ارناۋلى جونگە سالۋدى ورىستەتىپ، كەرەكتەن قالدىرىلعان موتورلى كولىكتەردى جيناپ الۋ ىستەرىن باقىلاۋ – باسقارۋدى كۇشەيتەدى 

جۇمىسشىلار گازەتىنىڭ ءتىلشىسى شى لاننا حابارلايدى. جۋىردا ساۋدا مينيسترلىگى، مەملەكەتتىك دامۋ – رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى قاتارلى 7 تاراۋ ۇقتىرۋ باسىپ تاراتىپ، كەرەكتەن قالدىرىلعان موتورلى كولىكتەردى قايتارىپ الۋ ىستەرىن باقىلاۋ – باسقارۋ قىزمەتىن كۇشەيتۋدى تالاپ ەتكەن. ۇقتىرۋعا قاراعاندا، بيىل 10 – ايدان 12 – ايعا دەيىن، زاڭسىز قايتارىپ الۋعا جانە بولشەكتەۋگە سوققى بەرۋ ارناۋلى ارەكەتى 3 ايلىق مەرزىممەن ورىستەتىلەدى، باستىسى، تولىمدىعىن بەكىتۋگە يە بولماعان ورىنداردىڭ قالاعانىنشا موتورلى كولىكتەردى قايتارىپ الۋمەن جانە ونى بولشەكتەۋمەن شۇعىلدانۋى، كەرەكتەن قالدىرىلعان موتورلى كولىكتەردىڭ تولىق تۇلعاسى مەن ودان قۇراستىرىلعان موتورلى كولىكتى وتكەرمەلەپ ساتۋ، «كەرەكتەن قالدىرىلعان موتورلى كولىكتەردى قايتارىپ الۋ كۋالىگىن» الىپ – ساتۋ، جالعاننان جاساۋ، وزگەرتۋ، لاس گاز ىعىستىرۋدىڭ ولشەمنەن اسۋى نەمەسە قاتتى كۇيدەگى كەرەكسىز زاتتاردى زاڭسىز ءبىرجاقتى ەتۋ قاتارلى زاڭ – تۇزىمگە قايشى ارەكەتتەرگە جوعارى قىسمىدى كۇيدى ساقتايدى.

ۇقتىرۋدا مىنالار تالاپ ەتىلگەن: كەرەكتەن قالدىرىلعان موتورلى كولىكتەردى قايتارىپ الۋ تولىمدىلىعىن بەكىتۋدى باسقارۋدى كۇشەيتۋ كەرەك. «كەرەكتەن قالدىرىلعان موتورلى كولىكتەردى قايتارىپ الۋدى باسقارۋ ءادىسىن» جانە وعان سايكەستى ەرەجەلەردەگى، ولشەمدەردەگى بەلگىلەمەلەردى قاتاڭ اتقارىپ، تولىمدىلىعىن بەكىتۋدى قىزمەت ۇستىندە تەكسەرىپ وتكىزىپ الۋ جانە باعالاۋ – تەكسەرۋ قىزمەتىن جۇيەلى ورىستەتۋ كەرەك. اۆتوموبيل وندىرەتىن كاسىپورىنداردى كەرەكتەن قالدىرىلعان موتورلى كولىكتەردى قايتارىپ الۋ قىزمەتىمەن شۇعىلدانۋعا شابىتتاندىرۋ كەرەك، ءوندىرۋشى كاسىپورىندار ءوندىرۋشىنىڭ اتقارۋعا ءتيىستى جاۋاپكەرشىلىگىن زاڭ بويىنشا ارقالاۋى كەرەك.

سونىمەن بىرگە، كەرەكتەن قالدىرىلعان موتورلى كولىكتەردى قايتارىپ الاتىن كاسىپورىندارى ساپانى جاقسارتىپ، دارەجەسىن جوعارىلاتۋعا جەتەلەۋ كەرەك. كەرەكتەن قالدىرىلعان موتورلى كولىكتەردى قايتارىپ الاتىن كاسىپورىنداردى قۇنتتىلىقپەن بولشەكتەۋگە، سيفرلاندىرۋعا قاراي بۇرىلىس جاساۋدى اتقارۋعا شابىتتاندىرىپ، ينتەرنەتتەگى ايىرباس تەكشەلەرىنىڭ كاسىپ سالاسى تىزبەگىن ۇشتاستىرۋ رولىن ساۋلەلەندىرىپ، كەرەكتەن قالدىرىلعان موتورلى كولىكتەردىڭ قايتادان پايدالانۋعا بولاتىن زاپشاستارىن ساتۋ كولەمىن كەڭەيتۋ، كاسىپورىنداردىڭ پايداعا كەنەلۋ قۋاتىن جوعارىلاتۋ كەرەك. قايتارىپ الاتىن كاسىپورىنداردى بايلىق قاينارىنىڭ قۇنىن جوعارىلاتۋ، جان – جاقتى پايدالانۋ ورەسىن جوعارىلاتۋعا شابىتتاندىرىپ، شارت – جاعدايى بار كاسىپورىنداردىڭ تومەنگى اعارداعى بولات ماتەريال، ءتۇستى مەتال، ۇساق جانە كەسەك بولشەكتەردى قايتالاي جاساۋ قاتارلى سالالارعا قاراي بەلسەندى تۇردە ءورىسىن كەڭەيتۋىنە قولداۋ كورسەتۋ كەرەك.

كەلۋ قاينارى: حالىق تورابى