شي جينپيڭ تەلەگرامما جولداپ ماماۋدىڭ كيريباتيدىڭ زۇڭتۇڭى بولىپ قايتا سايلانعاندىعىن قۇتتىقتادى

شينحۋا اگەنتتىگى، 10 - ايدىڭ 27 - كۇنى، بەيجيڭ. 10 - ايدىڭ 27 - كۇنى مەملەكەت ءتوراعاسى شي جينپيڭ تانەتي ماماۋعا تەلەگرامما جولداپ، ونىڭ كيريباتي رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن كيريباتي − جاقسى دوس، جاقسى سەرىك، جاقسى باۋىرلاس. 2019 - جىلى 9 - ايدا ديپلوماتيالىق قارىم - قاتىناس قالپىنا كەلگەننەن بەرى جۇڭگو مەن كيريباتي ەكى ەلدىڭ ساياسي ءوزارا سەنىمدىلىگى ۇزدىكسىز كۇشەيىپ، ناقتى سەلبەستىكتە سۇبەلى تابىستارعا قول جەتكىزىپ، گۋمانيتارلىق جانە جەرگىلىكتى ورىنداردىڭ اۋىس - كۇيىسى جيىلەپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ كەلەدى. مەن جۇڭگو - كيريباتي قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە ەكى ەل قارىم - قاتىناسىنىڭ ورنىقتى، باياندى دامۋىن ىلگەرىلەتىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن. 

 كەلۋ قاينارى: حالىق تورابى