«شي جينپيڭنىڭ سالاماتتى جۇڭگو جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

شينحۋا اگەنتتىگى، 10 - ايدىڭ 27 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ سالاماتتى جۇڭگو جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.

حالىقتىڭ سالاماتتىعى − سوتسياليستىك وسىزامانداندىرۋدىڭ ماڭىزدى بەلگىسى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، جۇڭگوشا دەنساۋلىق ساقتاۋ جانە سالاماتتىقتى دامىتۋ جولىنا تاباندى بولىپ، جاڭا داۋىردەگى دەنساۋلىق ساقتاۋ جانە سالاماتتىق قىزمەت باعىتىن بەلگىلەپ، سالاماتتى جۇڭگو قۇرىلىسىن جاپپاي ىلگەرىلەتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، دۇنيە جۇزىندەگى كولەمى ەڭ ۇلكەن ەمدەۋ، دەنساۋلىق ساقتاۋ جۇيەسىن قۇرىپ، قالا مەن اۋىلعا جالپىلاسقان الەۋمەتتىك دەنساۋلىق ساقتاۋعا قىزمەت وتەۋ جۇيەسىن اقاۋسىزداندىردى، ەلىمىز حالقىنىڭ سالاماتتىق ورەسى كورنەكتى جوعارىلادى. شي جينپيڭ جولداستىڭ سالاماتتى جۇڭگو قۇرىلىسىن ارقاۋ ەتە وتىرىپ جاريالاعان ءبىر قىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ، جاڭا داۋىردەگى ەلىمىزدىڭ دەنساۋلىق ساقتاۋ جانە سالاماتتىق ىستەرىنىڭ دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە بەرىك سالاماتتىق نەگىزىن قالاۋدا توتەنشە ماڭىزدى مانگە يە.

«بايىمداۋلاردان ۇزىندىلەر» 10 ارناۋلى تاقىرىپقا بولىنگەن، جالپى 292 بولەك بايىمداۋ، بۇلار شي جينپيڭ جولداستىڭ 2012 - جىلى 11 - ايدان 2024 - جىلى 9 - ايعا دەيىنگى مەزگىلدەگى بايانداماسى، ءسوزى، سۇحباتى، ارناۋ ءسوزى، حاتتارى، نۇسقاۋلارى، بەكىتۋلەرى سياقتى 140 نەشە ماڭىزدى قۇجاتتان الىنعان. مۇنىڭ ىشىندە ءبىر ءبولىم بايىمداۋلار تۇڭعىش رەت اشىق جاريالانىپ وتىر.

 كەلۋ قاينارى: حالىق تورابى