ماڭىزدى فاكتورلار ويداعىداي قامتاماسىزداندىرىلىپ، ”ەكى ماڭىزدى“ نىسان قۇرىلىسىنىڭ قارقىنى تەزدەتىلدى (جۇمىستى ماڭداي الدى ورىنعا قويىپ، ەكونوميكانىڭ ءۇرتىس جاقسارۋىن ىلگەرىلەتۋ)

ءوندىرىس لەنياسىندا كنوپكانى باسقاندا، بولات قۇبىر اۆتوماتتى تۇردە ءتۇرلى مودۋلدانعان بولشەكتەرگە اينالادى؛ ورناتۋ ناق مايدانىندا دانەكەرلەۋدىڭ قاجەتى جوق، ماشينا - ەلەكتر جۇيەسى بەينە قۇراما قوبديشا سياقتى قۇراستىرىلادى.

حۋنان چاڭشا اۋەجايىن كەڭەيتىپ سالۋ ينجەنەرياسى T3 اۋەجاي عيماراتى نىسانىنىڭ قۇرىلىس ورنىندا بيىل 9 - ايدا وندىرىسكە قوسىلعان جۇڭگو قۇرىلىس 5 - مەكەمەسىنىڭ قۇراستىرمالى جىلجىمالى زاۆودى ادامداردىڭ ءداستۇرلى قۇرىلىس ورنىنا بولعان اسەرىن وزگەرتتى. ”“اۆتوماتتاندىرىلعان ءوندىرىستىڭ ءونىمى ادام كۇشى تاسىلىنەن جوعارى بولادى؛ مودۋلداندىرىپ قۇراستىرعاندا، ناق مايداندا قۇراستىرۋ ۋاقىتىن %80 ۇنەمدەۋگە بولادى“ دەدى جىلجىمالى زاۆودتىڭ جاۋاپتىسى يان يۇيچۇن.

مەترو جەلىسى، قالا ارالىق تەز جەلى، ماگنيتتى قالقىما جەلى، جوعارى قارقىندىق تەمىر جول جەلىسى سياقتىلار وسى اراعا جەدەل جينالدى. بولاشاقتا كەڭەيتىپ سالىنعان چاڭشا اۋەجايى كوپ ءتۇرلى ءتاسىل ۇشتاسقان، جوعارى ءونىمدى وسىزاماندانعان سترەولدى امبەباپ قاتىناس تورابىنا اينالادى.

”جاڭا تەحنيكا قولدانىسى كوپ، جاڭا ۇلگىنىڭ تياناقتانۋى تەز، ينجەنەريا اياق الىسىنىڭ ويداعىداي يگەرىلۋى نىسان قارجىسى سياقتى شەشۋشى فاكتورلاردىڭ تولىق قامتاماسىز ەتىلۋىنەن، تياناقتانۋىنىڭ تەز بولۋىنان ايرىلا المايدى“ دەدى حۋنان ولكەلىك اۋەجاي باسقارۋ توبى شەكتى سەرىكتەستىگى قازىنا باسقارۋ ءبولىمىنىڭ باستىعى ساۋ يۋانحۋا.

چاڭشا اۋەجايىن كەڭەيتىپ سالۋ ينجەنەرياسىنا جالپى 43 ميلليارد يۋان قارجى قوسىلدى، بۇل − حۋنان ولكەسىندەگى قارجى قوسۋ كولەمى ەڭ ۇلكەن جالاڭ نىسان، تاياۋدا ەرەكشە ۇزاق ۋاقىتتىق ەرەكشە زايوم ارقىلى قولداۋ نىسانىنا تاڭدالىپ، ارتۋ ساياساتىنىڭ يگىلىگىن كورۋشىگە اينالدى. قازىر چاڭشا اۋەجايىن كەڭەيتىپ سالۋ قۇرىلىسىنا 2 ميلليارد 685 ميلليون يۋان قارجى بوساتىلدى.

”بۇل جەرگىلىكتى قازىنانىڭ قىسىمىن ءونىمدى جەڭىلدەتىپ، قارجى سۇرانىمىن قامتاماسىز ەتتى“. حۋنان ولكەلىك دامۋ جانە رەفورما كوميتەتى نەگىزدىك قۇرىلعىلاردى دامىتۋ باسقارماسى باستىعىنىڭ ورىنباسارى ۋ جىحۋا بىلاي دەپ تانىستىردى: حۋنان ولكەسىنە ورتالىق پەن ولكەنىڭ مەجە ەسەبىندەگى قارجىدان شامامەن 20 ميلليارد يۋان، ۇزاق ۋاقىتتىق ەرەكشە زايوم قارجىسىنان 23 ميلليارد 100 ميلليون يۋان ءتۇسىرىلدى، قازىر زايوم قارجىسى تۇسىرىلگەن ”ەكى ماڭىزدى“ (مەملەكەتتىڭ كەلەلى ستراتەگياسىن اتقارۋ جانە ءتۇيىندى سالالارداعى حاۋىپسىزدىك قابىلەتى قۇرىلىسى) نىساندا بيىل تۇگەلدەي جۇمىس باستالادى.

ءتۇرلى قارجىدان تولىق، ويداعىداي پايدالانعان حۋنان ولكەسى مەملەكەتتىڭ ستراتەگيالىق قاجەتىن ارقاۋ، قازىرگى جاعدايدى تياناق ەتىپ، ۇزاق بولاشاقتى كوزدە ۇستاپ، ءبىر توپ جەتەكتەۋ سيپاتىنداعى، بوگەنايلىق ”ەكى ماڭىزدى“ نىساندى دايىنداپ، ەكونوميكانىڭ ۇزدىكسىز قايتا ورلەۋىنە، جاقسارۋىنا بەرىك تىرەك ازىرلەدى.

حۋايحۋادا حۋايحۋا حالىقارالىق قۇرلىق پورتى كوپ فورمالى ۇلاسپالى تاسىمال ورتالىعى نىسانى 200 ميلليون يۋاننان استام ۇزاق ۋاقىتتىق ەرەكشە زايوممەن قولداۋعا يە بولدى؛ شياڭجياڭ عىلىم قالاشىعىندا حۋنان داشۋەسى عىلىم - تەحنيكادا جاڭالىق اشۋ پورتى مەكتەپ رايونى قۇرىلىسى ”ەكى ماڭىزدى“ نىساننىڭ قولداۋ قارجىسىنا يە بولدى، قازىر جاپپاي جەدەل سالىنۋدا...

كەلەلى نەگىزدىك قۇرىلعى، عىلىم - تەحنيكا، كاسىپ سالاسى سياقتى 26 ەگجەي - تەگجەيلى باعىتتى كوزدەگەن حۋنان ”نىسانداردى جاپپاي جوسپارلاۋ، ءىرى نىسانداردى جوسپارلاۋ“ ارەكەتىن اتقارىپ، ”ولكە دارەجەلى ءبىر تريلليون يۋاندىق، قالا دارەجەلى 100 ميلليارد يۋاندىق“ كەلەلى نىسانداردى جوسپارلاۋ، ىلگەرىلەتۋ جۇيەسىن قالىپتاستىرىپ، ”ەكى ماڭىزدى“ قۇرىلىستىڭ باياندى مەحانيزمىن ورناتتى. حۋنان ولكەلىك دامۋ جانە رەفورما كوميتەتى، ولكەلىك قازىنا مەڭگەرمەسى ءار جىلى 200 ميلليون يۋان الدىڭعى مەرزىمدىك قاراجاتتى ءبىر تۇتاس ورنالاستىرىپ، ءتۇرلى قارجى قوسۋ تۇلعالارىنىڭ جوعارى ساپالى نىسانداردى ۇزدىكسىز جوسپارلاۋىنا، ىلگەرىلەتۋىنە قولداۋ كورسەتتى.

”قاتتى بولشەككە قارجى قوسۋدى“ ءدال، ”جۇمساق بولشەك قۇرىلىسىن“ شىنايى يگەرۋ كەرەك. تاياۋدا حۋنان ولكەسى بۇكىل ولكە بويىنشا ”ەكى ماڭىزدى“، ”ەكى جاڭا“ (كەڭ كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ) جەتكىزۋ ارناۋلى قيمىلىن ورىستەتىپ، ءبىر مىڭ 829 قىزمەت گرۋپپاسى، 20 مىڭعا جۋىق كادر ”ساياسات جەتكىزىپ، قيىن ماسەلەلەردى شەشىپ، ساپالى قىزمەت وتەپ“، ”ەكى ماڭىزدى“، ”ەكى جاڭا“ ىستەرىندەگى 7 مىڭ 157 قيىنشىلىق پەن ماسەلەنى سايكەستىرىپ شەشتى.

”ساياسات ۇگىتشىسى، قيىنشىلىقتى سايكەستىرۋشى، قىزمەت بايلانىسشىسى، تەكسەرىپ - زەرتتەۋشى بولىپ، كاسىپورىنداردىڭ دامۋىنا تۇساۋ بولىپ وتىرعان ءبىر توپ تولعاقتى، قيىن ماسەلەلەردى شەشۋدى شوعىرلى ىلگەرىلەتىپ، ’ەكى ماڭىزدى‘ نىسان قۇرىلىسىن بار كۇشپەن جوسپارلاپ ىلگەرىلەتەمىز“ دەدى حۋنان ولكەلىك دامۋ جانە رەفورما كوميتەتىنىڭ مەڭگەرۋشىسى حۋاڭ دۇڭحۇڭ.

كەلۋ قاينارى: حالىق تورابى