شي جينپيڭ ”بريكس+“ باسشىلارىنىڭ كەڭەسىنە قاتىناستى ءارى ماڭىزدى ءسوز سويلەدى

سول جەر ۋاقىتى 10 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ قازانداعى ءماجىلىس - كورمە ورتالىعىندا ”بريكس+“ باسشىلارىنىڭ كەڭەسىنە قاتىناستى ءارى «”دۇنيە ءجۇزىنىڭ وڭتۇستىگىنىڭ“ جويقىن كۇشىن ۇيىستىرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك» دەگەن تاقىرىپتا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

سول جەر ۋاقىتى 10 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ قازانداعى ءماجىلىس - كورمە ورتالىعىندا ”بريكس+“ باسشىلارىنىڭ كەڭەسىنە قاتىناستى ءارى «”دۇنيە ءجۇزىنىڭ وڭتۇستىگىنىڭ“ جويقىن كۇشىن ۇيىستىرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك» دەگەن تاقىرىپتا ماڭىزدى ءسوز سويلەدى. سۋرەتتە: كەڭەسكە قاتىناسقان بريكس ەلدەرىنىڭ جانە سيلى قوناق ەلدەرىنىڭ باسشىلارى نەمەسە ۋاكىلدەرى، حالىقارالىق ۇيىمداردىڭ جاۋاپتىلارى توپتىق سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن

«حالىق گازەتى»، 10 - ايدىڭ 24 - كۇنى، رەسەي قازان (تىلشىلەر يۇي حۇڭجيان، جاڭ جى – ۋىن). سول جەر ۋاقىتى 10 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ قازاندا ”بريكس+“ باسشىلارىنىڭ كەڭەسىنە قاتىناستى ءارى «”دۇنيە ءجۇزىنىڭ وڭتۇستىگىنىڭ“ جويقىن كۇشىن ۇيىستىرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك» دەگەن تاقىرىپتا ماڭىزدى ءسوز سويلەدى.

شي جينپيڭ بىلاي دەپ اتاپ كورسەتتى: دۇنيە ءجۇزى وڭتۇستىگىنىڭ توپتىق ەڭسە كوتەرۋى − دۇنيە ءجۇزىنىڭ زور وزگەرىس جاعدايىنىڭ ايقىن بەلگىسى. دۇنيە ءجۇزىنىڭ وڭتۇستىگىندەگى ەلدەردىڭ وسىزاماندانۋعا بىرگە قادام تاستاۋى − دۇنيە ءجۇزى تاريحىنداعى ءىرى ءىس، سونداي - اق ادامزات وركەنيەتى بارىسىندا بۇرىن بولىپ كورمەگەن ۇلى ءىس. سونىمەن بىرگە، دۇنيە ءجۇزىنىڭ بەيبىتشىلىگى مەن دامۋى ءالى دە اۋىر سىن - سايىسقا ءدوپ كەلىپ وتىر، بۇكىل دۇنيە ءجۇزىنىڭ وڭتۇستىگىنىڭ گۇلدەنۋ جولى داڭعىل بولا قويمايدى. دۇنيە ءجۇزىنىڭ وڭتۇستىگىنىڭ ءبىرىنشى شەبى رەتىندە، ءبىز كوللەكتيۆتىڭ اقىل ـ پاراساتى مەن كۇش ـ قۋاتىن ايگىلەپ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن جاۋاپكەرشىلىكتى ارقالاۋىمىز كەرەك.

− بەيبىتشىلىككە تاباندى بولىپ، ورتاق حاۋىپسىزدىكتى جۇزەگە اسىرۋ كەرەك. ءبىز بەيبىتشىلىكتى قورعايتىن ورنىقتىلىق كۇشى بولىپ، دۇنيە جۇزىلىك حاۋىپسىزدىك باسقارۋىن كۇشەيتىپ، قولامتالى ماسەلەلەردى شەشۋدىڭ ۇستىنەن وڭاۋ مەن تۇبىرىنەن وڭاۋ ۇشتاسقان جولىن قاراستىرۋىمىز كەرەك. مەن دۇنيە جۇزىلىك حاۋىپسىزدىك باستاماسىن العا قويىپ، ءار جاقتىڭ بەلسەنە ءۇن قوسۋىنا يە بولدىم، بۇل ءوڭىردىڭ ورنىقتىلىعىن قورعاۋ سياقتى كوپتەگەن سالادا ماڭىزدى تابىستارعا قول جەتكىزدى. ءبىز ۋكراينانىڭ داعدارىس جاعدايىن تەز ارادا باسەڭدەتىپ، ساياسي جولمەن شەشۋدى جۇزەگە اسىرۋعا جول اشۋىمىز كەرەك. گازا وڭىرىندە سوعىستى جاپپاي توقتاتۋدى ۇزدىكسىز ىلگەرىلەتىپ، ”ەكى ەل جوباسىن“ قايتا باستاۋ ءارى سوعىس ءورتىنىڭ ليۆاندا ورشۋىنە توسقاۋىل قويۋ كەرەك.

− قايتا سەرپىلىپ دامىپ، جاپپاي گۇلدەنۋدى جۇزەگە اسىرۋ كەرەك. ءبىز بىرگە دامۋدىڭ تىرەكتى كۇشى بولىپ، دۇنيە جۇزىلىك ەكونوميكانى باسقارۋ جۇيەسى رەفورماسىنا بەلسەنە ات سالىسىپ جانە وعان جەتەكشىلىك ەتىپ، دامۋدى حالىقارالىق ەكونوميكا - ساۋدا كۇن ءتارتىبىنىڭ وزەكتى ورنىنا قويۋدى ىلگەرىلەتۋىمىز كەرەك. دۇنيە جۇزىلىك دامۋ باستاماسى العا قويىلعان 3 جىلدان بەرى 20 ميلليارد دوللارعا جۋىق دامۋ قارجىسىن جۇمىلدىرىپ، 1100 دەن استام نىساندى ورىستەتتى. دۇنيە جۇزىلىك ونەركاسىپ جاساندى زەردە وداعىنىڭ كورنەكتى ورتالىعى تاياۋدا شاڭحايدا ىرگە تەپتى، جۇڭگو جاق تاعى دۇنيە جۇزىلىك ”زەردەلى كەدەن“ جەلىدەگى سەلبەستىك تۇعىرىن جانە بريكس ەلدەرى كەدەنى ۇلگى كورسەتۋ ورتالىعىن قۇرادى، ءار ەلدىڭ بەلسەنە ات سالىسۋىن قارسى الادى.

− وركەنيەتتى بىرگە گۇلدەندىرىپ، كوپ نەگىزدى، جاراسىمدى بولۋدى جۇزەگە اسىرۋ كەرەك. ءبىز وركەنيەتتەردىڭ ءوزارا ۇلگى الۋىن جەبەيتىن كۇش بولىپ، قارىم - قاتىناستى، تىلدەسۋدى كۇشەيتىپ، ءبىر - ءبىرىمىزدىڭ مەملەكەت جاعدايىنا ۇيلەسەتىن وسىزامانداندىرۋ جولىمەن ءجۇرۋىمىزدى قولداۋىمىز كەرەك. جۇڭگو جاق دۇنيە ءجۇزىنىڭ وڭتۇستىگى اقىل - پاراسات قويماسى سەلبەستىك وداعىن باستاماشىلدىقپەن قۇرىپ، ءار ەلدىڭ گۋمانيتارلىق اۋىس - كۇيىسى مەن ەل باسقارۋ، ءبىر - بىرىنەن ۇيرەنۋ، ءوزارا ۇلگى الۋىن جەبەيدى.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسادى، بۇل، ءسوز جوق، دۇنيە جۇزىنە اناعۇرلىم كوپ وراي ازىرلەيدى. حالىقارالىق جاعداي قالاي وزگەرسە دە، جۇڭگو باستان - اياق بۇكىل دۇنيە ءجۇزىنىڭ وڭتۇستىگىنە كوڭىل ءبولىپ، دۇنيە ءجۇزىنىڭ وڭتۇستىگىنە تامىر تارتىپ، دۇنيە جۇزىندەگى ءتىپتى دە كوپ وڭتۇستىك ەلدەردىڭ بريكس ىستەرىنە ات سالىسۋىنا قولداۋ كورسەتىپ، دۇنيە ءجۇزى وڭتۇستىگىنىڭ قۇدىرەتتى كۇشىن توپتاپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار)،

رەسەيدىڭ زۇڭتۇڭى پۋتين ءماجىلىستى باسقاردى، ەگيپەتتىڭ زۇڭتۇڭى سيسي، يراننىڭ زۇڭتۇڭى پەزەشكاين، وڭتۇستىك افريكانىڭ زۇڭتۇڭى راماپوسا جانە برازيليا، ءۇندىستان، اراب بىرىككەن امىرلىگى، ساۋد ارابياسى، ەفيوپيا ۋاكىلدەرى، ۇسىنىس ەتىلگەن سيلى قوناق ەلدەردىڭ 25 باسشىسى نەمەسە ۋاكىلى، سونداي - اق بىرلەسكەن مەملەكەتتەر ۇيىمىنىڭ باس حاتشىسى گۋتتەرەس، جاڭا اشۋ بانكەسىنىڭ باستىعى روسسەف قاتارلى حالىقارالىق ۇيىمداردىڭ 6 جاۋاپتىسى ماجىلىسكە قاتىناستى.

3 - ايدىڭ 23 - كۇنى كەشتە شي جينپيڭ پۋتيننىڭ بريكس ەلدەرى جانە سيلى قوناق ەلدەرى باسشىلارىنا ارناپ وتكىزگەن قارسى الۋ قوناعاسىنا قاتىناستى.

ساي چي، ۋاڭ ي قاتارلىلار جوعارىداعى قيمىلدارعا قاتىناستى.

كەلۋ قاينارى: حالىق تورابى