جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى «2025 - جىلعى جاڭا جىل، كوكتەم مەرەكەسى مەزگىلىندەگى قاتىستى قىزمەتتى جاقسى ىستەۋ جونىندەگى ۇقتىرۋدى» باسىپ تاراتتى

شينحۋا اگەنتتىگى، 12 - ايدىڭ 25 - كۇنى، بەيجيڭ. جۋىقتا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى «2025 - جىلعى جاڭا جىل، كوكتەم مەرەكەسى مەزگىلىندەگى قاتىستى قىزمەتتى جاقسى ىستەۋ جونىندەگى ۇقتىرۋدى» باسىپ تاراتتى. تولىق مازمۇنى تومەندەگىدەي:

2025 - جىل − ”14 - بەسجىلدىق“ جوبانىڭ اياقتالاتىن جىلى. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا جىل، كوكتەم مەرەكەسى كەزىندەگى قاتىستى قىزمەتتەردى ءبىر تۇتاس جوسپارلاپ، ويداعىداي ىستەپ، حالىق بۇقاراسىنىڭ مەرەكەنى شات - شادىمان وتكىزۋىنە شىنايى كەپىلدىك ەتۋى كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن قاتىستى ىستەردى تومەندەگىدەي ۇقتىرامىز.

ءبىرىنشى، قيىنشىلىعى بار بۇقاراعا كوڭىل ءبولىپ، قامقورلىق جاساپ، شۇعىل، قيىن، ۋايىمداعان، ءزارۋ ماسەلەلەردى كۇش سالا شەشۋ كەرەك. ءار دارەجەلى پارتكومدار مەن ۇكىمەتتەر قۇتقارۋ، كومەكتەسۋ، سۇيەمەلدەۋ، ارالاپ حال سۇراۋ سياقتى قيمىلداردى كەڭىنەن ورىستەتۋى، ءار دارەجەلى باسشى كادرلار نەگىزگى ساتىمەن، بۇقارامەن ىشكەرىلەي ارالاسىپ، بۇقارا ءۇشىن ناقتى ءىس ىستەپ، قيىنشىلىعىن شەشۋى كەرەك. ءتۇرلى قوعامدىق قۇتقارۋ - كومەكتەسۋ ساياساتتارىن تياناقتاندىرىپ، بەلگىلەمە بويىنشا ءتۇرلى قۇتقارۋ - كومەكتەسۋ قاراجاتىن دەر كەزىندە تولىق تاراتۋ كەرەك. ۋاقىتتىق قۇتقارۋ تەبىنىن ارتتىرىپ، توسىننان، شۇعىل قيىنشىلىققا تاپ بولعان بۇقارانىڭ نەگىزگى تۇرمىسىن ۋاعىندا كەپىلدەندىرۋ كەرەك. ەرەكشە قيىنشىلىعى بار قارتتار، قيىنشىلىق قىسپاعىندا قالعان بالالار، مۇگەدەكتەر سياقتى قاۋىمعا قامقورلىق جاساۋدى، كومەكتەسۋدى كۇشەيتۋ كەرەك. ”قاقاعان قىستا مەيىر باعىشتاۋ“ ارناۋلى قۇتقارۋ قيمىلىن ورىستەتىپ، سەرگەلدەڭ قايىرشىلار سياقتى ۋاقىتتىق قيىنشىلىققا ۇشىراعانداردىڭ قىستان امان وتۋىنە كەپىلدىك ەتۋ كەرەك. ەڭبەكاقىعا قارىزدار بولۋدى جونگە سالۋ قىسقى ارەكەتىن تىڭعىلىقتى ورىستەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ سىندى زاڭعا قايشى ارەكەتتەرگە زاڭ بويىنشا سوققى بەرۋ كەرەك. جۇمىستانۋى قيىن ادامداردىڭ جۇمىستانۋىنا كومەك بەرۋدى كۇشەيتۋ كەرەك. جاڭادان جۇمىستانعان قاۋىمنان حال سۇراۋ قىزمەتىن ويداعىداي ىستەۋ كەرەك. نەگىزگى ساتىداعى كادرلارعا، جۇمىسشى - قىزمەتكەرلەرگە، اسىرەسە، شارت - جاعدايى جاپالى رايونداردا جانە شۇعىل، قيىن، قاتەرلى، اۋىر مىندەتتەردىڭ ءبىرىنشى شەبىندە قىزمەت ىستەپ جاتقان جولداستارعا كوڭىل ءبولۋ كەرەك. تۇرمىسىندا قيىنشىلىعى بار پارتيا مۇشەلەرىن، ساقا پارتيا مۇشەلەرىن جانە ساقا كادرلاردى، قىزىل ارميانىڭ ساقا جاۋىنگەرلەرىن، قوسىننان قايتقان ساقا اسكەريلەردى، ارميادان دەمالىسقا، زەينەتكە شىققان كادرلاردى، مۇگەدەك اسكەريلەردى، قۇربانداردىڭ، اسكەريلەردىڭ وتباسىنداعىلاردى ىشكەرىلەي ارالاپ، ولاردان حال سۇراۋ كەرەك.

ەكىنشى، بازاردى قامتاماسىزداندىرۋدى كۇشەيتىپ، بۇقارانىڭ مەرەكەلىك تۇتىنۋ قاجەتىن قاناعاتتاندىرۋ كەرەك. كومىر، ەلەكتر، ماي، تابيعي گازبەن قامداۋعا كەپىلدىك ەتۋ، باعانى ورنىقتىرۋ قىزمەتىن بار كۇشپەن ويداعىداي ىستەپ، سۇركەيلى اپات كەزىندەگى قاتىستى حاۋىپسىزدىك، ساقتانۋ جانە شۇعىل جاعدايعا توتەپ بەرۋ، ءبىر جاقتى ەتۋ شارالارىن قاتاڭ تياناقتاندىرىپ، بۇقارانىڭ قىستان جىلى وتۋىنە كەپىلدىك ەتۋ كەرەك. استىق حاۋىپسىزدىگىندە پارتكوم مەن ۇكىمەت بىردەي جاۋاپكەرشىلىك ارقالاۋ جانە ”كوجە قاتىققا“ قالا باستىعى جاۋاپتى بولۋ ءتۇزىمىن تياناقتاندىرىپ، استىق، ماي، ەت، ءسۇت، جەمىس، كوكونىس سياقتى تۇرمىستىق قاجەتتى بۇيىمداردى وندىرۋگە، ساتۋعا، قامداۋعا كەپىلدىك ەتۋدى ويداعىداي ىستەپ، بازار قامداۋىنىڭ ورنىقتىلىعىنا شىنايى كەپىلدىك ەتۋ كەرەك. تاۋار جانە قىزمەت وتەۋمەن قامداۋدى مولايتىپ، دەمالىس كەزىندەگى تۇتىنۋ قاجەتىن قاناعاتتاندىرۋ كەرەك. قاتىناس، زات اينالىمىنىڭ ىركىلىسسىزدىگىنە كەپىلدىك ەتۋ قىزمەت مەحانيزمىنىڭ رولىن تولىق ساۋلەلەندىرىپ، ءتۇيىندى توراپتاردىڭ، نەگىزگى ارنالاردىڭ، ءتۇيىندى وڭىرلەردىڭ قاتىناس، زات اينالىمىن باقىلاۋدى جانە ىزىنە ءتۇسىپ ورنالاستىرۋدى كۇشەيتىپ، جىلۋمەن قامداۋ، ەنەرگيا، زات تاسىمالىن قامتاماسىز ەتۋدى ويداعىداي ىستەۋ كەرەك. مەرەكە - مەيرامدا بازارداعى كوپ قولدى ازىق - تۇلىك پەن ازىقتىق اۋىل شارۋاشىلىعى ونىمدەرىن باقىلاۋ - تەكسەرۋ تەبىنىن ارتتىرىپ، ازىق - تۇلىك حاۋىپسىزدىگى بويىنشا زاڭ اتقارۋدى كۇشەيتىپ، قاتىستى ءوندىرىس - شارۋاشىلىق تۇلعالارىن ازىق - تۇلىك حاۋىپسىزدىگى جاۋاپكەرشىلىگىن قاتاڭ تياناقتاندىرۋعا قۋزاپ، بۇقارانىڭ اس - سۋ حاۋىپسىزدىگىن قورعاۋ كەرەك. حالىق تۇرمىسىنداعى ماڭىزدى تاۋار، قىزمەت وتەۋ باعاسىن باقىلاۋ - باسقارۋدى كۇشەيتىپ، باعانى دۇرمەكپەن ءوسىرۋ، باعانى استاسىپ ءوسىرۋ، باعا الدامكوستىگى سياقتى زاڭعا قايشى ارەكەتتەرگە قاتاڭ سوققى بەرۋ كەرەك. توراپ ساۋداسىن باقىلاۋ - باسقارۋدى كۇشەيتىپ، ارىز - شاعىم بەرۋ، اشكەرەلەۋ ارناسىن ىركىلىسسىزدەندىرىپ، تۇتىنۋشىلاردىڭ ارىز - ارمانىن دەر كەزىندە قابىلداپ، ءبىر جاقتى ەتىپ، تۇتىنۋشىلاردىڭ زاڭدى ۇقىق - مۇددەسىن قورعاۋ كەرەك.

ءۇشىنشى، بۇقارانىڭ رۋحاني مادەنيەت تۇرمىسىن بايىتىپ، قويۋ مەرەكەلىك راي قالىپتاستىرۋ كەرەك. ”كوكتەم مەرەكەسىندە نەگىزگى ساتىنى ارالاۋ“ تاقىرىبىنداعى تىلشىلىك قيمىلىن جانە ”مادەنيەت جاعىنداعى جۇڭگو ساپارى“ تاقىرىبىنداعى ۇگىتتى ىشكەرىلەي ورىستەتىپ، نەگىزگى اۋەندى اسقاقتاتا شىرقاپ، وڭ ەنەرگيا تاراتۋ كەرەك. كوكتەم مەرەكەسى كەزىندەگى ”قىستاق ساۋىق كەشىنەن“ ۇلگى كورسەتۋ قيمىلىن وتكىزىپ، شارۋالاردىڭ رۋحاني جاڭا بەت - بەينەسىن، اۋىل - قىستاقتى كوركەيتۋدىڭ جاڭا بەينەسىن ايگىلەۋ كەرەك. مادەنيەت، عىلىم - تەحنيكا، دەنساۋلىق ساقتاۋ بويىنشا ”ءۇشتى اۋىل - قىستاققا جەتكىزۋ“ قيمىلىن ورىستەتۋگە ۇيىمداستىرىپ، ۇزدىك مادەنيەت ونىمدەرى، عىلىم - تەحنيكا، سالاماتتىق بىلىمدەرى سياقتىلاردى بۇقاراعا جەتكىزۋ كەرەك. ”بەيزاتتىق مادەني مۇرالار ارقىلى كوكتەم مەرەكەسىن قۇتتىقتاۋ“ جەلىلەس قيمىلىن ورىستەتىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ جانە ساۋلەلەندىرۋ كەرەك. ”ءبىزدىڭ جۇڭگو ارمانىمىز − مادەنيەتتى سان مىڭداعان وتباسىنا جەتكىزۋ“ قيمىلىن كەڭىنەن ورىستەتىپ، قالىڭ مادەنيەت، ادەبيەت - كوركەمونەر قىزمەتكەرلەرىن نەگىزگى ساتىعا تامىر تارتۋعا، بۇقاراعا قىزمەت وتەۋگە جۇمىلدىرىپ جانە ۇيىمداستىرىپ، حالىق بۇقاراسى ۇناتاتىن ءبىر توپ جوعارى ساپالى مادەنيەت، ادەبيەت - كوركەمونەر ونىمدەرىن جاراتۋ كەرەك. مول، ساپالى مادەنيەت جانە ساياحات بازارىمەن قامداپ، مادەنيەت، ساياحات تۇتىنۋىن جەبەۋ قيمىلى مەن حالىققا تيىمدىلىك جاساۋ شارالارىن العا قويىپ، جالپىلىق زاڭ اتقارۋدى كۇشەيتىپ، مادەنيەت جانە ساياحات بازارىنىڭ ءتارتىبىن قورعاۋ كەرەك.

ءتورتىنشى، كوكتەم مەرەكەسى كەزىندەگى تاسىمال قىزمەتىن ءبىر تۇتاس جوسپارلاپ، ويداعىداي ىستەپ، بۇقارانىڭ حاۋىپسىز، قولايلى ءجۇرىس - تۇرىسىنا كەپىلدىك ەتۋ كەرەك. ءتۇيىندى كەزەڭدەردىڭ، ءتۇيىندى وڭىرلەردىڭ، جۇرت نازارىن اۋدارعان جول لەنيالارىنىڭ تاسىمال قۋاتىن ارتتىرۋدى جانە ۇيىمدىق ورنالاستىرۋدى كۇشەيتىپ، بۇقارانىڭ ءجۇرىس - تۇرىس قاجەتىن مۇمكىندىكتىڭ بارىنشا قاناعاتتاندىرۋ كەرەك. جالپىلىق تاسىمالدى سايكەستىرۋدى، ۇشتاستىرۋدى كۇشەيتىپ، تەمىر جول، تاس جول، سۋ جولى، حالىقتىق اۆياتسيا جانە قالا جولاۋشى تاسىمالى ينفورماتسياسىنان ورتاق يگىلىكتەنۋدى كۇشەيتىپ، جولاۋشىلاردىڭ ”ەڭ العاشقى جانە ەڭ سوڭعى ءبىر شاقىرىمىن“ ىركىلىسسىزدەندىرۋ كەرەك. ءوز كولىگىمەن جۇرۋگە قىزمەت وتەۋ قامتاماسىزدىعىن كۇشەيتىپ، ماڭىزدى مەرەكە - مەيرامداردا شاعىن جولاۋشىلار كولىگىنەن اقى الماۋ ساياساتىن تياناقتاندىرىپ، وڭاي كەپتەلىپ قالاتىن جول بولەكتەرىنىڭ كەپتەلۋىن ىركىلىسسىزدەندىرۋدى كۇشەيتىپ، جاڭا ەنەرگيالى اۆتوكولىكتەردى زاريادتاۋ قىزمەت وتەۋىن قامتاماسىز ەتۋدى كۇشەيتىپ، قىزمەت وتەۋ رايوندارىنىڭ، اقى الۋ پۋنكتتەرىنىڭ قىزمەت وتەۋ قابىلەتىن جوعارىلاتۋ كەرەك. ءارقايسى ورىنداردى ەڭبەكاقىلى جىلدىق دەمالىس سياقتى تۇزىمدەردى تياناقتاندىرۋمەن ۇشتاستىرىپ، ۋاقىت مەزەتىنە ءبولىپ ساپارلاۋ جاعىنان جەتەكشىلىك ەتۋگە شابىتتاندىرۋ كەرەك. جۇمىسشىلار اعىنى، وقۋشىلار اعىنى، ساياحات اعىنى سياقتى ءتۇيىندى جولاۋشىلاردىڭ ءجۇرىس - تۇرىسىن قامتاماسىز ەتۋدى كۇشەيتىپ، اسكەريلەردىڭ، ءورت ءسوندىرۋ، ورتتەن ساقتانۋ قۇتقارۋ - كومەكتەسۋ قىزمەتكەرلەرىنىڭ، قاھارمان قۇربانداردىڭ وتباسىنداعىلاردىڭ ءجۇرىس - تۇرىسىنا زاڭ بويىنشا الدىمەن جەڭىلدىك جاساۋ ساياساتىن قاتاڭ تياناقتاندىرۋ كەرەك. تومەن تەمپەراتۋرالى جاڭبىر، قار، مۇز سياقتى ناشار اۋا رايىنان ساقتانۋ، وعان توتەپ بەرۋ جوباسىن كەمەلدەندىرىپ، شەكتەن اسىرۋ، ادامدى ارتىق وتىرعىزۋ، قارقىندى اسىرۋ، زاڭسىز جۇمىس جۇرگىزۋ، اۋىل شارۋاشىلىق اۆتوموبيلدەرى مەن جۇك اۆتوموبيلدەرىنىڭ زاڭعا قايشى ادام الىپ ءجۇرۋى سياقتى ارەكەتتەرگە قاتاڭ سوققى بەرىپ، اۋىر، ەرەكشە اۋىر قاتىناس شىرعالاڭدارىنان قاتاڭ ساقتانىپ، بۇقارانىڭ ءجۇرىس - تۇرىس حاۋىپسىزدىگىنە كەپىلدىك ەتۋ كەرەك.

بەسىنشى، شىرعالاڭ كومەسكى قاتەرىن باتىل تۇزەپ، ءوندىرىس حاۋىپسىزدىگىن شىنايى جاقسى يگەرۋ كەرەك. ”ءوندىرىس حاۋىپسىزدىگى مەن جاراتىلىستىق اپاتتاردىڭ كومەسكى قاتەرىن تەكسەرۋ، وڭاۋ“ ارناۋلى قىزمەتىن تىڭعىلىقتى ورىستەتۋ كەرەك. قىستا جىلىنۋ، تورسىلداق اتۋ، كوكتەم مەرەكەسى كەزىندەگى قاتىناس، كەن، حيميا ونەركاسىپ ءوندىرىسى، قۇرىلىس جۇرگىزۋ، بالىقشىلىق كەمەسى سياقتى سالالارداعى شىرعالاڭداردىڭ كومەسكى قاتەرىن جاپپاي ءبىر - بىرلەپ تەكسەرىپ، جونگە سالىپ، وتىندىق گاز، وت شىعارىلاتىن جۇمىس، ەلەكترلى ۆەلوسيپەد جانە جاڭا ەنەرگيالى اۆتوكولىكتى زاريادتاۋ نەگىزدىك قۇرىلعىلارى، جىلۋ ساقتاۋ ماتەريالدارى، سونداي - اق ”توعىز شاعىن ورىن“، كوپ كاسىپ كۇيىنىڭ ارالاس ءوندىرىس - شارۋاشىلىق ورنى سياقتى جاقتارداعى ءورت اپاتى كومەسكى قاتەرىن ءبىر - بىرلەپ تەكسەرىپ، جونگە سالۋ كەرەك. جىلۋمەن قامدايتىن پار قازان، ءىرى كولەمدى ساۋىق - سايران قۇرىلعىلارى، جولاۋشى تاسىمال اسپالى جولى سياقتى ەرەكشە جابدىقتاردىڭ كومەسكى قاتەرىن اداقتاۋ جانە قورعاۋ، كۇتۋ قىزمەتىن ورىستەتۋ كەرەك. بۇكىل ەلدەگى ورمان، جايىلىم ءورت اپاتىنىڭ اۋىر كومەسكى قاتەرىن ىشكەرىلەي تەكسەرۋ كەرەك. جاڭا جىلعا قاراعان ءتۇن، جاڭا جىلعا قاراعان ءتۇن سياقتى ءتۇيىندى كەزەڭدەردەگى شىراق سالتاناتى، ءتۇستى جارقىلداق ساۋىق كەشى سياقتى كولەمدى بۇقارالىق قيمىلداردىڭ حاۋىپ - قاتەرىن باعالاۋدى جانە حاۋىپسىزدىكتى باسقارۋدى كۇشەيتۋ كەرەك. اپاتتى اۋا رايىن باقىلاۋ - ولشەۋ، الدىن الا مالىمەت بەرۋ جانە حاۋىپ - قاتەر ەسكەرتۋىن كۇشەيتىپ، حاۋىپسىزدىك ۇگىتىن كەڭىنەن ورىستەتىپ، بۇقارانىڭ حاۋىپسىزدىك ساقتىق تانىمى مەن ءوزىن قۇتقارۋ ونەرىن جوعارىلاتۋ كەرەك. جاڭا تيپتى ايدارشا ۆيرۋس وكپە قابىنۋ ىندەتى، جۇقپالى تۇماۋ، وكپە قابىندىراتىن ميكروپلازمانىڭ ينفەكسيالانۋى سياقتى جۇقپالى اۋرۋلار مەن باسقا دا ءتۇيىندى جۇقپالى اۋرۋلاردان ساقتانۋ جانە ونى تىزگىندەۋ قىزمەتىن ءبىر تۇتاس جوسپارلاپ، ويداعىداي ىستەپ، باقىلاۋ - تەكسەرۋ، ساقتاندىرۋ جانە ءتۇيىندى ورىنداردا كۇندەلىكتى قورعانۋدى كۇشەيتىپ، ەمدەۋ - قۇتقارۋ بۇيىمدارى مەن شۇعىل جاعدايعا توتەپ بەرۋ دايىندىعىن ويداعىداي ىستەۋ كەرەك.

التىنشى، قايشىلىقتار مەن داۋ - شاردى ىشكەرىلەي تەكسەرىپ جانە شەشىپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ”قايشىلىقتى، حاۋىپ - قاتەردى شەشىپ، قوعام ورنىقتىلىعىن قورعاۋ“ ارناۋلى جونگە سالۋىن تىڭعىلىقتى ورىستەتىپ، نازاردى ءتۇيىندى سالالارعا، ءتۇيىندى ادامدار شوعىرىنا شوعىرلاندىرىپ، ءتۇرلى قايشىلىقتار مەن داۋ - شارعا جانە حاۋىپ - قاتەر كومەسكى كىناراتتارىنا تور جايۋ ۇلگىسىندە ءبىر - بىرلەپ تەكسەرۋ جۇرگىزىپ، ءتۇرلى ورنىقسىزدىق فاكتورلارىن تۋ باستان جويۋعا قۇلشىنۋ كەرەك. جان - جاقتى جونگە سالۋ قىزمەت مەحانيزمىن كەمەلدەندىرىپ، سالالار مەن بولەكتەردى ۇشتاستىرۋدى، تاراۋلاردىڭ سايكەسۋىن كۇشەيتىپ، ينفورماتسيانى ۇلاستىرۋدى، قايشىلىقتى بىرلەسىپ رەتتەۋدى، حاۋىپ - قاتەردى بىرلەسىپ تىزگىندەۋدى، ماسەلەنى بىرلەسىپ جونگە سالۋدى كۇشەيتىپ، قىزمەتتىڭ بىرىككەن كۇشىن قالىپتاستىرۋ كەرەك. اۋىر زورلىقتى كۇش قىلمىسى، ايەلدەر مەن بالالاردىڭ ۇقىق - مۇددەسىنە قول سۇعۋ، ”ۇرلىق، توناۋشىلىق، الدامكوستىك، سارى الاپات، قۇمارپازدىق، ەسىرتكى تۇتىنۋ، ازىق - تۇلىك، ءدارى - دارمەك ساقيناسى“، سونداي - اق تەلەگراف، توراپ الدامكوستىگى، شەكارا اتتاپ قۇمار ويناۋ، قارا قوعام مەن سۇرقيالىققا ساياتىن زاڭعا قايشى قىلمىستارعا زاڭ بويىنشا قاتاڭ سوققى بەرۋ كەرەك. دۋماندى ساۋدا شەڭبەرى، ساياحات كورىنىس رايونى، الەۋمەتتىك قاتىناس مەتروسى، پويەز بەكەتى، اۋەجاي، مەكتەپ اۋلاسىنداعى شيپاحانا، مادەنيەت، دەنە تاربيە الاڭ - سارايى سياقتى ادامدار شوعىرلى ورىنداردىڭ حاۋىپسىزدىك ساقتىعىن كۇشەيتىپ، قارۋ - جاراق، وق - ءدارى، قاتەرلى جارىلعىش زاتتار، شەكتەلگەن پىشاق سياقتى ءتۇيىندى زاتتاردىڭ حاۋىپسىزدىگىن باسقارۋدى كۇشەيتىپ، قوعام اماندىعىنىڭ كومەسكى قاتەرىن مۇمكىندىكتىڭ بارىنشا جويۋ كەرەك. قوعامدىق شارلاۋدى، قورعانۋدى جانە مەڭگەرۋدى كۇشەيتىپ، ءتۇيىندى نىسانالاردىڭ حاۋىپسىزدىگىنەن ساقتانۋدى كۇشەيتىپ، زورلىقتى كۇش لاڭكەستىك ارەكەتتەرىنەن باتىل ساقتانىپ جانە وعان سوققى بەرىپ، ۇشقارىلىق وقيعالارىنىڭ تۋىلۋىنان قاتاڭ ساقتانۋ كەرەك. قوعامدىق پىكىرگە قاداعالاي نازار اۋدارىپ، حاۋىپ - قاتەرگە تۇجىرىم جاساۋدى جانە توتەپ بەرۋدى، ءبىر جاقتى ەتۋدى بەلسەندى، ورنىقتى ويداعىداي ىستەپ، ۇنامدى جاقتان جەتەكتەۋدى كۇشەيتىپ، قوعامنىڭ حاۋىپسىزدىگى مەن ورنىقتىلىعىنا شىنايى كەپىلدىك ەتۋ كەرەك.

جەتىنشى، مەرەكەنى ۇقىپتى، ۇنەمشىل، وركەنيەتتى، پاك وتكىزۋدى دارىپتەپ، ”4 ءتۇرلى بۇرىس ستيلدى“ تاباندىلىقپەن تۇزەتىپ، جاڭا سالت ورناتۋ كەرەك. جۇڭحۋا ۇلتىنىڭ تاڭداۋلى ءداستۇرلى ستيلىن ساۋلەلەندىرىپ، وتباسى تاربيەسىن، وتباسى ستيلىن قاتايتىپ، ۇقىپتى، ۇنەمشىل بولۋدى دارىپتەپ، ەسكى سالت - سانانى وزگەرتۋدى ىلگەرىلەتىپ، ءسان - سالتاناتقا بەرىلۋ، استا - توك ىسىراپشىلدىق سياقتى ناشار ادەتتەرگە قارسى تۇرۋ، ەرەكشە ۇقىق يدەياسى مەن ەرەكشە ۇقىق قۇبىلىسىنا قارسى تۇرۋ كەرەك. ءتارتىپ تالابىن قاتايتىپ، ورتالىقتىڭ 8 ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرۋ كەرەك. راقاتقۇمارلىق، استا - توك ىسىراپشىلدىق ستيلىنەن قاتاڭ ساقتانىپ، بەلگىلەمەگە قايشى ءىشىپ - جەۋ تەرىس ستيلدەرىن قاتاڭ تەجەپ، بەلگىلەمەگە قايشىلىق جاساپ، تارتۋ - تارالعى الۋ، بەلگىلەمەگە قايشىلىق جاساپ قوسىمشا قاراجات نەمەسە يگىلىك تاراتۋ، بەلگىلەمەگە قايشىلىق جاساپ توي - تومالاق وتكىزىپ، ورايدان پايدالانىپ مال - مۇلىك جيناۋ، ۇكىمەت اۆتوموبيلىن جەكە جۇمىسقا پايدالانۋ سياقتى ماسەلەلەردەن قاي - قاشان دا ساقتانىپ، تيپتىك دەلولاردى دەر كەزىندە حابارلاندىرۋ كەرەك. تارتا تۇرمىس كەشىرۋ تالابىن تياناقتاندىرىپ، جوعارى سورتتى تەمەكى، اراق، شاي، ”جاڭا جىلعا قاراعان تۇنگى استا - توك تاماق“، مەرەكەلىك تارتۋلاردى شەكتەن تىس قوراپتاۋ سياقتى قۇبىلىستاردىڭ استارىنداعى راقاتقۇمارلىق، استا - توك ىسىراپشىلدىق ماسەلەسىن كۇش سالا تۇزەتۋ كەرەك. فورماشىلدىقتى، تورەشىلدىكتى كۇش سالا جونگە سالىپ، قىزمەتتى قورىتىندىلاۋ جانە ىلگەرىلەتۋ دەگەن اتپەن قۇجات باستىلىققا، ءماجىلىسقورلىققا سالىنۋ، نەگىزگى ساتىعا بەتالدى مىندەت جۇكتەۋ، كوپ جاق ماتەريال جولداۋدى، كەستە تولتىرۋدى قايتالاپ تالاپ ەتۋ، باقىلاۋ - تەكسەرۋ، باعالاۋ تىم كوپ، تىم ءجيى بولۋ، قالىپتان تىس ءىز قالدىرۋ سياقتى قۇبىلىستاردى باتىل تۇزەتۋ كەرەك. ءتيىمدى زاڭ اتقارۋ ماسەلەسىن قاداعالاپ، بەتالدى اقى الۋ، بەتالدى اقشالاي ايىپ سالۋ، بەتالدى تەكسەرۋ، بەتالدى پەشەتتەۋ سياقتى قۇبىلىستاردى كۇش سالا تۇزەتۋ كەرەك.

سەگىزىنشى، كەزەكشىلىكتى جانە شۇعىل جاعدايعا توتەپ بەرۋدى كۇشەيتىپ، ءتۇرلى قىزمەتتەردىڭ ءتارتىپتى جۇرگىزىلۋىنە كەپىلدىك ەتۋ كەرەك. 24 ساعات ارناۋلى ادام كەزەكشىلىك ىستەۋ جانە باسشى كادرلار قىزمەت ورنىندا جەتەكشىلىك ەتۋ، سىرتقا شىققاندا ەستەلىككە الدىرۋ سياقتى تۇزىمدەردى قاتاڭ اتقارۋ كەرەك. كەزەكشىلىك كۇشتەرىن تولىقتاپ، كۇشەيتىپ، بۇقاراعا تىكەلەي قىزمەت وتەيتىن ورىندار مەرەكە كەزىندە كەزەكشىلىكتى، مىندەت وتەۋدى ۇيلەسىمدى ورنالاستىرىپ، قىزمەت وتەۋ ساپاسىنا كەپىلدىك ەتۋ كەرەك. شۇعىل جاعدايعا توتەپ بەرۋ جوباسىنا جاتتىعۋدى كۇشەيتىپ، ءتۇرلى توسىن وقيعالاردى شۇعىل ءبىر جاقتى ەتۋ دايىندىعىن ويداعىداي ىستەپ، توسىن وقيعالارعا تاپ بولعاندا دەرەۋ ءۇن قوسۋعا، جوعارى ءونىمدى، ءتارتىپتى ءبىر جاقتى ەتۋگە شىنايى كەپىلدىك ەتۋ كەرەك. نۇسقاۋ سۇراۋ، مالىمدەۋ ءتۇزىمىن قاتاڭ اتقارىپ، كەشىكتىرىپ مالىمدەۋدى، وتىرىك مالىمدەۋدى، جاسىرۋدى باتىل تيۋ كەرەك.

جەر ـ جەر، تاراۋلار ۇيىمدىق باسشىلىقتى كۇشەيتىپ، جاڭا جىل، كوكتەم مەرەكەسى كەزىندەگى قاتىستى قىزمەتتەردى مۇقيات ورنالاستىرىپ، وسى ۇقتىرۋ رۋحىنىڭ ناقتى تياناقتانۋىنا كەپىلدىك ەتۋى كەرەك.

كەلۋ قاينارى: حالىق تورابى