بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.10.17 14:12 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 16 – كۇنى، بەيجيڭ. 10 - ايدىڭ 16 - كۇنى مەملەكەت ءتوراعاسى شي جينپيڭ مەن موڭعۇليانىڭ زۇڭتۇڭى حۋرەلسۋحامەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن موڭعۇليا − ءوزارا ماڭىزدى كورشىلەر، موڭعۇليا − جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى. ەكى ەل ديپلوماتيالىق قارىم - قاتىناس ورناتقان 75 جىلدان بەرى ەكى جاق تاتۋ كورشىلىك دوستىقتىڭ ۇلكەن بەتالىسىنا باستان - اياق تاباندى بولىپ، ءار سالاداعى ءوزارا ءتيىمدى سەلبەستىكتى ۇزدىكسىز تەرەڭدەتىپ، ەكى ەل حالىقتارىنا ناقتى قۇت - ىرىس اكەلدى. مەن جۇڭگو - موڭعۇليا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، ەكى ەلدىڭ تاعدىرلاس ورتاق تۇلعاسىن قۇرۋدى جەتەكشى ەتىپ، جۇڭگو مەن موڭعۇليانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ورنىقتى، باياندى بولۋىن ىلگەرىلەتۋدى قالايمىن.
حۋرەلسۋحا مىنانى ءبىلدىردى: موڭعۇليا مەن جۇڭگو ديپلوماتيالىق قارىم - قاتىناس ورناتقان 75 جىلدان بەرى ەكى جاق دوستىقتى ورنىقتى قاداممەن دامىتىپ، ءوزارا سەنىمدىلىكتى ۇزدىكسىز بەكەمدەپ، جالپى بەتتىك ستراتەگيالىق سەرىكتەستىك قارىم - قاتىناس ورناتتى. مەن ءتوراعا مىرزامەن بىرگە ”ساحارا جولى“ دامۋ ستراتەگياسىن ”ءبىر بەلدەۋ، ءبىر جولدى“ بىرگە قۇرۋ باستاماسىمەن ۇشتاستىرۋدى ىلگەرىلەتۋدى، ەكى ەلدىڭ دامۋىنا ۇلەس قوسۋدى، ەكى ەل حالىقتارىنا قۇت - ىرىس قوسۋدى قالايمىن.
وسى كۇنى مەملەكەتتىك كەڭەستىڭ زۇڭليى لي چياڭ موڭعۇليانىڭ زۇڭليى ويۋۋن - ەردەنەمەن ءوزارا قۇتتىقتاۋ تەلەگرامماسىن جولدادى. لي چياڭ مىنانى ءبىلدىردى: جۇڭگو جاق موڭعۇليا جاقپەن بىرگە ديپلوماتيالىق قارىم - قاتىناس ورناتۋدىڭ 75 جىلدىعىن تىڭ باستاما ەتىپ، ەكى ەلدىڭ وسىزاماندانۋ جولىندا قول ۇستاسا العا باسۋىن، سەلبەسىپ تەڭ يگىلىككە كەنەلۋىن ىلگەرىلەتۋدى قالايدى.
ويۋۋن - ەردەنە مىنانى ءبىلدىردى: موڭعۇليا مەن جۇڭگونىڭ ءداستۇرلى دوستىق قارىم - قاتىناسىن ونان ارى تەرەڭدەتىپ، ەكى ەل قارىم - قاتىناسىنىڭ نۇرلى بولاشاعىن بىرگە جاراتۋدى قالايمىن.
كەلۋ قاينارى: حالىق تورابى
