى يقۋاتىن بەكەمدەۋ، كەڭەيتۋ كەرەك. ەكى جاعالاۋدىڭ توعىسپالى دامۋىنان ۇلگى كورسەتۋ رايونىن ويداعىداي قۇرۋ كەرەك.

شي جينپيڭ بىلاي دەپ اتاپ كورسەتتى: وڭىرلەردىڭ سايكەستى دامۋىن جانە قالا مەن اۋىلدىڭ توعىسپالى دامۋىن ىلگەرىلەتۋ جاعىندا ۇلگى كورسەتۋ كەرەك. تاۋلى ءوڭىر، تەڭىز جاعالاۋى سەلبەستىك مەحانيزمىن اقاۋسىزداندىرىپ، تەرەڭدەتىپ، تاۋلى ءوڭىردى، تەڭىز جاعالاۋىن ءبىر تۇتاس جوسپارلاۋدى كۇشەيتىپ، فۋنكتسيالىق ءبىرىن - ءبىرى تولىقتاۋدى كۇشەيتۋ كەرەك. مەملەكەتتىڭ ەكولوگيالىق وركەنيەت سىناق رايونى قۇرىلىسىن تەرەڭدەتىپ، تاۋ باسىنان تەڭىز - مۇحيتقا دەيىنگى قورعاۋ، جونگە سالۋ جالپى جاعدايىن ورناتىپ، ءتۇيىندى سالالاردى، ءتۇيىندى اعارلاردى، ءتۇيىندى تەڭىز ايدىندارىن جان - جاقتى جونگە سالۋدى كۇشەيتىپ، ەكولوگيالىق ورتانىڭ سيىمدىلىعىن كەڭەيتۋ كەرەك. اۋىل - قىستاقتى جاپپاي گۇلدەندىرۋ مەن جاڭاشا قالا - قالاشىقتاندىرۋدى ورگانيكالى ۇشتاستىرۋدى كۇشەيتىپ، قالا مەن اۋىلدىڭ توعىسپالى دامۋ اياق الىسىن جەدەلدەتۋ كەرەك. اۋدان ءوڭىرى ەكونوميكاسىن زورايتىپ، بايىرعى رايونداردىڭ، سوۆەتتىك رايونداردىڭ گۇلدەنۋىن، دامۋىن جەدەلدەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ كەرەك. ەگىستىك جەردىڭ قىزىل سىزىعىن قاتاڭ ساقتاپ، ءىرى اۋىل شارۋاشىلىعى كوزقاراسىن، ءىرى ازىق - تۇلىك كوزقاراسىن ورناتىپ، ەرەكشە اۋىل شارۋاشىلىعى كاسىپ سالاسى شوعىرىن قالىپتاستىرۋ كەرەك. كوللەكتيۆ ورمان ۇقىعى ءتۇزىمىن رەفورماسىن تەرەڭدەتىپ، ورمان ازىق – تۇلىگىن، توعاي شارۋاشىلىعىن دامىتىپ، ”ورمان استىق قامباسىن، ورمان كىرىس قامباسىن“ ۇزدىكسىز اشۋ، جەتىلدىرۋ كەرەك. فۋجوۋ مەن شيامىننىڭ بۇكىل ەل بويىنشا تەڭىز - مۇحيت ەكونوميكاسىن دامىتۋدان ۇلگى كورسەتۋ رايونىن جەدەل قۇرۋىن ىلگەرىلەتىپ، تەڭىز - مۇحيت ەكونوميكاسىن الۋەتتەندىرۋ كەرەك. تايفىڭ داۋىلى، جەر سىلكىنىسى سياقتى جاراتىلىستىق اپاتتاردان ساقتانۋدى كۇشەيتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: مادەنيەتتىڭ ىقپال كۇشىن ارتتىرىپ، فۋجياننىڭ جاڭا وبرازىن ايگىلەۋ جاعىندا ۇزاق ۋاقىت ۇلەس قوسۋ كەرەك. قىزىل مادەنيەتكە مۇراگەرلىك ەتىپ جانە ونى ساۋلەلەندىرىپ، چاڭتيڭ، نيڭحۋا ۇزاق جورىق مەملەكەتتىك مادەنيەت باقشاسىن ويداعىداي قۇرىپ، توڭكەرىستىك تاريحي ماتەريالدار مەن توڭكەرىستىك مادەني مۇرالاردى زەرتتەۋدى، ءتۇسىندىرۋدى تەرەڭدەتۋ كەرەك. مادەني مۇرالاردى قورعاۋدى، جالعاستىرۋدى كۇشەيتىپ، مادەنيەت قىزمەتكەرلەرى قىزمەتىن تاباندىلىقپەن جاقسى ىستەپ، ەسكى سالت - سانانى وزگەرتۋدى بەلسەنە ىلگەرىلەتۋ كەرەك. مادەنيەت پەن ساياحاتتىڭ ىشكەرىلەي توعىسپالى دامۋىن ىلگەرىلەتىپ، مادەنيەت، ساياحات كاسىبىن تىرەكتى كاسىپكە اينالدىرۋ كەرەك. ەكى جاعالاۋدىڭ مادەنيەت اۋىس - كۇيىسىن جەبەپ، جۇڭحۋا مادەنيەتىن بىرگە ساۋلەلەندىرىپ، تايۋاندىق باۋىرلاستاردىڭ ۇلتتى، مادەنيەتتى، مەملەكەتتى شىنايى مويىنداۋىن كۇشەيتۋ كەرەك. اۋىلداستار، اتا - بابالارىمىزدىڭ مادەنيەتى سياقتى دانەكەرلەرگە سۇيەنىپ، مۇھاجىرلاردىڭ تىلەگىن كەڭىنەن ۇيىستىرۋ كەرەك.

شي جينپيڭ بىلاي دەپ اتاپ كورسەتتى: پارتيالى كادرلاردى تاڭداۋلى داستۇرگە مۇراگەرلىك ەتىپ، توڭكەرىستىك قان تامىردى جالعاستىرىپ، باتىلدىقپەن الدا جۇرەتىن، قاجىرلىلىقپەن كۇرەس جۇرگىزىپ، جەڭىسكە جەتەتىن ءورىس اشا جاڭالىق جاراتۋ رۋحىن ۇزدىكسىز ساۋلەلەندىرىپ، قايراتتانا العا ۇمتىلىپ، شەبەرلىكپەن ىستەپ، شەبەرلىكپەن تابىسقا جەتۋگە تاربيەلەۋ كەرەك. حالىققا باقىت جاراتاتىن ساياسي ناتيجە كوزقاراسىن ورناتىپ جانە امالياتتا ايگىلەپ، اۋەلگى ماقساتتى ۇمىتپاي، جاۋاپكەرشىلىك ارقالاپ، ىسكەرلىك كورسەتىپ، پاك، كوپشىل بولىپ، كوممۋنيستەردىڭ ساياسي قاسيەتىن ماڭگى ساقتاۋ كەرەك. فورماشىلدىقتى جونگە سالۋدى تەرەڭدەتىپ، نەگىزگى ساتىنىڭ اۋىرتپالىعىن شىنايى جەڭىلدەتۋ كەرەك. ”ءتورتتى نەگىزگى ساتىعا جەتكىزۋ“ ءتۇزىمىن جاپپاي تياناقتاندىرىپ، پارتيانىڭ جاڭا داۋىردەگى بۇقارالىق لۋشيانىمەن ويداعىداي ءجۇرىپ، پارتيا قۇرىلىسىنىڭ نەگىزگى ساتىنى باسقارۋعا جەتەكشىلىك ەتۋ ونىمدىلىگىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، 4 - توقسانداعى ەكونوميكالىق قىزمەتتى بار كۇشپەن ويداعىداي يگەرىپ، تۇتاس جىلداعى ەكونوميكالىق، قوعامدىق دامۋ نىساناسىن قۇلشىنا جۇزەگە اسىرۋ كەرەك.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

كەلۋ قاينارى: حالىق تورابى