جالپىعا ءتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، حالىق بۇقاراسى ءۇشىن بەلسەندىلىكپەن، ىرىقتىلىقپەن جاقسى ءىس، ناقتى ءىس ىستەۋ، قيىن ىستەردى شەشۋ كەرەك

«حالىق گازەتى»، 10 - ايدىڭ 26 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حالىق ىستەرى قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: جۋىق جىلداردان بەرى حالىق ىستەرى جۇيەسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، تىڭعىلىقتى تۇردە مىندەت اتقارىپ، جاۋاپكەرشىلىكتەرىن ادا ەتىپ، ءتۇرلى قىزمەتتەردە تىڭ ىلگەرىلەۋشىلىككە قول جەتكىزىپ، پارتيا مەن مەملەكەت قىزمەتىنىڭ كەلەلى جاعدايىنا پارمەندى قىزمەت وتەدى.

شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدا حالىق تۇرمىسى زور ءىس سانالادى. جاڭا ءداۋىردىڭ جاڭا جورىعىندا ءار دارەجەلى پارتكوم مەن ۇكىمەت حالىقتى وزەك ەتۋگە تاباندى بولىپ، حالىق ىستەرى قىزمەتىنە باسشىلىقتى كۇشەيتىپ، جالپىعا ءتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ويداعىداي شەشىپ، حالىق ىستەرىنىڭ جوعارى ساپالى دامۋىن ۇزدىكسىز ىلگەرىلەتۋى كەرەك. ءار دارەجەلى حالىق ىستەرى تاراۋلارى پارتيانىڭ باسشىلىعىنا تاباندى بولىپ، پارتيا قۇرىلىسىن كۇشەيتىپ، رەفورما جاساپ، جاڭالىق اشۋدى تەرەڭدەتىپ، ساياسات، ءتۇزىم جۇيەسىن، قىزمەت وتەۋ، قامتاماسىز ەتۋ جۇيەسىن، باقىلاۋ - باسقارۋ جۇيەسىن، قوعامنىڭ ات سالىسۋ جۇيەسىن كەمەلدەندىرىپ، حالىق سانىنىڭ قارتتانۋىنا بەلسەنە توتەپ بەرۋ جونىندەگى مەملەكەتتىك ستراتەگيانى اتقارۋدى كۇش سالا ىلگەرىلەتىپ، قوعامدىق قۇتقارۋ - كومەكتەسۋ، قوعامدىق يگىلىك، قوعامدىق ىستەر، قوعامدىق باسقارۋ قىزمەت دەڭگەيىن كۇش سالا جوعارىلاتىپ، حالىق بۇقاراسى ءۇشىن بەلسەندىلىكپەن، ىرىقتىلىقپەن جاقسى ءىس، ناقتى ءىس ىستەپ، قيىن ىستەردى شەشىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە ءتيىستى ۇلەس قوسۋى كەرەك.

15 - رەتكى مەملەكەتتىك حالىق ىستەرى ءماجىلىسى 10 - ايدىڭ 25 - كۇنىنەن 26 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىسكە قاتىناستى ءارى ءسوز سويلەدى.

لي چياڭ سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى جۋىق جىلداردان بەرى حالىق ىستەرىنىڭ دامۋىندا قول جەتكەن كورنەكتى ناتيجەلەردى تولىق تۇراقتاندىرىپ، حالىق ىستەرى قىزمەتىن ويداعىداي ىستەۋگە ستراتەگيالىق جانە جالپى جاعداي تۇرعىسىنان شىنايى ءۇمىت ارتىپ، ايقىن تالاپتار قويىپ، ءبىزدىڭ جاڭا ءداۋىردىڭ جاڭا جورىعىندا حالىق ىستەرىنىڭ جوعارى ساپالى دامۋىن ىلگەرىلەتۋىمىزگە ءتۇبىرلى تياناق ازىرلەپ، قۋاتتى قوزعاۋشى كۇش ۇستەدى. ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى مىقتى يگەرۋىمىز كەرەك.

لي چياڭ بىلاي دەپ اتاپ كورسەتتى: حالىق ىستەرى ادامگەرشىلىكتىڭ شۇعىلاسىن شاشىپ، قوعامنىڭ ار - نامىسىن ايگىلەپ، ءمورالدىڭ تومەنگى شەگىن باتىل ساقتاپ، وركەنيەتتىڭ جالعاسۋىن بەينەلەدى، بۇل − بۇكىل قوعامنىڭ ورتاق ءىسى. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ۇلى امالياتى حالىق ىستەرى قىزمەتىنىڭ دەڭگەيىن ۇزدىكسىز جوعارىلاتۋ ارقىلى قيىنشىلىعى بار بۇقارا، مۇگەدەكتەر سياقتىلاردى قامتىعان ءتۇرلى قاۋىمنىڭ ءتول مۇددەسىن ويداعىداي قامتاماسىز ەتىپ، ويداعىداي دامىتىپ، ورتاق نىسانانى جۇزەگە اسىرۋعا زەيىن - زەردەنى، كۇش - قۋاتتى شوعىرلاندىرىپ، ىنتىماقتاسا كۇرەس جۇرگىزەتىن جاندى جاعداي قالىپتاستىرۋدى قاجەت ەتەدى.

لي چياڭ بىلاي دەپ باسا دارىپتەدى: حالىق ىستەرى قىزمەتىن تەرەڭ حالىقشىلدىق سۇيىسپەنشىلىكپەن ىستەپ، جاقسى ىستەردى، ناقتى ىستەردى بۇقارانىڭ جۇرەگىنە شىنايى ۇيالاتۋ كەرەك. ساياسات بەلگىلەۋدە بۇقارانىڭ كوپ نەگىزدى قاجەتىن شىعار ءتۇيىن ەتىپ، ساياساتتىڭ باعىتتامالىلىعى مەن ونىمدىلىگىن ارتتىرۋ كەرەك. ساياساتتى اتقارۋ جاعىندا ساياساتتىڭ تۇراقتىلىعى مەن قىزمەتتىڭ يكەمدىلىگىن ورگانيكالى ۇشتاستىرۋ كەرەك. ساياساتتىق اڭىس قايتارۋ جاعىندا ساياساتتى باعالاۋ، ساپالىلاندىرۋ مەحانيزمىن اقاۋسىزداندىرۋ كەرەك. حالىق ىستەرى قىزمەتىن كۇشتى ساياسي جاۋاپكەرشىلىك سەزىممەن ىستەپ، حالىق ىستەرىن دامىتۋعا ساياسي جاقتان وي جۇگىرتۋگە، جوسپارلاۋعا، ىلگەرىلەتۋگە شەبەر بولۋ كەرەك. حالىق ىستەرى قىزمەتىن ىشكەرىلەي، ەگجەي - تەگجەيلى تىندىرۋ ستيلىمەن ىستەپ، نەگىزگى ساتىنىڭ ءبىرىنشى شەبىنە ىرىقتىلىقپەن بويلاپ، قىزمەتتى ناقتى، ىشكەرىلەي يگەرىپ، ءىستى ەگجەي - تەگجەيلى ىستەۋ، ەرتە بايقاۋ قابىلەتىن كۇشەيتىپ، ءتۇرلى مىندەتتەردىڭ ناقتى تياناقتانۋىنا شىنايى كەپىلدىك ەتىپ، بۇقارانىڭ تۇرمىسىنداعى كىشى - گىرىم ىستەردى شەشۋ بارىسىندا حالىق ءۇشىن ىستەۋ، حالىقتى ءسۇيۋ سىندى كەلەلى ىستەردى ويداعىداي ىستەۋگە شەبەر بولۋ كەرەك. رەفورما جاساپ، جاڭالىق اشۋ رۋحىمەن حالىق ىستەرى قىزمەتىن ىستەپ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، حالىق ىستەرى رەفورماسىن جۇيەلى جوسپارلاپ اتقارىپ، بۇقارانىڭ كوز الداعى باس قاتىرعان ىستەرىن، ۋايىمداعان ىستەرىن ويداعىداي شەشۋمەن بىرگە، حالىق تۇرمىسىن قامتاماسىز ەتۋ جانە جاقسارتۋ ءتۇزىمى جۇيەسىن ىرىقتىلىقپەن جوسپارلاپ، اقاۋسىزداندىرىپ، حالىق ىستەرى دامۋىنىڭ جاڭا جاعدايىن ۇزدىكسىز اشۋ كەرەك.

مەملەكەتتىك كەڭەستىڭ مۇشەسى شىن ي - چين سوزىندە بىلاي دەپ اتاپ كورسەتتى: باس شۋجي شي جينپيڭنىڭ حالىق ىستەرى قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي چياڭ زۇڭليدىڭ ءسوزىنىڭ تالابىن مۇقيات تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، قوعامدىق قۇتقارۋ - كومەكتەسۋ جۇيەسىن ونان ارى اقاۋسىزداندىرىپ، قارتتاردى كۇتىمدەۋگە قىزمەت وتەۋ جۇيەسىن كەمەلدەندىرىپ، قوعامدىق ۇيىمدار مەن رايوندارعا ءبولۋدى، جەر اتتارىن باسقارۋدى كۇشەيتىپ، جەرلەۋ سياقتى سالالارداعى رەفورمانى تەرەڭدەتىپ، قايىرىمدىلىق ىستەرىنىڭ دامۋىن جەبەپ، جاڭا ءداۋىردىڭ جاڭا جورىعىنداعى حالىق ىستەرىنىڭ جوعارى ساپالى دامۋىن قۇلشىنا ىلگەرىلەتۋ كەرەك.

ءماجىلىس مەملەكەتتىك حالىق ىستەرى جۇيەسىندەگى وزات كوللەكتيۆتەردى، ەڭبەك ەرلەرىن جانە وزات قىزمەتكەرلەردى ماداقتاپ - سيلادى. شاڭحاي قالاسىنىڭ، جياڭسۋ ولكەسىنىڭ، جىجياڭ ولكەسىنىڭ، جياڭشي ولكەسىنىڭ، شاندۇڭ ولكەسىنىڭ، سىچۋان ولكەسىنىڭ، گۇيجوۋ ولكەسىنىڭ، شانشي ولكەسىنىڭ قاتىستى جاۋاپتى جولداستارى پىكىر اۋىستىرىپ، لەبىز ءبىلدىردى.

ۋ جىڭلۇڭ ماجىلىسكە قاتىناستى.

ءارقايسى ولكە، اۆتونوميالى رايون، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ جاۋاپتى جولداستارى، ماداقتالىپ - سيلانعان كوللەكتيۆتەر مەن جەكەلەردىڭ ۋاكىلدەرى قاتارلىلار ماجىلىسكە قاتىناستى.

كەلۋ قاينارى: حالىق تورابى