شي جينپيڭ موزامبيكتىڭ سايلانعان زۇڭتۇڭى چاپوعا قۇتتىقتاۋ تەلەگرامماسىن جولدادى

شينحۋا اگەنتتىگى، 10 - ايدىڭ 26 - كۇنى، بەيجيڭ. 10 - ايدىڭ 26 - كۇنى مەملەكەت ءتوراعاسى شي جينپيڭ دانيال فرانسيسكو چاپوعا تەلەگرامما جولداپ، ونىڭ موزامبيك رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن موزامبيك − ءداستۇرلى دوستار. تاياۋ جىلداردان بەرى ەكى ەلدىڭ ساياسي ءوزارا سەنىمدىلىگى ءۇرتىس تەرەڭدەپ، ناقتى سەلبەستىك تابىستارى سۇبەلى بولىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولداۋ كورسەتتى. مەن جۇڭگو - موزامبيك قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ چاپومەن بىرگە قۇلشىنىپ، جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، ءداستۇرلى دوستىقتى اسقاقتاتىپ، ءوزارا پايدا جەتكىزەتىن سەلبەستىكتى تەرەڭدەتىپ، ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى