باس شۋجي شي جينپيڭنىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك

شينحۋا اگەنتتىگى، 10 - ايدىڭ 24 – كۇنى، شىنياڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 10 - ايدىڭ 21 – كۇنىنەن 24 - كۇنىنە دەيىن لياۋنيڭدا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، جاپپاي دايەكتىلەندىرىپ، تياناقتاندىرىپ، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي جۇرگىزۋ كەرەك.

جاۋ لىجي ىلگەرىندى - كەيىندى داندۇڭ، داليان، شىنياڭ سياقتى جەرلەرگە بارىپ، ولكەلىك، قالالىق حالىق قۇرىلتايى تۇراقتى كوميتەتتەرىنىڭ ورگاندارىن ارالاپ تەكسەرۋ - زەرتتەۋ جۇرگىزدى ءارى اڭگىمە ءماجىلىسىن باسقارىپ اشتى. ول بىلاي دەپ باسا دارىپتەى: باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋ، دايەكتىلەندىرۋ − ءار دارەجەلى حالىق قۇرىلتايلارىنىڭ قىزمەتتى جاقسى ىستەۋدە، ءسوزسىز، وقيتىن ساباعى جانە نەگىزگى ونەرى، ونى باس شۋجيدىڭ حالىق قۇرىلتايى ءتۇزىمى، حالىق قۇرىلتايى قىزمەتى جونىندەگى ءبىر قىدىرۋ ماڭىزدى بايىمداۋلارىن، ماڭىزدى نۇسقاۋلارىن ۇيرەنۋمەن ۇشتاستىرۋ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىنىڭ دامۋ تامىرىن، وزەكتى ءمانىن، باي مازمۇنىن جەتىك يگەرىپ، حالىق قۇرىلتايى قىزمەتىنىڭ دۇرىس ساياسي بەتالىسىنا باستان - اياق تاباندى بولۋ كەرەك.

جاۋ لىجي بىلاي دەپ اتاپ كورسەتتى: حالىق قۇرىلتايى حالىق قۇرىلتايى ءتۇزىمىنىڭ كورنەكتى ساياسي ابزالدىعىن اماليات بارىسىندا ويداعىداي ساۋلەلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيا قۋاتتاماسىنىڭ زاڭدا بەلگىلەنگەن ءتارتىپ ارقىلى مەملەكەتتىڭ ەركىنە جانە حالىقتىڭ ورتاق ارەكەتىنە اينالۋىنا شىنايى كەپىلدىك ەتىپ، پارتيانىڭ نازارياسىنىڭ، لۋشيانىنىڭ، باعىت - ساياساتىنىڭ جانە شەشىمدەرىنىڭ، ورنالاستىرۋلارىنىڭ مەملەكەت قىزمەتىندە جاپپاي دايەكتىلەنۋىنە كەپىلدىك ەتۋ؛ وزەكتى ارقاۋ ەتۋگە، جالپى جاعدايعا قىزمەت وتەۋگە، ءتۇيىندى كورنەكتىلەندىرۋگە تاباندى بولىپ، حالىق قۇرىلتايىنىڭ فۋنكتسياسىن، قىزمەت جاۋاپكەرشىلىگىن تياناق ەتىپ، ءتۇرلى قىزمەتتەردى ءبىر تۇتاس جوسپارلاپ جانە ىلگەرىلەتىپ، حالىق قۇرىلتايىنىڭ رولىن پارتيا مەن مەملەكەت ىستەرىنىڭ جالپى جاعدايىندا ويداعىداي ساۋلەلەندىرۋ؛ شىندىقتى ءىس جۇزىنەن ىزدەۋگە تاباندى بولىپ، دۇرىس جولدان تايماي، جاڭالىق اشىپ، جاقسى تاجىريبەلەردى، جاقسى ادىستەردى قورىتىندىلاپ، ودان ويداعىداي پايدالانىپ، قىزمەت مەحانيزمى مەن ءادىس - امالداردى قاراستىرىپ، جاڭالاپ، حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋ كەرەك. جەرگىلىكتى حالىق قۇرىلتايلارى جەرگىلىكتى پارتكومداردىڭ پارتيا ورتالىق كوميتەتىنىڭ كەلەلى باعىت - ساياساتتارىن دايەكتىلەندىرۋ جونىندەگى شەشىمدەرى مەن ورنالاستىرۋلارىن ارقاۋ ەتىپ، قىزمەتتى ءىس جۇزىندىكپەن ۇشتاستىرىپ، جەرگىلىكتى ورىننىڭ ەكونوميكالىق، قوعامدىق دامۋىنا جانە رەفورمادا قامال الۋ مىندەتىنە دەم بەرۋى كەرەك.

جاۋ لىجي تاعى نەگىزگى ساتى زاڭ شىعارۋ بايلانىس تۇيىندەرىنە، الەۋمەتتىك اۋماق حالىق قۇرىلتايى ۋاكىلدەرىنىڭ بايلانىس پۋنكتىنە، كاسىپورىندارعا، اۋىل - قىستاققا جانە شارۋا وتباسىلارىنا بارىپ، حالىق قۇرىلتايى ۋاكىلدەرىمەن جانە بۇقارامەن ىشكەرىلەي پىكىر اۋىستىردى. ول بىلاي دەپ اتاپ كورسەتتى: حالىق قۇرىلتايى حالىق قۇرىلتايى ءتۇزىمىنىڭ ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەرلىك رولىن ويداعىداي ساۋلەلەندىرىپ، زاڭ بويىنشا مىندەت وتەۋدىڭ ءتۇرلى قىزمەتتەرىندە جالپى بارىستىق حالىق دەموكراتياسىن سانالى تۇردە امالياتتا ايگىلەۋى كەرەك. حالىق قۇرىلتايىنىڭ دەموكراتيالىق حالىق رايىن جەتكىزۋ تۇعىرى مەن دانەكەرى بولۋىن كەمەلدەندىرىپ، حالىق تىلەگىن قابىلداۋ، حالىقتىڭ اقىل - پاراساتىن توپتاۋ قىزمەت مەحانيزمىن اقاۋسىزداندىرىپ، ورتاق تانىمدى كەڭ كولەمدە ۇيىستىرىپ، حالىق قۇرىلتايى قىزمەتىنىڭ حالىق رايى نەگىزىن بەكەمدەۋ؛ ”ەكى بايلانىستى“ تۇتقا ەتىپ، ۋاكىلدەردىڭ زاڭ بويىنشا مىندەت اتقارىپ، جاۋاپكەرشىلىكتى ادا ەتۋىن قولداپ جانە قامتاماسىز ەتىپ، پارتيا مەن مەملەكەتتىڭ حالىق بۇقاراسىمەن بايلانىس جاسايتىن كوپىرى بولۋىن قولداۋ جانە قامتاماسىز ەتۋ كەرەك. ۋاكىلدەر قىزمەت جاۋاپكەرشىلىگىن ادا ەتىپ، قيمىل ورىستەتۋدە پارتيانىڭ باسشىلىعىنا تاباندى بولىپ، حالىق قۇرىلتايىنىڭ ورنالاستىرۋى مەن ۇيىمداستىرۋىندا زاڭ بويىنشا ءتارتىپتى تۇردە جۇرگىزۋى كەرەك. نەگىزگى ساتىداعى زاڭ شىعارۋ بايلانىس تۇيىندەرى، ۋاكىلدەر پۋنكتتەرى نەگىزگى ساتى پارتيا قۇرىلىسى تۇعىرى، الەۋمەتتىك اۋماق قىزمەت وتەۋ ورتالىعى سياقتىلارمەن توعىسىپ قۇرىلىس جۇرگىزۋى، جان - جاقتى پايدالانۋى، بىرىككەن كۇش قالىپتاستىرۋى كەرەك.

كەلۋ قاينارى: حالىق تورابى